دردشه خاصه لأعراض الحمل والوحام

[أمنية وردية]

مساء الخير بنات

انا دورتي موعدها اليوم ومانزلت للحين


ومافي ولا اعراض للدوره الم وبطني وظهري مافي ولاصدري


غريبه اول مره يصير كذا مافي الم العادة حتى لو بتتاخر يصير الم


سويت تحليل قبل ثلاث ايام وطلع سلبي


من خلال خبراتكم ممكن يكون حمل


بشروني


الله يفرح الجميع يارب

[الشادن]

الحمدلله .. انا سويت تحليل دم وطلعت حامل

عقبال البقيه ان شاء الله

اذا دورتك منتظمه واتاخرت يوم سوي تحليل
وان شاء الله تكوني حامل

[أمنية وردية]

دورتي منتظمه وتاخرت ماجت اليوم

ومافي اعراض للدورة


وتوني سويت تحليل منزلي وطلع سالب




كنت متفائله ولكن للاسف


الله يفرح قلبي وقلوبنا جميعا






مبروك الشادن الله يتمم عليك حملك وعقبالنا الله يفرح قلوبنا كلنا


يارحيم






،

[الشادن]

الله يبارك فيكي وعقبالك

لاتيأسي اصبري يومين لو ماجاتك سوي تحليل دم

وان شاء الله خير

[تفدآه روحي]

مبروك الف مبروك للحوامل مبروك الشادن الله يتمم لك حملك على خير


انا ياحلوات دورتي متأخره ٣ ايام
هي منتظمه كل٣٣ يوم تجيني
بس ماجات هالشهر كان عندي هرمون الحليب
مرتفع شي بسيط وتعالجت من شهر بس ما حللت
اذا نزل او لا لان الدكتوره ماقالت اراجعها
امممم انا صراحه خايفه احلل واتحطم
بس حيل واثقه بربي بنتظر عشر ايام واحلل
او ١٢ يوم شرايكم انا بكريه.
ولا اعرف شي جاني بس الم في المبيض اليمين
قمت التوي من شدة الألم حتى نزل الالم للرحم وبطني
ولضغطت ع المببض يزيد الالم هذا الكلام قبل موعد الدورخ ب٤ ايام تقريبا
وبس ما احس بأي اعراض وعندي جفاف فب المنطقه
ذيك الشهر نزل علي افرازات كثير مثل المويه ونزلت الدوره ذه الشهر جافه
ولا شي

[الشادن]

الله يكتبلك الخير

انتظري ٥ ايام وحللي لان ارتفاع هرمون الحليب احيانا دليل عالحمل

الشهر الي فات كان مرتفع عندي واخر الشهر طلعت حامل

وانقطاع الالم قبل الدوره دليل عالحمل

ان شاء الله تبشرينا

[تفدآه روحي]

المشاركة الأصلية كتبت بواسطة الشادن

الله يكتبلك الخير

انتظري 5 ايام وحللي لان ارتفاع هرمون الحليب احيانا دليل عالحمل

الشهر الي فات كان مرتفع عندي واخر الشهر طلعت حامل

وانقطاع الالم قبل الدوره دليل عالحمل

ان شاء الله تبشرينا

الله يسمع منك والله يتمم حملك يارب❤

[كندآ فيصل]

مساء آلورد

آنا لي سنه متزوجه قبل اربع شهور جاتني التهبات مهبليه رحت لدكتوره وعطتني علاجات وصار حمل بنفس الشهر بس كانت البويضه الملقحه فاسده وسقطت بعد شهرين وطبعا مادري من كان الغلطان بس تبهذلت والله مافيه دكتوره ماكشفت علي من تحت ونا هذا عقدتي والحمدالله كل شي من ربي راضيه فيه

طبعا اجلت الحمل شوي عشان يرجع الوضع مثل اول بس زوجي يبي خلاص والشهر هذا تركنا العزل عندي اعراض بس مادري حامل ولالا المشكله اختباراتي ع وشك قربت وخايفه اسقط لان الدكتوره قالت ظهرك ما يتحمل و و خايفه والله تنعاد ذيك الايام

طول هالاسبوع احس بشوي غثيان ظهري ياظهري بموت منه والله و امس فخذي لما ساقي يعورني بسرعه امل يعني ملوله ونا مقرره اول ثلاث شهور ما راح اتابع لو طلعت حامل ايوه معاي افرزات ثقيله بس بدون ريحه هاليومين بس

علموني وش اسوي *

[الشادن]

مساء الخيرات

غالبا اعراض الحمل والدوره تتشابه
واذا موحابه تتابعي عند دكتوره
اقله انتظري لموعد دورتك وسوي تحليل منزلي
عشان لو حامل تنتبهي لنفسك

مع انه دايم اسمع انه الي اجهضت قبل
الافضل لها المتابعه من بدايه الحمل
عشان تتجنب الاجهاض

[ميهاف]

بنات حللت منزلي بعد الدوره بيومين وطلع سلبي ..!!