تـأخر الدورة شهرين وهاذي الاعراض اللي معايا

[انغام القلب]

السلام عليكم ورحمة الله وبركاته

اخواتي العزيزات .... ابغى مشورتكم باللي حصل معايا واللي تبغى تفاصيل اللي صار معايا من عيوني نفيد بعض
اخواتي انا عندي اكياس فوق المبيض من قبل مااتزوج وبدات بحبوب التنظيم الى بعد مااتزوجت ..... وبعدها صرت استخدم جولوكافج وحامض الفوليك اخذت منشطات وسببت لي كيس (البويضة كبرت زيادة عن الحجم المطلوب وصارت كيس ) لانه الحمدلله ماكان عندي ضعف في التبويض والحمدلله بفضل من الله غيرت الدكتورة ونزل في اسبوعين وفجأة ارتفع هرمون الحليب بنسبة بسيطة واتعالجت وحملت وجبت ولد ولله الفضل والمنه ( وهنا حابه انوه انه اللي تقول تحليل الدم يبين في 10 ايام انا في حملي في ولدي مابين الا بعد 17 يوم ) المهم اختصرت لكم قصتي في حملي في ولدي الله يحفظه
بعده ما استخدمت حبوب منع الحمل جالسه عالرضاعه الى ان فطمته واللحين عمره 3 سنوات وقبل اربع شهور ونص نزلت عليا الدورة زي النزيف وكتل وجلست 12 يوم رحت قالت سماكة في بطانه الرحم واعطتني كورس 3 شهور حبوب منع الحمل (ديان )للحين الدورة متأخرة شهرين اخر دورة 17- 2 وجلست 5 ايام كالعادة وانا مستمرة استخدم كولوكافج لانه الدكتورة قالت موجوده الاكياس بس صغيرة جداجدا حللت بول مافي حمل حللت دم مافي حمل وسويت تحليل هرمون حليب طلع 7.22 وقالوا لي تمام مافيه ارتفاع والمشكله دكتورتي اجازة واي دكتورة تانيه الا بموعد
ايش رايكم اخذ برمولت ان وانزلها ولا ايش اسوي ؟؟؟؟؟؟؟؟؟؟ برغم والله مو توهم لانه متوكله على ربي الحمدلله على كل حال ربنا رزقني وقادر سبحانه احس بنغزات بصدري ويشد احيانا ونغزات ورفرفه اسفل البطن وغثيان وافرازات بيضاء خيوط وكتل مني عارفه ايش الحل ؟؟