¤ô§ô ~أحلى تجمع حوامل التوأم 2011~ ô§ô

[maha8181]

على سالفة الكرشه البارح راعي المحل الهندي يقولي
ماما انتي لازم يمشي وااجد الحين
مشي كويس الحين

يحسبني بالتاسع ههههههه ولو ان احس بطني مو مرره كبيره يمكن مرايتي غلط ِ

[الياه]

مساااااكم خير وزهووور



شخبااااركم يا حلوين الحاضرين والغايبين
وشخبار التوينز
الله يحفظكم وياهم من كل شر

[الياه]

أم جمانة



مبروووك دخوووولج السادس
عقبال ماتدخلين التاسع، أنتي وكل حواااامل التجمع
سابقتني بسبوووع الأسبوووع الياي بلحقج
والله أحس الأيام تمر بسرعة
الله يحفظنا من كل شر


maha8181

هلا مها، شخبارج عساج بخير
مبرووووك عليج ما اشتريتي، ماشاءالله الملابس عندكم في السعودية، حلوة وااايد واسعاااارها روعة
للأسف عندنا الأسعاار نااار
وهذا الموجود غصب طيب نشتري
تصدقين لين الحين ماخذت شي للتوينز
بس لحافين وقماطين
وأفرووول يابته أختي الله يحفظها
بس يابت واحد ما تعرف أنهم توينز
ولين الحين ما لقيت الوقت المناسب عشان
انطلق وتسوق للتوينز وزهب ملابس النفاس لي
مع أني أعرف كل ما تقدمت الشهور زاد الوزن
بس دوامي وعيالي ماخذين كل وقتي
بحاول الأسبوع الياي أقضي كم شغلة

هههههه ضحكتيني على سالفة الهندي
حتى الهنود عيونهم في كروشنا
الله يحفظج من أعين الأنس وأنفس الجن

[الياه]

أول غرام

الياه

انا يومني حامل بولدي كنت اتابع بحكومي والدكاتره هناك مايعطونك وجه..

بس يطمنونك يقولولك كل شي زين .. وانا ماكنت اتعب نفسي معهم بالاسئله لاني عارفه ماراح القى اجابه ..
بس الحين عشانهم توينز تابعت بخاص واهتميت بالاوزان
وانا من حملت الى الان وانا اشرب الحليب ومشتقاته بالاضافه الى حبوب الكالسيوم .. بس وزن الاجنه عادي ماشي مع عدد الاسابيع ..
اما ووزني مثل حالتك واقف على 63 مدري وش فيه ..؟!
المفروض على معدل الزياده الحاصل من الشهر الخامس انا الحين 69
عذرا ع الاطاله ... خذتني السوالف خخخخخخخ

شخبارج ياعسل، طمنينا عليج وشخبار الثقل وياج
الخير عندنا وعندكم بالنسبة للحكومي
بس في قلة من الدكاترة يكون فيهم خير ويعطونج وجه
آخر مره في الصورة كانت النيرس فلبينية اللي
بتسوي لي السونار
وتحسينها معصبه ومنتفخة ومالها بارض على شي
تميت أشوف في عيونها
وأقرى عليها
اللهم أجعل الخير بين عينيها
والشر تحت قدميها
اللهم لا تنطقها إلا بخير
وسبحان الله
سألتها عن جنس الأجنةوقالت لي
مع أنه ممنوع في الحكومي
وقمت أسألها وتجاوبني
على كل أسألتي
وعقب ما خلصت الأشعة التفصيلة،يلست عندها ساعة وربع
قامت تراوني البيبي الأول
وتوضح لي كل تفاصيلة
والبيبي الثاني بعد
وأكدت لي أنهم بخير
بس لازم أسوي الأشعة مرة ثانية للقلب في الأسبوع22
حمدت ربي وشكرته على النعمة
والله يحفظهم ويبارك فيهم
ويعينا على تربيتهم التربية الصالحه

جربي في موعدج الياي وعطينا النتيجه

وعن الوزن كان وزني قبل الحمل 63 على طولي
وبعد الحمل نزل 3 والحين وزني من شهر ونص 64
ولا تغير!!!!
ومب عارفة كيف أزيده، هذا أكيد بيأثر على التوينز
مع أنهم أكدوا أنه أوزانهم طبيعية
والأكيد بيأثر على صحتنا

لازم نسوي حملة لزيادة الوزن
منـــــو بيشاااارك ويااااانا

[الياه]

أم التواائم

حياج الله ، أخبارج؟
قريت من مشاركتج أنج تعانين
مثلنا :(
بس يمكن السبب الرئيسي عندج الوحام لأنج في أول الشهور، بس هانت بتدخلين الخامس وبتنفتح شهيتج للأكل

أوكي لكل اللي بيشاركووون ويانا
نبدأ من هالأشبوع بالزيادة الوجبات المغذية
وشرب الحليب، والسلطات شي أساسي لكل وجبه
والفواااكه بين الوجبات ولا تنسون المكسرات
من فستق ولوز وجوووز يمي يمي شهيتوني
وأنا توني مخلصة غداي

وبنقارن بين أوزانا كل سبت
وأهم شي نحط الهدف في بالنا صحتنا وصحة عيالنا
ونرفع شعااار

غذاء اليوم لصحة تدووم

" خطير الشعار هههههه"

[maha8181]

المشاركة الأصلية كتبت بواسطة الياه

أم جمانة

مبروووك دخوووولج السادس
عقبال ماتدخلين التاسع، أنتي وكل حواااامل التجمع
سابقتني بسبوووع الأسبوووع الياي بلحقج
والله أحس الأيام تمر بسرعة
الله يحفظنا من كل شر

maha8181

هلا مها، شخبارج عساج بخير
مبرووووك عليج ما اشتريتي، ماشاءالله الملابس عندكم في السعودية، حلوة وااايد واسعاااارها روعة
للأسف عندنا الأسعاار نااار
وهذا الموجود غصب طيب نشتري
تصدقين لين الحين ماخذت شي للتوينز
بس لحافين وقماطين
وأفرووول يابته أختي الله يحفظها
بس يابت واحد ما تعرف أنهم توينز
ولين الحين ما لقيت الوقت المناسب عشان
انطلق وتسوق للتوينز وزهب ملابس النفاس لي
مع أني أعرف كل ما تقدمت الشهور زاد الوزن
بس دوامي وعيالي ماخذين كل وقتي
بحاول الأسبوع الياي أقضي كم شغلة

هههههه ضحكتيني على سالفة الهندي
حتى الهنود عيونهم في كروشنا
الله يحفظج من أعين الأنس وأنفس الجن

هلا والله الياه شخبارك حبيبتي عاد ما اتصور عندنا احلى الله يخلف علينا
ياليتني بدبي علشان اتسوق
بس والله ما الومك انا عندي الدوام وما الاقي وقت شلون دوام وعيالك الله يحفظهم من جد مافي وقت
بس نصيحه روحي الحين ترى الجاي شكله عذاااااب
انا الحين ويالله اجر عمري جر من الم ظهري

[الياه]

maha8181

هلا والله الياه شخبارك حبيبتي عاد ما اتصور عندنا احلى الله يخلف علينا
ياليتني بدبي علشان اتسوق
بس والله ما الومك انا عندي الدوام وما الاقي وقت شلون دوام وعيالك الله يحفظهم من جد مافي وقت
بس نصيحه روحي الحين ترى الجاي شكله عذاااااب
انا الحين ويالله اجر عمري جر من الم ظهري

هلا والله مها، يسرج الحال عال العال

ماشاءالله أنتي بكرية، الله يتمم لج على خير

حبيبتي أنا مب من دبي، أنا من مدينة دار الزين "العين"

بينا وبين دبي ساعة تقريبا
بس نسير لها بين فترة وفترة
والحين عندهم مهرجان التسوق وكله تخفيضات
بس أتم أسعارهم نار
مره سرت العمرة وخذت جلابية للبيت وفي حدود 200 ريال
وسبحان الله ، شفت نفس الجلابية عندنا ويم سألت عن السعر، كان أكثر بـ180 تقريبا
تحسين بغصة، عندنا وااايد يبالغون في الأسعار
وأحنا لا حول ولا قوة ندفع وندفع والله المستعان

ههههه ضحكتيني على النحاف

لا الضعيف مرتاح ولا المتين
شاركي ويانا في اتباعج للحمية

[ام جومانة]

الله يبارك في عمرك يامها شكرا حياتي عقبال ماانوصل التاسع على خير

[ام جومانة]

مساء الورد والسرور
ياهلا ومرحبا بلياه كيفك ياواخيتي وكيف البيبيات ان شاءالله امورك تمام؟

[ام جومانة]

الياه
الله يبارك فيكي ياقمر والله يثبت حملج وحملنا على خير ونوصل التاسع ونخلصه بعد واحنا واطفالنا بصحه وعافيه يارب ياكريم.