دردشة حوامل أهل الامارات - دردشة بنات الامارات - تجمع حوامل الامارات

[am shoooq]

السلام عليكم ورحمة الله وبركاته
هلا بالحبوبات حد موجود
ها اقصوصه خلاص نويتي مستشفى الرحبه

[اقصوصه]

ملاك : انا ريلي وعيالي يطلعون ع 7 ونص 8 وانا المفروض لو عندي موعد او اشغال الصبح اروح اخلصها وبعدين ارد انام شوي عشان اول ما يرجون ع 3 ونص لازم اكون واعيه ، نتغدى كلنا مع بعض وبعدين ابدا اذاكر لولدي الكبير اللي جريد 2 ، طبعا الصغير روضه ثانيه فما يعطونه واجبات يوميه ، لو ولدي كبير شوي اكيد بستعينب مدرسين خصوصيين بس حاليا لاحقه عليه لانه بعده بمراحله الاولى ولاني ما ادرس الا ولد واحد الثاني ما عنده شي:)

احساس ومشاعر : الحمدلله انج تطمنتي ع سلامة البيبي والله يقومج بالسلامه يا رب

موكا: هلا حبيبتي ، شعداء بانضمامك لنا ، نورتي التجمع ، وان شا الله تقضين معانا اوقات ممتعه ومفيده :)

الودود : والله شكلي بربي في المفرق اخر شي ههههههههه الليوم كان عندي موعد في الرحبه بس ما سرت ، كنت ناويه اسير بس المشكله قمت ما ارقد من وقت فالليل فمن جيه الصبح عقب ما العيال يسيرون مدارسهم تلقين ما لي خاطر ولي فيني حيل اسوي شي من جيه اليوم ما رحت الموعد، طبيتهم ورقدت :(

[اقصوصه]

هلا ام شوق : يختي انا كل يومين براي ، الحين نويت ع المفرق لانها وايد قريبه مني ،ويوم سالت عنها وايد مدحوها ، عاد الله اعلم لو ربي كاتبلي اربي فيها والا بربي فمكان غير ههههههه
وينج امس في الليل؟ شكلج رقدتي من وقت :)

[am shoooq]

هلا والله أقصوصه
حلو اخترتي المفرق شوفي يمكن تخافين أنه قديمه بس الصراحه جربت كل المستشفيات واشوف الكل يمدح المفرق
لا حبوبه أمس مارقدت وتحريتج رقدتي
المهم اخبارج

[am shoooq]

تتأخرين ف الرد عندج مشكله ف النت

[اقصوصه]

لا ام شوق ما عندي مشكله في النت بس كنت ارد فتجمع حوامل الشهر السابع والثامن والتاسع وبنفس الوقت يالسه اذاكر حق ولدي من جيه ممكن اتاخر مرات :)
يختي خلاص الولاده احسها حظ ما تفرق مستشفى زين والا مب زين يعني حسب الشفت اللي مناوب على حظج @@

[am shoooq]

اها الله يعينج يالله ياأختي أهم شي تقومين بالسلامه يالله بتتفكين قريب اما نحن مشوارنا طويل الله يعين

[اقصوصه]

الله يسلمج ان شا الله ، يلا ما عليه نحن السابقون وانتم اللاحقون ، شو مخططاتج في الويكند؟

[am shoooq]

ون منت وبرجع بنت اختي تصيح وامها تاخذ شور

[اقصوصه]

اوكي الغاليه تيت :)