كل الأناقة في حشمتك

[فطومة ام رغد]

السلام عليكم ورحمة الله وبركاته


الحمدلله الذي ميّز المسلمين عن العالمين ، وخص امة محمد بضعف السابقين ، و اكرمنا بهذا الدين
وهدانا صراطه المستقيم ، نسال الله ان يجعلنا من الصالحين ويهدينا ان كنا خاطئين ..


لان حنا امة مميزه ❤️✌️، ميزنا الله عن كل الامم حتى بلباسنا , بل وامرنا الله عزوجل بالستر
والستر [ شيئ من الفطره ] ، ماتميل النفس عن الفطره الا بزيغ القلب " افراط الذنب " و كثرة المعاصي
و تسلط الشيطان وتزيينه للعري بعين الوحده ، والشيطان ماله سلطان ( وما كان لي عليكم من سلطان إلا أن دعوتكم فاستجبتم لي ) تستجيب النفس للشيطان بسبب مرض القلب من كثر الذنوب واتباع خطوات الشيطان
كل مازين الشيطان لوحده معصيه كارت وراها ! وكل ماطاحت بذنب ماتستغفر كذا تصير الوحده تمشي ورى توجيهات الشيطان وتتبع خطواته بدون ماتحس وتطلع من ذنب ورى ذنب بدون ماتحس انها سوت معصيه وهذا من الخذلان نسال الله السلامه والعافيه ( إن عبادي ليس لك عليهم سلطان إلا من اتبعك من الغاوين )
الله ماجعل للشيطان على بني ادم سلطان الا اللي يتبعونه ، فتلاحظون الناس كل ما انحرف مسارها واستكثرت من الذنوب مع الوقت يزيد عريها !
عكس الايمان كل مازاد رجعت الوحده لفطرتها السويه اما بالطاعه لله ، او ان الله يفتح على بصيرتها ويصير عادي تعرف انه هذا اللبس مايصلح ولا يستر






،


اكثر ما الهمني مقطع بيوتيوب لكويتيه لابسه العباة والنقاب في امريكا ، اعترضت عليها مسلمه مصريه قالت لها هم مايفهمون ليه مذا تلبسين انتي تخوفينهم. خخخخخخخ
راحت الكويتيه قابلت اطفال ورجال ونساء وشابات امريكيات ، تسالهم عن رايهم بالحجاب واذا هي تخوفهم !؟

الجواب كان ان الكل ائيد وشجع اعتزازها بهويتها ، بل والبعض ابدا اعجابه
والجميل بالموضوع انها بالنهايه سوت مقارنات بين حجابات ولبس المسلمات

وكل اللي قابلتهم ميزوا الحجاب الشرعي الصح من الحجاب الشرعي الغلط ( وهم كفار ومشركين )

كلهم قالوا ان المتنقبه بدون كحل لابسه حجابها صح
واللي تتحجب بدون مكياج صح واللي لابسه سكارف محد ائيدها


صراحه اشفقت بقوة سبحان الله على اللي لاطلعوا فسخوا العباة وغيروا اللبس وتحججوا بالغرب
لا ارضوا الله ، ولا اعجبوا الشعب الغربي

ومن هنا نعرف تماما ان الهدايه ربانيه ، الهدايه ربانيه

والضلال والافكار الهابطه والقناعات الفاسده كلها باطله وخرابيط يتشربكون فيها
اهل المعاصي وينفتنون فيها ، وفيه اية بالقران تدل على هذا المفهوم ( يعني ماتكلم من راسي )
بس مانيب ذاكرتها ، الله يرزقني واياكم حفظ القران عشان نستدل فيه متى مااحتجتا ونبني عليه افكارنا


فمن هذا المنطلق .. ودي اوجه دعوه لكل وحده مغتربه ابتعاث لها او لزوجها
لكل وحده تحب تسافر لاوروبا امريكا وغيرها انها تعتز بدينها وحجابها ولبسها
حتى في السعوديه بين المسلمات اللي بيستهزئ بلبسك الساتر هو يستهزئ بشريعه من شعائر الله
ماتشيلين هم المنافقين والمنافقات



،




كل اللي فوق ترى مقدمه ..

اعتزازاً بديني الحنيف ، ولكل الجميلات الملتزمات اللي يحبون يطلعون با ابهى صوره واجمل

هنا بهذا الموضوع _ان شاء الله_ انزل .. اخر موضه والجديد والدارج

للملابس المحتشمه الراقيه من مختلف الماركات العالميه

بحيث يكون الموضوع مرجّع لاي انيقه ملتزمه تعرف منه اخبار الفاشن والدارج بدون ماتضطر
تخدش نظرها بالمودلز العاريات بالمواقع المختصه بالفاشن

ومن هنا نلبس ونكشخ ونعرف الموديلات الحلوه والموضه ، بدون مانكسب اوزار وناخذ اثام

والموضوع اكيد ❤️ مفتوح ❤️ للجميع ..
شرط الالتزام بشروط القسم من تستير وغيره






.

.

اللهم جمّل الحشمة في عيني ، وجمّلني بالحشمه ، واجعلني اجمل بها خلقك ❤️❤️
~ امين ~