فضفضة منتظرة

[Fa6ema]

طبعاو كل وحدة متزوجة تنطر لحظة ان تكون حامل .. و هالشي طبعاً بيد الله
متى الله كاتب للوحدة تحمل بتحمل لكن هالشيء ما يمنع ان الواحد ياخذ بالاسباب و يسعى

من جذي عندي استفسارات لكل وحدة و ان شاء الله نستفيد كلنا
المهم انا متزوجة خذلي سنتين ونص و حملت مرتين و ولدت مبكر بهالمرتين طبعا تضايقت وزعلت وايد بس ادري خيرة من الله
المهم احين كملت سنة من اجهاضي الثاني و للحين الله ما كتب لي احمل تميت احاول حمل عقب 8 اشهر من اجهاضي حق اريح رحمي و نفسيتي و الحين من قمنا نحاول تقريباً 3-4 اشهر و كل شهر نتتظر و طبعاً مثل اي وحدة ننطر الشارة حق اي عرض يعطي امل اني حامل و طبعاً كنت اسجل مواعيد دورتي و كل عرض اصيدني و صرت اعرف تقريباً ان كنت حامل او لا بعد التبويض مباشرة و صج هالشهر من شفت شعيرات بيضه صغيرة وي البول دوبها تنجاف صرت اعرف ان الدورة بتنزل وماتعب نفسيتي بالانتظار من جذي خل نتشارك كلنا بهالاعراض الا تددلها حق كل وحدة تستفيد طبعاً ان اشيل موضوع التوتر و المحاتاة دورتي ما تتلخبط لله الحمد ان اتوتر و اتحلم يا اتاخر او تجدم الدورة
بالاضافة الى ان الوسواس يلعب دور !! كل وحدة تحاتي و تسمع كلام من الناس يغث يحسسون ان الوحدة مريضة وفيها شي الا لازم اتروح تفحص و تجيك و يبدي لعبة بالاعصاب و ان يطلع كل شي سليم يبدي الهاجس الثاني الا عين و الا مدري شنو !! و انا من تجربتي احسه شي نفسي للوحدة يصير لان تتوتر و توتر زوجها معاها .. و هالشي وارد لكل زوجين بس مايصير نخلي ياثر على علاقة كل وحدة بشريك حياتها خل كل وحدة تجدد من روحها و تحط فبالها ان عروس و تريح نفسيتها حق كل شي بحياتها يصير صح .. صج ان المال و البنون زينة الحياة الدنيا لكن فوق ذي ان لازم مانخلي هااااجس و تهدمون العشرة بلحظة ضعف
انا ما انكر اني اتضايق و ازعل كل شهر ان اشوف الدورة و انطر اليوم الا اضم طفلي بس قررت اغير هالشيء و ما اتعب نفسيتي و نفسية زوجي و لله الحمد انا اريد و الله يفعل مايريد

و خل كل وحدة تذكر تجربتها و افضفض باسلوبها بتشخيص اعراض دورتها و اعراض الحمل .. و طريقة تعاملها مع زوجها و اسلوبها في حالة نزول الدورة و ليش توقعت انها حامل و انصدمت بالدورة؟ هل تعتقدين ان شي نفسي؟ خلاج تحسين انج حامل بسبب هاجس الحمل ؟ تضنين ان الانتظار خلاج تركزين بكل عرض و توهمتي بالحمل؟ و يوم نزلت الدورة نسيتي ان زوجج يمكن ازيد منج ينطر لحظة انج حامل بس عاملتيه بجفاف وظليتي تصيحين و و و نسيتي ان الا معاج انسان حاله حالج و يضايق مثلج بس ما يبين لج ؟؟ واايد اسئلة بس حبيت نتشارك هاللحظات لان شفت وايد مواضيع تزعل صراحة و كل وحدة تفضفض