دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[naghaaam]

جوانا كيفك ياعسل صباحك ورد

[Joana]

هلا يا قلبي...الحمدلله...

انتي اخبارك مع البيبي...ان شاءالله تمام...

[Joana]

بحفظ الله ورعايته فليك....

[Joana]

انا رحت لدكتورتي..اللي اراجع عندها( صفاء نحاس)...و استشرتها ايش

احسن مستشفى تأيدني اولد فيه...وخصيت بالذكر التونسي و النور و بخش...

قالت اشوف حراء ممتاز....و قالتلي تعالي اولدك في الاهلي...انا اصبر على الوحده

و ما استعجل عليها قلت اهم شي الخياطه تكون تمام...قالت انا خياطتي كويسه و كثير انبسطوا

منها.....وانا الصراحه مرتاحه لها...مررره طيبه...و اراجع عندها من خمس سنوات..

بس المشكله انها ما تولد إلا في الأهلي....واللي اسمع ان الأاهلي مو قد كذا في الاهتمام...

و ترددت اروح اولد عندها...و اتغاضى عن سمعة المستشفى....اللي ماادري

اي شي عنه... اذا كان عندهم كمام..او بنج...الله اعلم...

او اصرف النظر....(حييييييره زياده)

ما اقول إلا يااارب وجهلنا الخير....و سهلنا الطريق إليه....

[Joana]

4يو...سألتي دكتورتك عن الخياطه التجميليه في النور؟؟؟؟

ياليت تقوليلنا....اذا يهتموا بيها و لا لا...و تسلمي

[Joana]

الظاهر انا لوحدي هنا....

بنات مكه.....فينكم؟؟؟؟؟؟؟

.....مالنا غير بعض...

[جامعية]

هلا جوانا قلبي

والله الصراحة شي يحير

شوفي انا اشوف ان الدكتورة اهم شي

لانو انا فبنتي ولدت فمستشفى كبير وجديد بالمدينة والدكتورة سيئة وربي مااستفدت منها شي

فنصيحة خليك ع الدكتورة الفاهمة واللي تضمنيها فوقت الولادة

[جامعية]

جوانا قلبو انتي جربتي الولادة الثانية كيف كانت؟؟؟؟
اظن عندك بنتين الله يخليهم لك يارب
يعني انا بصير مثلك ان شالله

[Nana.1985]

سلام بناااااااات كيفكم؟؟
وحشتوني موووت
ومنورين كل الحلوات الي ماعرفهم .. ربي يسعدكم جمبعا

حبيبتي الي تسالي عن المستشفيات
انا ولادتي كانت قيصرية بعد عناء طلق صناعي بس ربنا ماكتبلي ولادة طبيعية
المهم انا ولدت في بخش ومن يوم مادخلت الكشك لين ماخرجت تماما من المستشفى وانا شايفه فيها كل الاهتمام والرعاية
وكمان قبل يومين اجهضت وعملت علمية تنظيف وبرضو فيها
وماشاءالله تعاملهم جدا راقي وحلو والنظافة انا عندي اهم شى! ونظافتهم جدا حلو كل شويا تجي وحدة تمسح وتنظف الراحة النفسيه اهم شى ترا
والدكتورة الي ولدتني اول حنان غنيم ولا اعرفها ولا قد قابلتها بس ربنا كتب انها تولدني واتوكلت على الله والحمدلله ماشفت اي مضاعفات من الخياطة يارب لك الحمد ..
ودحين كمان عملي العملية حقت الاجهاض الدكتور محمد عبدالهادي وبرضو االحمدلله مافي اي مضاعفات وكل اموري باذن الله تمام
وانا ماتشرط في الدكتورات اتوكل على الله خاصة لو مستشفى معروف اكيد ح يكونو الدكاتره ممتازين لان المستشفى ماتجيب الا ناس يرفعو من سمعتها
ماعرف شى عن حراء او النور او مستشفى تانية بتكلم عن تجربتي الشخصية وبس ..
حتى ولدي الله يكرمك لما طهروه كان ضمن برنامج الولادة مجاني

بخش عيبها في المراجعات زحمه وكمان ممكن يطلبو تحاليل مالها داعي ممكن تحسي انهم ينصبو .. بس في الولادة لا يستنو على الوحدة ومايستعجلو ابدا .. انا واختي دايما نولد فيها
واستخيري قبل كدا شى .. والخيره فيما اختاره الله

ربي يتمملكم على خير يارب كللللللكم

[عسله]

مستشفى حراء مرا ماانصح وحده فيكم تروحها لان سمعت عنها وقريت وغير كدا موضفاتها بنفسهم نصحوني مااولد فيها


قماري
بسألكم زي هدي العربيه او تشبها وين الاقيها في مكه وهدي الرضاعات وين الاقيها ؟؟؟