مع لمسة دفا دردشات الامل للمتاخرات عن الحمل

[~منتهى الرقهـ~]

سلملم يا عسسسسسولااات

شو اخباااركم؟؟

الصرااحه ودي انظم لكم

منها نضيع وقت بالسوالف
ومنها انتظر لين احمل هع

انا دورتي يوم 28ونفسي انها ما تجيني
والله يرزق كل محروومه
وان شاء الله عندي امل كبيييييير بالله اني راح احمل
عن قريب جداااااا

[سوسو من لبنان]

أهلا حبيبتي هدوء أنثى ايه انا جديدة بتقبلوني بيناتكن أو لاء :$

[secret]

توحة:
سامحيني والله ما انتبهت، انا ما اطنش اي حد ..
المهم اسمعي حبيبتي..يعني دورتج بتكون تاريخ 14 من شهر 11 صح على حسب كلامج..

[secret]

توحة : بالنسبة للأكل لا تاكلين اكل اسبوع !!
حتى ولو بالثلاجة الله يهديج..
وشو الي حادنج تضربين نفسج هالشي يغضب ربنا الف بالمية مب زين
ادعي وصلي واقري قرآن وكل شي بيتيسر حبيبتي ..هونيها وتهون

[secret]

سوسو من لبنان :
هلا والله بأهل لبنان نقبلج ليج ما نقبلج كلنا اخوات
انا بعد جديدة على التجمع وحبيت الكل هني,..
متى دورتج حبيبتي

الحين عرفنا توحة تاريخ 14/11
وانا 26/10
منتهى الرقة:28/10
يارب ما نشوفها الا بعد 9 شهور

[secret]

على فكرة انا اعرف سوي تواقيع حلوة..
الي تبي تخبرني بسوي لها ان شاء الله بالوقت الفاضي
انا مسوية صورتي مع التوقيع الي تحت

حبيت اعرف كل وحدة من اي دولة
سوسو عرفنا من لبنان ..
انا من دبي
منتهى الاناقة من وين
توحة ومنو بعد نسيت والله
الموجودة تخبرني انتو من وين وكل وحدة من متى تحاول تحمل..
وشو السبب!!
لآني يديدة على التجمع فحبيت اعرفكم

[~منتهى الرقهـ~]

حتى انا يا secret

جديده على التجمع وان شاء الله
نحمل سوا

وانا من الرياض
وانتي؟

[secret]

هلا والله حبيبتي:
هلا بأهل الرياض..
انا قلت لج من دبي دار الحي..

بطني يغزني مثل الابر ..
لكن سبحان الله قبل الدورة بخمس ايام ما في اي شي يعورني لين تنزل
اليوم الي تنزل فيه فقط تعورني

بس بسالكم سؤال للي عندها خبرة بها الشي؟؟
سمعت ان الي تترك حبوب هرمون الحليب يرجع الهرمون مرة ثانية!!
انا من شهر يمكن كشفت وقالت الدكتورة ما فيني الهرمون
ودكتورة ثانية قالت لي اشربيه عادي!!

[توحة]

السلام عليكم ورحمة الله

بناات في بالي فكرة من تساعدني فيها خطرت علي اليوم وانا جالسة افكر بعمري لمتى اجلس كذا هم وغم << مع اني ترى ماكنت كذا ولو تلاحظون كتاباتي قبل مافيها يأس وإحباط وحزن على الرغممن الظروف كنت ابتسم وكل مايجي لبالي حالي ومن انا اغض طرفي بسرعه واسوي نفسي ماجاء شيء ببالي

بس لي فترة قلبت حزن بحزن ونفسيتي تعببببت والله حيل مادري شالي غيرني سبحان الله
وعشان هالشيء

ودي نسوي حملة عن التغيير وهي شعارها {بدليهاآ من إلــى}
وطبعا هالحملة بتكون نتاج اول حملة لقروبنا الي بقول لكم عليه وهو الاساس بحيث نعمل قروب خاص بدردشة الامل للمتاخرات في الحمل

وبين فترة وفترة نعمل حملات للمنتدى من انتاجنا وحصرية بعد فالي تعرف تكتب تقول والي تصمم تقول والي تجمع المعلومات وهكذا بس طبعا اسمائكم الي تبغى تشارك تكتبها هنا والتنسيق راح يكون بالخاص عشان محد يطلع عليها الا وقت التنزيل للحمله

فابغى اي وحدة تبي تشارك تكتب اسمها مشاركة بقروب دردشات الامل للمتاخرات بالحمل .

هااه شقلتم بنات ترى منها نفيد الاخوات ونكون سوينا شيء لديننا واخرتنا باذن الله

ومنها ننشغل عن الحمل شوي

انتظر ردودكم العطرة وعشمي فيكم مايخيب

الهمم ياآأهل القمم ..

[توحة]

secret

يسعدك ربي حبيبتي

تسلمي بس ماقلتي لي انتي نزلت دورتك ؟