دخيلكم اقرأوا قصتي وساعدوني او شوروا عليا بصدق

[عهود الزهرااني]

ماطول قصتي واختصرها أنا متزوجه لي 4سنوات عندي بنت عمرها ثلاث سنوات واللحين حامل بالشهر السادس انا من تزوجت وحياتي عذاب مع زوجي من ضرب واهانه وخيانه صبرت الى ماهو رمى عليا الطلاق مره واحده واصريت مارجع له ورحت للمحكمه بطلب خلع لكن هو اصر يرجعني وترجاني ورجعت له العم وياليتني مارجعت له اكتشفت انه باقي يخون ودورت للشي اللي ينقصني وحاولت فيييه لكن مانفع والله ألبس له واحلى طبخ وماني مقصره بشي لكن باقي واللحين يقول يبي يتزوجً عليا وأخذت حسابه بتويتر وشفته الس يرقم بنات وقلت بلعب عليه انا وفعلا لعبت عليه واكتشفت عنده رقم ثاني ويقول انتي من فين ابي اتزوجك مابي مكالمات وقلل كل شي انه متزوج واسمي عطاها وكان صادق معاها اللي هو انا بس مايدري وسألته وش ناقص زوجتك عشان تتزوج عليها يقول اكرها وجالس صابر عليها عشان بنته وقال لأهله يبي يازوج لكن انا ماتحمل اشوفه متزوج عليا. ويقولون الزوج يرتاح مع الثانيه ويحبها الثانيه اكثر والأولى هي الضحيه مايبيها انا ماني معترضه على شرع الله بس هو والله مايعدل واخاف فعلاً ينساني الا مؤكد ينساني وانل تعبانه لاأقدر انام ومشغرل بالي وسأل الله مايتزوج مع ان افضل يتزوج يقول ياتزوج ياابقى اغزل وارقم واقابل او اتزوج مسيار يعني مايبيني ابد ابد وش السوات يابنات وانا بنت متوسطه الجمال وهو يبي وحده ملكه جمال على كلامه والله لينساني ويستهزأ فيني لاني قصيرة القامه ويقول انا احلى منك شوروا عليا وش اسوي فهموني تعبت منه وكلامه الجارح لو اتزوج الثانيه احس حياتي حلوه شي ثاني والله مو مقصره لاتقولوا فيها شي صدقوني ماخليت شي ماسويته حتى دورات اخذت في الحياة الزوجه بس مدري واحنا برمضان تكفون ادعو لي وقت الافطار تعبت بس افكر وافكر ان لو تزوج اخذ عيالي واروح بيت اهلي لاني والله ماتحمل وخاصه يكرهني مستحيل ابقى بعد ماتعبني وضربني واهانني حسبي الله ونعم الوكيل فيه وكفى