مشكلتي مع بنتي عمرها سنتين مااتحملهاا ابي حل تكفووون

[أعشقه]

السلاااام عليكم ورحمة الله وبركااااتهـ .
مساااء الخيـــرااات ..
انا عندي مشكله وكبيره وبتخبل فيني من بنتي
وربي اكتب لكم هالمشكله وانا جد تعبانه منها احس اني مو قادره اربيها وربي تعبت منها احيانا تجي لي افكار اصقعها كف واعدل وجهاا .
راح اعطيكم نبذه عن المكان الي عايشين بوه عشان اذا بتعطوني حل يكون بنفس الاوضااع الي انا فيهااا ..
انا لي 3 سنوات وهالشهر بدخل السنه 4 من الزواج
زوجي هو ولد عمتي .. انا ساكنه معهم بنفس البيت ولي بس غرفه زوجي يشتغل بمكان بعيييييد مره مايجي الا سبوع كل شهر عندي بنتي عمرهاا سنتين وشهر وعندي ولد 6 شهور
ايه الزبده من الموضوع انا مو عارفه شلون اتعامل مع بنتي ابد ماعرف
هالفتره قمت اطق فيها مو قادره اتحمل حركاتها وتصرفاتها
والله اقول لكم ويمكن تضحكون وديتها لدكتوره قلت لها ابي شي يخليها ماتصير حركيه بها الشكل تعبت منها ومن شقاوتها ..
اول عماتها يمسكونها ساعدوني عليها بس الحين مايبونها عبثه وشقيه بشكل ماتتوقعونه ..
تحب التخريب والتكسير مايبقى شي ماتخربه تخيلو تاخذ شي ناخذه منها ع طول يدها لشي الثاني ناخذه منها وتروح الشي الي بعدووو ..
بنجن والله افكر اني اربطهاا عشان ماتتحرك ..
تموت بشي اسمه اجهزه كهربائيه من تشوف الاب توب حقي او حق ابوهااا تجي تشغل وتتصفح تعرف وش تسوي شلون مدري ..
ومن تشوف احد مشغل كمبيوتره تروح ترتز وتبي تاخذه وكلن يصوت عليهاا مايبونها لانها ع طول تشتغل بيدها واصابعها تضغط ..
ومن تشوف جوال خذته وتبتدي ترسل رسائل وتتصل ع الاوادم قمنا نرفع جوالتنا عنها قامت تركب فوق شي ع شي لين توصل له وتاخذه احس مو مصدقه بنت بعمرها تسوي كل ذا
فقعت قلبي والله مو قادره كله اعصب قلبي قام يوجعني وماقدر امسكها طول الوقت عندي لان عندي اخوهااا
والحين اذا نزلتها تحت يم عمامها وعماتها وجدانها قامو يطلعونها ويقفلون عليهم مايبونهااا جننتهم فقعتهم
اول قامو يضربونها اذا جننتهم وقلت لهم لحد يضربها قامو يصارخون عليها والحين قامو يطلعونها مايبونها ..
تدخل دورة المياه وانتو بكرامه تلعب بالمرحاض وتشرب منه وتغسل وجها منه
تاخذ لها مناديل ووورق من دفتر او اي ورق وتحطهم بالمرحاض اقول لها عيب مايصلح وصخ تقوم تقووول واااععععععع يعني فهمت
واشوي الا ترجع مره ثانيه
اااه تعبت وربي تكفون ابي طريقه تخليها تهدى تعقل حتى بيت اهلي مايبونها قامت تطق وتمشع شعر خواتي وتروح تاخذ اي شي من الزباله وانتو بكرامه وتاكله واذا جيت اعطيها شي ماتبيه تروح تدور من الوصخ وتاكل الي يشوفها يقول مايجيبون لها ومجوعينها بنفقع منهااا
وتقول لي جدتها مانبيها خليها يمك وين اخليها يمي ماعندي الا هالغرفه ومن تجي وهي تفتح بالدروج وتطلع اغراضي وتعفر المكان والله تعبت من تجي وانا ماغير اسوي رياضه معها الاحق فيهااا
بالله الي يعطيني حل يخليها تهجد اشوي تعقل ابي تروح عصبيتي منهاا بجد والله تعبت راسي قام يتبخر عقلي منه تجي لي افكار جنونيه منها مانهدى ولا نرتاح الا اذا نامت ياربي عفوك وش اسوي