تجمع الجزائريات المتأخرات في الحمل و أهلين بالتونسيات الغاليات

[أمة الرحمان السلفية]

المشاركة الأصلية كتبت بواسطة mounira

سبحان الله .. بنتي الصغيرة لبارح طلبت البركوكس بالجاج بصح شرطتلي نفتلو بيدي على خاطر ما تحبش كي نشريه مفتول هههههه

منيرة حتي انا زوجي يكل غير المفتول جديد لزم نفتلو ونطيبو ويحبو غير بالجاج مايحبوش بلحم

[mounira]

المشاركة الأصلية كتبت بواسطة أمة الرحمان السلفية

منيرة حتي انا زوجي يكل غير المفتول جديد لزم نفتلو ونطيبو ويحبو غير بالجاج مايحبوش بلحم

ياو ما شي غير راجلي .. حتى بنتي الصغيرة الله يباركككك ههههههههههههه

[mounira]

يا ربي .. اسمحولي .. انا شحال نكرهو .. نديرو برك على جال بنتي

[mounira]

واش لبنات كاش جديد .. كاش بيبي و لا كاش حمل جديد ربي يرزق الجميع

[أمة الرحمان السلفية]

المشاركة الأصلية كتبت بواسطة mounira

واش لبنات كاش جديد .. كاش بيبي و لا كاش حمل جديد ربي يرزق الجميع

منيرة مكان حتىى جديد قلينا كاش دورة ربي يرزق الجميع

[ASMA layal]

المشاركة الأصلية كتبت بواسطة أمة الرحمان السلفية

منيرة مكان حتىى جديد قلينا كاش دورة ربي يرزق الجميع

ههههههه عجبتني هادي تاع كاش دورة... ربي يفرج علينا ان شاء الله

[mounira]

المشاركة الأصلية كتبت بواسطة أمة الرحمان السلفية

منيرة مكان حتىى جديد قلينا كاش دورة ربي يرزق الجميع

انا نورمالمو الخميس الجاي .. يادرى .. على خاطر عميتها فى الحساب هاد المرة .. كي يلحق هاداك الوقت نخبركم .. نجاوبكم .. نعم او لا

[ASMA layal]

ماكانش منيرة كي اليوم ان شاء الله رانا طامعين في ربي ولي خلق مايضيع

[mounira]

المشاركة الأصلية كتبت بواسطة asma layal

ماكانش منيرة كي اليوم ان شاء الله رانا طامعين في ربي ولي خلق مايضيع

سبحانه .. ربي يرزق الجميع

[مريم13]

السلام عليكن
واش راكم توحشتكم كامل
راني ميتة بالتعب هدا وين كملت شغل الدار و التسياق ولافام دو ميناج راهي تتقلش والله حاكمة روحي كل ما نتفكرها نحب ندعيها يا رب ما نديرهاش

المشاركة الأصلية كتبت بواسطة alma021

صباح الخير عليكم يا الزينات واش راكم والله غير توحشتكم بزاااااااااااااااااااااف مي انتوما على حساب الحالة ماتوحشتونيش اهئ اهئ اهئ
معليش ان شاء الله تكونو بخير المهم جاو والديا بخير من الحج وجاو في اتم الصحة والعافية وان شاء ربي يتقبل عبادتهم يارب ولعقوبة لينا كامل نروحو نزورو هذاك المكان المقدس صح كنت غايبة عليكم مي كنت كل يوم نضرب طلة نشوف الجديد
بسمة الف الف مبروك الحمل حنونة ربي يكملك على خير وانت عبير ثاني مبروك عليك وان شاء الله تشوفو ولادكم بيديكم بعد 9اشهر انشاء الله سالمين معافيين ولعقوبة لينا ان شاء الله
امومة نتوحشوك رح تخلي فراغ كبييييييييييييير مي معليش انشاء الله تفوتي وقت شباب مع زوجك ويعود بالفائدة عليكم هههههه ويعطيك الصحة كي سقسيتي عليا حنونة راني قريت الارشيف
امة الرحمان توحشتك
انت ثاني مريومة الزينة مانسيتكش
حورية ثاني خلات فراغ كبير وقيلا راهي في دارهم قالت هبطت للبلاد
ريحانة ماراهيش تدخل خلاص لا السكايب ولا المنتدى ان شاء الله مايكون غيالخير
ونور وش بيك خلاص حسونة دا بلاصتنا
باربي انت ثاني قلو مشاركاتك
سهاممممممممممم وين راكي من هداك النهار فالسكايب مزدناش تلاقينا
سمعت بلي خولة راحت تزيد ربي يعطيلها وقفة سهلة ان شاء الله
لامية الزينة متوسوسيش انا خطرة قدمتلي الدورة 10ايام وقالي الطبيب نورمال ممكن لخبطة هرمونات او حالة نفسية
جمانة واسيرة مازال متعرفتش عليكم ومرحبا بيكم

اهلا الما توحشناك اكيد وكيفاش تهون العشرة؟؟
الف مبروك على الوالد والوالد ة والحمد لي رجعوا بخير سلمي عليهم وقوليلهم حج مبرور وسعي مشكور وذنب مغفور لعقوب لينا
الما خولة ماراحتش تولد راهي في دارها الحمد لله لاباس
ونور و خولة عندهم مشكل ما يقدروش يدخلو للمنتدى مانيش عارفة علاش



امة حبيبة توحشتك توحشتك توحشتك طولتي علينا
ياك راكي لاباس امة حبيبتي تقبلي ديريلي سطاج ؟؟؟

اسماء حنونة كاش جديد واش بيك عدتي ساعة ساعة تغبري وين يا لالا ماطوليش علينا حنونة الله يرقك

منيرة امومة صباح الخير
امومة صح الدوش ان شاء الله اخر مرة تشوفي المربحة حتى تشوفيها في نفاسك يا رب