باستا على طريقتي بلفرن .. و بلطريقه السريعه..

[مشاعل الدوسري]

باستا بالفرن ..

المقادير:
كوسه – جزر - بروكلي - بصل 2
فلفل اسود - نص ماجي - نص اجي موتو
دجاج صدور- معكرونه - صلصة فرنسيه
قشطه 2 - كريمة بيضاء - جبن موزرلاء
صويا محار - صويا حلوه - ملعقة2 سومطر

بلنسبه لكمية الخضار انتي تتحكمين فيها تبين كوسه 3 4 جزر كيفك
و بلنسبه للقشطه احس تكفي علبه وحده و اذا مو متوفر عادي بلاها تكفي الصلصه البيضاء
و السومطر ممكن البعض يعتبرها حاره فا يكفي ملعقه بس للطعم يعني








الطريقه:
اول شي اسلق معكرونة و بعدها صفيها
من الماي و حطي عليها صلصة قودي الفرنسيه





بعدها البصل قطعيه شرايح وشوحيه بالزيت و حطي عليه الدجاج
بعد ما يستوي الدجاج حطي الخضار

زي ما انتو ملاحظين الدجااج مو مستوي انا استعجلت حطيت كل شي مع بعض مع السرعه ..






وحطي فوق الخضار حطي و نص ماجي و اجي موتو نص ملعقة صغيره
صويا محار ملعقتين كبار و فلفل اسود و اذا متوفر عندك صويا مثل اللي بلصوره حطي ملعقه و نص .. اسمه صويا كيكو كوما اتوقع هيك اسمها عموما هذا صورة الصويا..





طريقة الصلصة بيضاء:
ملعقتين زيت و ملعقتين طحين حطه على النار شوي و فلفل اسود
بعدها كريما بيضاء
شوية ماي و قشطه 2 او 1 او ممكن تستغني عنها لانها دسمه
3 ملاعق صويا محار و ملعقه1 صويا حلو
و ملعقة 1 كيكو نفس اللي بلصوره اذا كان متوفر
وسومطرر ملعقتين
ملعقه صغيره اجي موتو
نص جبن موزرلا و بس

المهم ذوقي الطعم حسيتيه خفيف زيدي صويا محار ..




بعدها نحط في الصينيه ملعقه من الصلصه البيضاء و المعكرونه




و بعدها الخضار مع الدجاج..



و بعدها الباقي من الجبن و فوقها الصلصه البيضاء
ندخلها الفرن ..

































و أذا تبون تسون باستا سررررررررررررررررررريعه ...
نفس الطريقه بس تحذف بعض التفاصيل ..

يعني بصل يتشوح مع الدجاج و ماجي حبه وحده او علبه كامله حسب الطعم ..
و ملعقة اجي موتو و فلفل اسود ..
و الخضار يتشوح و بعدها نحط المعكرونه فوقه و الصلصه الفرنسيه و الكريمه البيضاء الجاهزه كريمة الطبخ و بس

بكذا سويتي باستا سرررررررريعه ..


الطريقتين حلوين و بلتوفيق ...


لو سمحتو لا احد ينسى التقيم ههههههههههههه اتميلح ..