دردشة حوامل أهل القصيم - دردشة بنات القصيم - تجمع حوامل القصيم

[حلوين رغم الحمل]

مرحبا حوامل قصمان بما اني بكريه :(
بسسسالكم وش افضل مستشفى ولاده بلقصيم
حكومي او اهلي ماتفرق

[قمرهم ندو]

حيا الله الجميع ... عليا اخر دورة لي 25 /5
وقالت لي الولادة المتوقعه في 13/3 ودكتورة اخر تقول 4/3 وثالثه تقول 9/3 وانا مافي اي علامة ولادة..دعواتكن..
حلوين رغم الحمل عندك الحبيب والفريح والوفاء أهليات .أما الحكوميات متوقع بهن اهتمام.

[شمس الامل]

مساء الخير
حبيت اسأل كم سعر السونار الرباعي في المستوصفات الاهلية في بريده
انا اراجع عند العضيب لاكن ماسألت الدكتورة عن سعر السونار الرباعي

[اخت المرحوم باذن الله]

اهلين بنات انا ساكنه في الشرقيه واهلي في القصيم وناويه اولد عند اهلي اذا الله راد ابسأل وش رايكم في مستشفى الحبيب واحسن دكتوره
بكري جبته قيصري هل المستشفى ينتضرون احاول طبيعي ولا علاطول عمليه تكفون ساعدوني انا في هم وخوف
اسفه طولت عليكم بكري ماجاني طلق نهائي بس نزلت السداده ورحت المستشفى على طول وبعد ساعتين قرروا قيصري ضعف نبض الطفل
الدكتوره تقول اذا ماجاطلق على طول ق وش رايكم بالقرفه اشربها
سسسسسساعدوني

[d&s]

مرحباً فيك اخت المرحوم بإذن الله
أنا اتابع عند الحبيب لكن توني ماولدت اتابع عند دكتورة عائشة ومرتاحة لها وان شاء الله ولادتي عندها واعرف وحدة والدة عندهم وتمدحهم والله اعلم

[Alih]

اخت المرحوم باذن الله
الحبيب مرة كويس وانا مقررة اولد باذن الله عند انصاف واعرف كثير ولدو عند سجيلا ويمدحونة بس مشكلتة ماتعرف عربي لازم مترجمة يعني ماتاخذ وتعطي معك
والقرفة ابعدي عنة نهاااااائي واستخدمي اليانسون
وانا الاول عملية قل نبض الجنين والثاني طبيعي وان شاء الله هاذا طبيعي

[saly.me.91]

هلاااااا يا احلى بنااات
ادخلوووو وشاركوووونا

http://forum.hwaml.com/t93687.html#post1890714

[اخت المرحوم باذن الله]

مشكوره بنات الي ردوا الله يسهل علينا
عليه وش تنصحيني استخدم عشان يجي طلق ويفتح الرحم لان بكري عوشرت ولا جا طلق نهائي والحين ماودي يخلص التاسع الا انا والده باذن الله تكفين ساعديني بحكم تجربتك الله يسهل ولادتك

[Alih]

انا المرات الي قبل استخدمت الخروع مع عصير ولا سواء فيني حاجة
هاذي المرة اخذت طريقة مجرباتها بنات خالاتي وكثير بنات من منتدئ ثاني
(كمون+يانسون+نينخة+شمر+حبة سوداء+حلب+محلب)
ملعقة صغيرة من كل نوع تنحط ببريق وتنطبخ بكاسين موية لين يصير الموية قد كاس بعدين تصفينة وتحطين معة ملعقة عسل
وتروحين تمشين نص ساعة وبعدها تشربينة
لمدة اسبوعين
اللحين انتي باي اسبوع من الحمل

[Alih]

قمرهم ندو
وييييييينك يارب تكوني ولدتي بالسلامة
طمنينا عنك