تجمع لحوامل شهر جمادى الأولى 1433

[المخملية]

أنا يعتبر بثاني أسبوع بالتاسع على حساابها
وأول أسبوع على حسااب برناامج حساب موعد الولادة الي الكل يمشي عليه
ماراح أطلب منهااا تكشف الا اذا طلبت
..
وآلم الظهر الي يجيني شااكه فيه
أقول يمكن جالس يفتح الرحم
لان ساعات يجيني على شكل كهرباء يمسك العمود الفقري كلو
وساعات ينزل اسفل الظهر آلم فضيع أحس بكتمة وضيق بالتنفس لما يجيني
بس دحين راااح... يعني يجي على فترات..
....
اليوم ماما سوت قهوة بالزنجبيل والقرفة ... صبت ليا فنجال تقولي اشربي واولدي وفكينا ههههه
صبت لي واحد وبعدين صارت تصب لي من التلاجه التانيه بالهيل بس
قمت وسوست لنفسي وقلت اشربي يابنت طعم القرفة مو باين الي باين الزنجبيل بس واقرب التلاجه مني واشرب
لكن محلك سر حتى الم الظهر اختفى
زي الحلبة كانت تجيني مغوص زي مغص الدورة بس محتمل مع الحلبة اختفى ههههه
....
وعلى فكرة أنا حامل ببنوته أذا طلق الظهر يجي مع الولد
ويطلع انا حامل بولد
عزالله مالو الا لبس البنات ههههه

[white sugar]

انا جيعاااااااااااانة اكلت عالساعة وحدة ساندوتش لبنة بالزعتر
ودحين جيعانة مرة مدري ايش اكل .. صايرة اجوع كتير
وصيت زوجي يجبلي لوز حجازي بالملح .. راح الله يهديه جبلي اللوز حق الحجة عارفينه
اللي هوا الفول السوداني ، والمشكلة مافتحت الكيس الا لما رجعت البيت

[white sugar]

نوني مادري كيف حشرحلك الهرجة
بابا يحب الشوي بس لازم احد يساعده فيه ما حيقدر لحاله وزوجي المرة اللي راحت وكلناه هوا واخواني عالشوي
حرقولنا الاكل ههههههههههه اكلناه محروق عشان كدا ما نعتمد عليهم
وغير كدا مافي احد حيشتغل غير ماما وشغالتها لانو المحروسة حقتي سحبت عليا ومشيت وانا فحاجتها الشهر دا تخيلي

وكمان احنا المرة دي مو لحالنا انا واهلي بس ، خالاتي اخدو كبينة جمبنا يعني جيش ما شاء الله
وفيهم عيب ما يحبو يسوو شي يبو الشغلة بارد مبرد يعني اكلة ومرعة وقلة صنعة
تنابل بالعربي يبو الشي جاهز واولادهم زيهم .. فعشان كدا اشلنا واشل وجع الدماغ
مع انو على قولك ريحة الشوي مافي احلى منها

[المخملية]

وايت سكر... قومي كلي تمررر ..
أو سوي لك ساندوتش جبنة وحطي مخلل معااها... يمي .. ماما تسوي مخلل بالبيت يجنن
آهي تذكرت زوجي يحبو >>برا
أو أصبري للفجر وأخرجي أفطري أو وصي فطور

[توليب حوامل]

صباح الخييييييييييييييير
كروشات اخباركم

[noni]

يالله تصبحون ع خير
ونصحى أن شاء الله ونلقى وحده منا مفقسه
ألله يسهل ولادتنا يارب

[white sugar]

مخملية سويتي زيي كنت كل ما اروح اكشف يقولولي مو باين
مرة قالولي بنت ومرة ولد وبعدين رجعو قالو بنت وبعدين استقرو انو ولد
وكل تجهيزاتي حقت اولاد .. قلت لو جا بنت مافي غير اللي جبته
ايام يوسف انا ما قلت لاهل زوجي وولا احد انو فبطني ولد قلتلهم بنت عشان اللقافة الزايدة
ومساكين كل وحدة من اخواته وامه جهزو ملابس بنات ولبسته هيا والله لانو الوانها حلوة خخخخخخخخ
كويس بس انها كانت كلها بربتوزات مو فساتين

[المخملية]

آآحلى شي ريحه الشوووي
وبالذات لما ترجعي البيت تلقي شعرك ولبسك وجسمك كلو شوي
الود ودك ماتتروشي عشان تقعدتي تتذكري اللمة الحلوة شوووي
وآآحلى شي لما نشوي عند جدتي ويجي يشيلني زوجي يقوول الله رحتك شوي
ايش تعشيتو مشاوي اليووم...
.....
بس سااعات تمسك ريحه الشوي معك غلط ... تحسي الريحه الي تمسك فيكي معفنه شوووي
...

توليب... هلا وعليكم السلام
أحنا بخير شوفينا نقرقر
نستغل الفرصة شوي
بكرة نولد ماعاد نفضى لطق الحنك يادوب ندور النوم ... وندور وقت نرتااح فيه
أنتي كيفك؟؟
...

يمي يابنات أذن وأنا مااخذت لي غفوة
يلا بنتي ناامت... يارب نوم العافية
بخرج أجهز أغراض وأريح شووي قبل أخرج
أشوووفكم على خير

[المخملية]

ههههههههههههههههه كويس ياسكر أنو ماجابو لك فساتين
وتصدقي أنا كانت تقولي مو باين مو باين الين السابع قالت بنت ولا عاد سألتهااا

بحملي الاول من الرابع عرفت ,,,,
وبرضو ماعاد سألت ...

ان كان ولد مالو الا لبس البنات
بس يلا اصلا مايبان لبسو لانو على طول يكون بالكوفلة حقتو

...
يلا رووحي نامي
وأنا بخرج وبقفل قبل مايشوفني بابا
دحين يقوولي مانتمي وتبغي تروحي مشوارك
خليه يشوفني نايمة احسن

[white sugar]

اهلين توليب انتي كيفك

نوني وانتي من اهل الخير

مخملية يا حسرة حخرج افطر مع مين زوجي عنده دوام حيصحى ويروح عليه
وماعندي احد يروح يجبلي فطور .. شهيتيني للمعصوب والقلابة من الصباح يمي

تمر ما عندي خلص قلت اليوم بقول لبابا يجبلي رطب لانو يعرف يشتريه ويجيب نوع كويس