تجمع الحوامل اللاتي سيلدن بشهر محرم 1432

[احبـــــــــــــــك ولكن.]

كيفكم صبايا ان شاء الله تمام
ليه تجمع مافيه احد نزل لصفحه الثانيه وينكم عنه ؟؟

[زهرة البنفسج]

بنات من جد ليش التجمع ناااااايم
ليش ماننزل فيه اشياء تفيدنا في هذي الظروف مثلا كل وحده تكتب ايش اشترت من اغراض ووين بتولد بمستشفى حكومي ولا خاص
وايش تفضلون الخاص ولا الحكومي وليش
وكل الاشياء اللي تدور ببالنا ليش مانتناقش فيها
احس صرت امل ادخل التجمع لان مافيه جديد ماغير نتذمر من الحمل والثقل وبس
خلونا نفتح محور نقاش ونتسلى بنفس الوقت ونستفيد
ايش رايكم حبوبات

[أسوم]

انا مستعدة ورح اكون اول وحدة
طبعا اول شي الحمدالله انا دخلنا الشهر الثامن يعني قرب موعد الولادة
ورح اولد عند اهلي بحائل بمستشفى الراشد مع ان امي مش راضيه تقول الحكومي احسن وخبرتهم اكثر من الخاص لان وحدة مقنعتها ان الخاص اذا توهقوا يخدرون الوحدة ويرسلوها للحكومي بس بخليها لوقتها وانشاء استخير وربي يختار لي الخيرة الصالحه
المشتريـــــــــــــــــــــــات
وتنقسم الي ثلاث اقسام1-اغراض العطارة وعمتي ام زوجي مراة كبيرة وبدوية وتفهم بهذي الاشياء ولي يومين مستلمتها نكتب الاغراض الي بشتريها وبسوي كل شي بالبيت والله يابنات ان شعور حلو انبسط وانا اتكلم معاها وهي تعلمني عن الادوية الي لازم اكلها طبعا لكل دواء سالفه وقصة وسيرة وتقول جيبيهم وانا اخلطهم لكي لان امي اردنية وماتعرف هالاشياء وماتعرف الا حليب وعجه وشوربة فريكه عجه واكلات عاديه الله يخليها لي احبها واموت فيها<<<قصة حياتي ههههههه
المهم وعلمتني وش افطر وقالتلي اهم شي لا تجوعي ولا تشبعي كثير وحاولي تمشين مشي خفيف لاتظلي بفراشك ترى مو زين
2-ملابس استقبال النفاس وان بسراحه مشترية بنفاسي بابني الاول قميص حلو وراقي من واحة الجلابية بس قماشه مو عاجبني وقديم وباخذة للخياط عشان افصل عليه حابه اللون السكري وبركب عليه شرايط او وردات مشغوله بسنارة الخدامه تعرف تسويهم
اذا خلصت منهم بوريهم لكم
3-ملابس البيبي
والحمدالله ملابس اخوه جديده بلبسوا اياهم وفي اشياء جاتني هدايا مافتحتها يعني ربي ميسرها
بس بشتري له كم كافوله ومفرش جديد والاشياء الناقصه سنتر بوينت يجنن
بنات شرايكم الي تشتري شي جديد تصوروا وتعرضوا علينا عشان نستفيد وننبسط شوي
وسلامتكم

[مضيعة]

.
.

مساء الخيرات بناات


كيفكم ؟؟


انا جايتكم متأخره وابيكم تساعدوني بالحساب هنا http://forum.hwaml.com/t32751.html

بليييز ابي اشوف اذا كنتم معكم بأشارك بالتجمع او لا
وربي محيووسه مدري متى ولادتي ومدري متى اجهز للولادة ومررررره مضيعة :(



..

[ماي ورد]

مساااااااااااء الخييييير

انا عن نفسي جهزت اغراض البيبي بس مااعرف اصورهم كان نزلتهم

[زهرة البنفسج]

اسوم ماشاء الله عليك ماقصرتي
طيب ممكن طلب الله يسعدك تكتبين الاشياء اللي قالت عليها عمتك وكيف تستخدم ولإيش ؟؟
والاخت مضيعه اكتبي تاريخ اخر دوره بالهجري عشان احسب لك ؟؟
اما من ناحية ولادتي فقصتها قصه وحابه تقولولي رأيكم لاني بجد تعبانه ..
الدكتوره قالت لازم قيصري اولا/ الحوض ضيق ثانيا /انتي لك سبع سنوات ومااضمن تحملين مره ثانيه يعني الولاده القيصريه أمنه اكثر لك وللجنين
قلت طيب طبعا الحكومي قالوا لا نحاول طبيعي اول بعدين نشوف والدكتوره في الخاص تقول لاتعرضي جنينك للخطر لاقدر الله ولعلمكم الدكتوره اللي بالخاص مي موجوده تقول وقت ولادتك انا مسافره يعني لاتحسبين بستفيد اي شي انا عشانك بس
والخاص 10000وفوق وظروف زوجي مره صعبه وبيتدين زياده عشاني حتى اهله زعلوا يقولوا روحي حكومي ..
وانا محتاااااااره وكل يوم ادعي ان الله ييسرها لي واستخرت كذا مره وربي يكتب اللي فيه الخير
طولت عليكم بس من جد ابغى افضفض والله ماانام من التفكير والهم حتى ماقضيت ولا شي للبيبي للحين ؟؟
اعطوني رأيكم وادعولي

[أسوم]

يوه يازهرة الله يعينك وضعك صعب ان اخترتي الحكومي وصار شي لاسمح الله مابتسامحي نفسك واذا خاص زي ماتقولي اهم شي عندهم المكسب المادي وانا حابه اشاركك همك والمفروض تسوي هالشي الي بقوله لك لوتقدري
اول شي تروحي للخاص لدكتورتك وتقولك وش مدى الخطورة على البيبي بس الي خلاك تحملي بعد سبع سنوات بخليكي تحملي مره ثانيه ربك قادر على كل شي وانا اعرف الي حوضها صغير تولد عمليه قيصيريه بس مو قضيه ولاتخافي نص الحريم يولدوا عمليه بس بالنسبه لضروفكم الي زي ضروفنا هاليومين اولدي بالحكومي والله الحكومي افضل بضروفك انتي باي مدينه؟
بس اهم شي خذي منها تقرير بحالك وعرضيه على الدكتور الي بالحكومي واعرفي راي اكثر من دكتور وبعدين وروحي لاحسن وحده تسوي سونار لوبمستشفى ثاني حماتي قالولها نها بتولد عمليه ولدت لان حوضها صغير زي ماقالت طبيبة السونار اتعبي الحين ولاتدفعي 10000 للخاص وقولي لنا وش بيصير معك
وثاني شي والاهم الاستغفار الاستغفار الاستغفار والاستخارة بعد كل صلاة قولي دعاء الاستخارة فما خاب من استخار وربي بيسرها لك حبيبتي<<<<<<<<<<مره تاثرت

[منتظره]

هلا فيكم كروشات

اولا بالنسبه لرايك اننا نتقاش في امور مهمه فان معاكي علشان نستفيد من هذا التجمع

وبالنسبه للمستشفيات انا أيد الحكومي وبشدددددده

خصوصا انك ظروفك ماتسمح للخاص فحرام يدين زوجك علشان الولاده في الخاص

في مثل عندنا في الاحساء نقوله (مايشيلك الا حظك) يعني التسهيل في الولاده من الله مو من المستشفى

وكثير قصص سمعته عن الخاص يذمون فيه

توني قاريه قصة وحده في الجريده ولدت في خاص وبعد كم يوم نزل معه نزيف ..

راحت مره ثانيه لنفس المستشفى سوولها تنظيف وبعد فتره قامت تحس كله بالم وانتفاخ لبطنها وتروح لهم ويقولون طبيعي من الولاده

وتالي في يوم نزلت منها قطعه دم كبيره فيها شاش وهذا الشاش ناسينه فيها المستشفى وقت التنظيف

فشفتي اشلون كله من الخاص

وغير انهم سمعت كله يحبون الوحده يولودنه بعمليه قصيريه حتى لو ماتحتاج

زوجة حماي ولاده من فتره في خاص وكان الر حم عندها مفتوح 10 ولدوها قصيري

يعني حرام قصيري واهو مفتوح 10

ان شاء ماطولت بس هذا رائي

وانتي لج مطلق الحريه

والله يهون علينا جميعا

[احبـــــــــــــــك ولكن.]

مراحب بنات
كيفكم ان شاء الله تمام
>>انا لي اسبوع من الثامن ولسى ماشريت شي لا من العطاره ولا لي ملابس استقبال ولا شي للبيبي>>عايشه حياتها ع الاخر
الحاجه الوحيده اللي سويتها اني رحت وحجزت التوزيعات بس .. والعطاره على امي فديتها
والمشكله اني ماني عند اهلي انا بالاحساء وهلي بالافلاج >>تابعه لمنطقة ارياض
امي تقنعني اولد عندها باحكومي خايفه علي وانا ابي اولد هنا في مستشفى الاحساء كثير يمدحونه
وعلى فكره انا بكريه ..صحيح انا بعد اسبوعين مسافره بسياره ع طريق خمس ساعات فيه خطر علي ولا تكفون ردو علي..

[أسوم]

صادقه يالمنتظرة الحكومي يظل افضل بكثير...الا في حالة المدن الكبيرة مثل الرياض وجدة والدمام ففي مستشفيات خاصه معروفه ولها اسمها من زمان واخر شي يفكرو فيه الفلوس
وربي يختار لك الصالح ويسر امر الجميع