زياده وزن كبيرة جدا فى الحمل

[GyGy32]

السلام عليكم ورحمه الله وبركاته

وكل عام وكلنا بخير يارب

انا كنت عايزة اسأل على الزياده فى الحمل

انا وزني قبل الحمل مباشرا كان 74 كج

المشكلة بقى انى بزيد جداااا بسرعه رهيبة والموضوع ده خنقني وقلقني جدا

انا حاليا فى اول الشهر ال 3 يعني بالظبط فى الاسبوع ال9

وزني حاليا هو 80 كج طبعا زياده فظيعه انا مش عارفه سببها ايه وخصوصا ان الكل بيقولي لا الرحم ولا الجنين فى الفترة دي ليهم وزن

انا بجوع جدا وباكل اكتر من مره فى اليوم بس حاجات بسيطه يعني تفاحه او كبايه زبادي او خيار حاجات كده غير الفطار والغدا والعشا

والحمدلله ربنا عافاني من الترجيع فى وحمي عندي غثيان اغلب الوقت بس مش برجع

ياريت تقوليلي ده طبيعي ولا انا كده فى خطر ولا ايه

وايه الحل انى اوقف الزياده الرهيبة دي او لو امكن انى اخس كمان قبل زياده الجنين نفسه لاني بالطريقة دي على اخر حملي هدخل فى 100 كج وانا عمري فى حياتي ما تخطيبت حاجز 80 وهيبقى صعب اوى عليا انى انزل كل ده تانى