تجمع الجزائريات المتأخرات في الحمل و أهلين بالتونسيات الغاليات

[أم صهيب2]

السلام عليكم واش راكم بخير
شفتكم تحكو غير مع اللي تحبو
التجمعات كرهتهم
ملي دخلت وانا اعطوني شئ وصفات ولا اخت ردت عليا غير ندى
الا ما قبلتوني نهز روحي ونروح

[عبير الحرية]

اهلا ام صهيب علاه تقلقي ثمثم

و الله والو راهو البنات كامل خوات على وجه ربي علاه تهدري كيما هكا

صقصي و انا نجاوبك ما تروحيش برك

[سهام فرنسا]

السلام عليكم و رحمة الله و تعالى و بركاته
صباح خير عليكم
شكون راهي هنا ترد السلام و جي نشايخو شوي

[مريم13]

السلام عليكم

[عبير الحرية]

السلام عليكم

ام صهيب خسارة عليك لبارح ستنيتك تسقسي و الله كنت ميتة من التعب قريب3 نتاع الصباح و ما رديتيش

المهم ما حبيتش تخرجي مقلقة

اهلا لبنات واش الاحوال

[جمانة نور]

صباحو بنات واش راكم ان شاء الله تكونو رقد تو مليح
ام صهيب وعلاش تزعفي منا والله ماكاين وحدة في هذ التجمع تبخل بالرد رانا خواتات وان شاء الله حاجة ماتقلقك معانا ههههه صبحتي علينا

[عبير الحرية]

اهلا جمانة واش راكي

[جمانة نور]

عبير الحرية لا لا لا ردي بالك مادامك حامل انساي القسط الهندي هو من ضمن منافعه يقوي دم الدورة المحبوس بالاكي تستعمليه خلي كتولدي ان شاء الله اشربيه ينظف لك الرحم مليح

[عبير الحرية]

صح و الله كغير قلتيلي انا قريت يعدل مستوى الهرمونات و انا عند تروبل في الغدة الدرقية

على هذه نفقد في الميزان بطريقة فضيعة

و نزلت خلاص في الميزان

حبيت نجربه كغير نبهتيني

الله يعطيك ما تتمني يا حبيبتي

[جمانة نور]

عبير الحرية نصيحة مني انت حامل متشربي حتى حاجة سايسي روحك قد متقدري وربي يفرحنا بولادتك ويسهلهالك انت وكل الحوامل يا كريم