اروح للمستشفى ولا لا ؟!!

[حبيبةة امها]

مرحبا بنات ..

انا سويت سونار يوم الاربعاء اللي فات يعني قبل اسبوع وكنت مقرره اروح بعد اسبوعين ثلاث .. بس من يومين فيه الم اسفل البطن مقدر اوصفه بس كأن يد تمسكني بقوه يوجعني .. يوم سويت الاربعاء قلت لكم لان حسيت الم ثواني ومن حرصي رحت ع طول ولقيت المشيمه نازله .. وهالمره الألم اقوى بس اقول يمكن طبيعي .. لان مانزل دم الحمدلله بس اللي مخوفني ان اشتغل بالبيت كثير .. ما ادري اروح ولا انتظر .. انا ودي اتأخر عشان قالوا بعد اسبوع او اسبوعين يكون مبين جنس الجنين 100% ودي انتظر .. مع العلم ان وضع الجنين تمام يعني الحمدلله اشوف النبض لما اراقب بطني ولما احط ايدي احس فيه بعد ومرات احس بحركه خفيفه .. طمنوني مايحتاج اروح للدكتوره صح ؟ ولو فيه شي خطر كان نزل دم لاسمح الله .. !!

[حياتي توأمي]

حبيبتي ضروري تروحين لاااازم وجع قوي على وصفك لازم تروحي شو تنتظرين لاسمح الله يعني الحمد لله مافي اي دم

ولهالسبب ماتروحي !!

انا اخالفك الراي بصراحة لأن الحامل وضعها حساس جداً والمفروض تروح تطمن على نفسها عند مواجهة اي عرض من الاعراض

مابي اخوفك بس عشان يطمن قلبك وشو تبين تروحين بعد اسبوعين عشان يبان جنس الجنين !!!
لااااحقة على جنسه

اهم شيء الحين تطمنين على الوضع وتعرفين شو سبب هالوجع

اسأل الله ان يتمملك على خير ويثبتلك حملك ويقر عينك بشوفته سليم معافا يااااارب

[bellamamita]

من الافضل روحي ليش تنتظرين نزول الدم مادام المشيمة نازلة الافضل تشوفي لاوضعك

[حبيبةة امها]

ايه بس اختي حياتي .. انا متابعه حملي اول بأول وكل اسبوع اروح واذا تأخرت اتأخر اسبوعين والحمدلله كل شي اكتشفه مبكر .. بعضهم يقولون مايصير كل اسبوع تروحين وحتى الدكتوره مره قالت مهما صار لاتجين الا بعد شهر واذا جا نزيف تعالي .. وغيرتها لان مارتحت لها وبعد كلامها ب4 ايام جاني الم بالكلى طلع الرحم يضغط عالكلى وتحليل البول الله يعزك طلع فيه نسبة املاح عاااااليه .. وعالجت وبعد اسبوع حلت وطلع سليم بس المشيمه نازله .. وعلى هالحال .. يعني هالمره اخاف اروح ويطلع السبب عادي وماله علاج لان طبيعي واخاف ماروح ويطلع شي خطر لاسمح الله .. و الشي اللي مخوفني الاشعه لان سويت قبل اسبوع لو اسوي بعد اخاف تضر الجنين ..

[كبرتني ياااهم]

أنا اشوف بهاذي الحالة لاتروحين مدام انتي شايفة البيبي قبل أسبوع سليم

اذا لاسمح الله اشتد الألم أكثر من كذا روحي لأستشاري أفضل

[حياتي توأمي]

والله على راحتك

بس الأفضل ماتنتطري يشتد الألم لاسمح الله

والسونار مايضر الجنين ابداً بعد اسبوع عاااادي تشوفينه مره ثانيه

وانتي طلبتي المشوره وانا قلت رأيي

تقبلي مروري
وربي يتمملك على خير

[زهرة ال]

حبيبتى انصحك روحى اطمنى وياستى جنس الجنين طولت ولا قصرت هتعرفيه ان شاء الله حتى لو مش المره دى يبقى المره الجايه اهم حاجه تتطمنىى عليه وعلى نفسك وريحى نفسك شويه من شغل البيت لان اهم حاجه صحتك وصحه الجنين والمفروض جوزك يدعمك شويه فى شغل البيت وربنا يقومنا بالسلامه

[حبيبةة امها]

مشكورات خواتي .. دام السونار مايضر راح اروح اتطمن ان شاء الله مايكون فيه شي

[مريمانه]

ان شاء الله مافي شي خطير انا كمان تجيني الام تخوف وتروح واروح افحص اشوف بس افرازات بيضه واحس انها زايده بس احس شويه بحركة الجنين كل يومين هاد مصبرني انتي اذا الامك قويه مستمره بيكون التهاب احتمال روحي وطمننينا حبيبتي

[υм вtℓαα]

حبيبتي من الأفضل تروحين المشفى حتى تتاكدين سبب الألم
السونار مايضر انا سويته 3 مرات قبل اجهضت بس أهم شي تتطمنين وكمان المشيمة نازله خوذي الحذر الله يتمملك بخير