اهلا باهل الجود والكرم **اهلا بسيدات ليبيا**

[sosolibya]

المشاركة الأصلية كتبت بواسطة dr.loly

الله يسلمك عزيزتي سوسو
ومعليش لو رعشت الماما سلميلي عليهااااا ..
بس حكيتلكم جزء من اللي صار معايا
موقف ربي مايوريه لكي ان شاء الله

توا كنت بنرد عليك ع اجواء الدز بعد درتي عشاااك كرنب مقلي
ما احلاه جو الدز والترابط الاسري والصحبه
والله فيكم الخير ... ذكرتيني بأحلى ايام زماااااااااااااااان
بس اكيد هذيكا الليلة رقدتي وعندك تخمه

ربي يجعل أيامك كلها سعادة ,, والحمد لله فعلا نحناعندنا عادة ندزو لبعض الحمد لله تحسي بقيمة الشىء لما تذوقي حد ويشكرك ..

والعشاء قرنيطة مقلية يللي هي من البحر ههههه مش قرنبيط الزهرة هههههههه

ولا للأسف ماجتنيش تخمة هههههه

لأن الباب لما دق وكان سلفي جايب مبطن وفطيرة مشي حمود يجري بيفتح الباب وطاح في العتبة وعياااااااااااااااط وجبت الزبدة وجيت نجري وفعلا حتى أنا ايديا تربطووو

طلعتله كركوبة وقعد متكي راقد وخلاص فشل

وهو البارح الكلام..

[sosolibya]

ألأرز المبوخ الليبى من مطبخ سوسو

صور من مطبخي ,,للأرز المبوخ الليبى من مطبخ سوسو..


بنات للفائدة يللي ماخشوش قبل..

[sosolibya]

فروسة الله يرحم خالك وجدك ويجعلهم من سكان الجنة يارب..


خولة مبارك على خوك في بالي بنبارك وننسي أكيد قبك قعد معلق معاهم

ربي يبارك له وعليه..

وتطلع كنتكم بنت حلال وطيبة..

[dr.loly]

تسلمي سوسو والله يرحم جميع موتي المسلمين
في محاضرة حلوة في نور دبي عن المرأه..
جدبتني وانسيت المنتدى..


ومعليش ع قرنبيط ههههه نقرا ف واجب لين نحولت نقرا بالعكس بس
مش من اول صفحات فاتني
هذا ليش لخبطت..




وشكرا ع تبليغ ع حياتي توأمي
والله فرحت من وسط قلبي

لانها ديما تراسل فيا وتستفسر ع بعض الحاجات
واخر فتره شجعتها واجد ع الولاده الطبيعيه كانت خايفه
خصيصا ان توأمها قبل 6 سنين جايبتهم بالعمليه
وقتلها عادي ماتخافش هي كان موعد 9.3 عشان جاها سكر الحمل بدري

[جوهرة ليبيا]

مساء الانوار عالحلوات

[خوله 2014]

المشاركة الأصلية كتبت بواسطة جوهرة ليبيا

ولامنك ياخوله ياعسل


شن غداك ؟؟؟ او شن امفكره اديري غداك ؟؟؟

اني رشده كسكاس بالوطني <<<اني انحب اللحم الوطني بس عقلييييي

اه سفهتيني في الرشدة واني ما عنديش ماكينتها وتبي الحق راجلي يمووووووت فيها وكان انديرهله غر اطلبي وتمني ههههخخ
لكن بالنسبة للغدي يا بندير كسكسي يا رز مسقي بالخضرة

[خوله 2014]

المشاركة الأصلية كتبت بواسطة dr.loly

مرحبا عزيزتي خوله .. وتسلمي ع طريقه الحلوة للبقلاوه..
وان شاء الله ربي يتمملك ع خير..

بالنسبه لوضع البيبي ردي بالك تولدي وهو بالعكس انحس فيها مخاطره شوي
مع ان زمان جداتنا كان يولدن ولادة الفارسيه اي الجنين ينزل برجليه
وعمتي (ام زوجي) عندها 3 اولاد فارسييين وبنت ..


بس ننصحكـ تعدي وتحاول تقلبه لكي دام عطوكي الخيااااار هذااا
لان في في الأسبوع 38 بعض الأطباء يستطيع أن يقلب الجنين بعمل مساج بطريقة معينة ومراقبة وضع الجنين بجهاز السونار


ومع ذلك عليك بالحبووووو او المرد (الزحف زي الصغار)

هذا له مفعول كبير في المساعده ع قلب الجنين
وكذلك الاكثااار من السجود وقت الصلاه


نا ف فراس من السادس ل الثامن كان جالس ديما يقولولي
وساعدني الحبوو ونا نكنس ف الفرشه بالكمنسه الصغيره كل واحد يقولها ف
اسم اكيد عرفتيها وكذلك كثر الاستغفار واطاله السجووود ف الصلاه..

وننصحكـ تقري هالموضوع كويس اكيد ح يفيدكـ

ونا ثبته في القسم لاهميته
http://forum.hwaml.com/t288451.html

الله يبارك فيك يا دكتوره علي كل شيء وربي يزيدك علم الله يا بنات قديش نتمني نولو صحبه بجد ونتواصلو لان فعلا هكي الصحبة والا بلااااش فيها اهتمام
وربي يحفضلك عويلتك يا رب

[خوله 2014]

المشاركة الأصلية كتبت بواسطة sosolibya

السلام عليكم ورحمة وبركاته..




خولة ,, ربي يسهل عليك ,, وييسرلك ولادة سهلة ومريحة..

الولادة بالوضع الفارسي صعبة نوعا ما ولها بعض المخاطر ولا أنصحك بها

وقلب الجنين هما أدرى مانعرفش الحق,, ختي قعدت الشهور ألأخيرة كلها البيبي مقعمز تقعميز وفي ألأخير جابت عملية ..
وماشاء الله بنتها جت كبيييرة قصدي وزنها كويس,, وللأسف من كثرة تقعميز البنت في نفس الوضعية طلع عندها مشكلة بسيطة في الرجل طلبو منها ألإهتمام وتلبيس 3 شمالات وإن شاء الله تتعدل...

المهم أنتي حاولي كل الطرق باش تجيبي طبيعي ,, من سجود وغيره ,,

ولو مافيش أمل توكلي على الله وديري عملية ,,

في ريم قعدت نبكي ونقول لدكتورتي مانبيش عملية بعدين قلت الحمد لله عملية ولا يصير للببي حاجة لسمح الله

لأن المية كانت ناقصة ومايقدروش يديرولي حتى الوجع الصناعي بالرغم من أني طلبته في سبيل نجيب طبيعي

س خافوا تنزل المية كلها ويقعد البيبي معلق ويموت,,

ربي يسهل عليك يارب,

الله يبارك فيك اختي سوسو عالاهتمام والنصائح
حتي اني قررت بادن الله يوم الخميس بتشوفه كان لف اوكي وكنهدا طووول نهار الجمعه بنمشي للمستشفي وبتلفه الدكتوره وكنهدا ما ليا الا الله سبحانه هو ادري واعلم

[خوله 2014]

المشاركة الأصلية كتبت بواسطة sosolibya

فروسة الله يرحم خالك وجدك ويجعلهم من سكان الجنة يارب..


خولة مبارك على خوك في بالي بنبارك وننسي أكيد قبك قعد معلق معاهم

ربي يبارك له وعليه..

وتطلع كنتكم بنت حلال وطيبة..

الله يبارك فيك يا سوسو والعقبه يا رب لوخييينك وخواتك وكل الي تحبيهم تفرحي بيهم يااارب
وعندك فكره يا سوسو نموت في الاسم اهوي لانه اسم الدلع متاع توام روحي بنت عمي الغاليه عليا

[خوله 2014]

المشاركة الأصلية كتبت بواسطة dr.loly

ماشاء الله ربي يهنيه
اللهم بارك له ..
وتسلمي ع الدعوة الطيبه


[/indent][/center]

بارك الله فيك يا دكتوره والعقبال عندكم يا رب