الدورة اتأخرت 12 يوم وخايفه احلل وميطلعش حمل

[لارا]

اسفه انى هطول عليكم. انا متزوجه من 10 شهور ولم يحدث حمل وبعد 6 شهور رحت كشفت انا وجوزى والدكتورة فحصتنى وطلبت منى تحليل هرمون اللبن ومن جوزى تحليل المنى . عملنا التحاليل ورحنالها طلع جوزى عنده صديد فى السائل المنوى بنسبه عاليه وحركة الحيوانات بطيئة و50% منها لا تتحرك وكان تحليل هرمون اللبن كويس.رحنا انا وجوزى لدكتور امراض تناسليه واخد مضاد حيوى وفيتامينات لمدة شهر وعمل تحليل المنى مره تانيه والحمد لله طلع كويس . الدكتورة عملتلى سونار مهبلى فى اليوم ال14 من الدورة من حوالى 3 شهور وقالتلى انى عندى تكيس فى المبايض وكتبتلى حقن وكلوميد بس انا موش خدتها وتابعت مع دكتورة تانيه وطلبت منى تحاليل هرمون البروجسترون فى اليوم 21 من الدورة وتحاليل lh- fsh-وهرمون كمان تالت والحمد لله طلع الهرمونات مظبوطه ماعادا هرمون البروجسترون كان منخفض حاجه بيطه والدكتورة قالتلى انى موش عندى حاجه وموش عندى تكيس بالرغم من ان الدورة اتأخرت الشهر السابق 20 يوم بالعلم ان دورتى كل 30 أو 34 يوم تعتبر منتظمه ولكنها تاخرت أول شهر للزواج لمدة 20 يوم والشهر السابق فقط . فهل ممكن ان يكون تأخر الدورة الشهر ده لمدة 12 يوم حمل ولا لأ.