تجمع لحوامل شهر جمادى الأولى 1433

[يمكـ دروبي]

يووووه .. الله يستر ..!؟؟
هههههههههههههههههههههههه
خلاص ان شاء الله الاسبوع الجاي اولد .. خخخ
يله .. والله اني اتمنى احد يمشيء معي ويسليني

[..ام بدر..]

يمك دروبي...الله يسهل عليك بس كيف عرفت انو المويه كثيره بدون ماتسوي سونار؟؟

ولمن حطت لك تحطيط الطلق انتي وقتها كان عندك الم ولا لا؟؟
وكشفت عليك من تحت عشان تشوف الرحم مفتوح ولا مسكر؟؟

[يمكـ دروبي]

ما ادري بس لما كشفت على بطني قالت يمكن المويه زايده ..
لا ما كان عندي بس وقت ما التخطيط على بطني جاااني الم ومغص زي الم الدوره
وانتوا بكرااامه ... وقتها شفت عداد التخطيط حق الطلق ارتفع كان حدود السبعه
والعشره ووقت الالم ارتفع لين الخمسين ... خفت منجد .. بس ماكان منتظم ..
وبعدين ما كشفت عليه من تحت احسه بدري ...!؟

[يمكـ دروبي]

ام بدر ...
الله يسهل علينا جميعا ..
ونسيت اقلك بعد ..
ظغطت بيدها اسفل اسفل بطني كانها تمسك شيء انا استغربت ..
كانت تشوف اذا الراس تحت او لا ..
والحمد لله قالت انو تحت ..

[..ام بدر..]

يمك دروبي...مدام ارتفع للخمسين فمعناها ان شاءالله يكون قرب الفرج
ومو بدري عالكشف من تحت خاصه انو عندك الااام ربي يسهل عليك ويسرلك ولنا ولاداتنا ياارب

انا احس ام ليان ولدت لانها مررره مختفيه...الله يطمنا عليها
وفي كم وحده كمان مختفين بليييز اللي تولد تطمنا وتفرحنا....الله يفرج كربتنا

[المخملية]

ايواا فيه بنااات مختفياات
انا توقعت ام سهاد بس شفتها بتجمع ربيع الثاني اليوم
وام ليان بما انها بداية الشهر اتوقع ولدت

الحمدلله علي كل حال
حسبي الله لا اله الا هو عليه توكلت وهو رب العرش العظيم

[..ام بدر..]

المخمليه....كيفك وكيف بنتك

تصدقون انا باقي بفطوري الصباح ولا دخل فمي غير كوب شاي والساعه11كوب نعناع بس.....مالي نفس اكل يمكن عشان اللوز ملتهبه فمو قادره اكل ولا مشتهيه شي

[white sugar]

سلام يا حلوات
سهرانين ولا نمتوا بدري ؟؟

اليوم مرني بابا الله يخليلي هوا واخدني اتغدى معاهم احسن حاجة سواها لاني كنت مرة متضايقة من جلسة البيت وفوق دا كمان جاتني الشغالة تقلي يا تزوديني في الراتب ولا امشي. . قلتلها زيادة ما عندي وتستني اخر الشهر والله معاكي ، تخيلو بكل وقاحة تقلي لا انا حمشي السبت وانتي دبريلك وحدة تانية . . رفعت ضغطي
تقلي انا ما حكزب عليكي انتي ما عندك شغل كتير بس انا الراتب مايكفيني. . انا بعطيها 1500 على ولا شي يعني ماعندي كرف ، بس صنف نمرود ما يبان فعينهم ولا يتمر فيهم دوبها جاية من اجازتها خليتها 4 وهيا لها يوم واحد بس ، جوزي انقهر منها قلي المفروض ما تسوي كدا وهيا عارفة انك على وش ولادة وازا اتفلسفت قوليلها اطلعي من دحين لا تستني السبت يجي

والله قهر من جد رفعت ضغطي وسدت نفسي عن الاكل. . بابا يقلي كلي وانا اتغصب على الاكل بس عشان ما ابينله اني متضايقة حسبي الله عليها

[عطر القصيد]

هلا والله ياحلوين كيفكم بنات نبي نووولد احس اني تعبت
ابي شي يسهل علي عشاان ينفتح رحم بسرعه

[المخملية]

اام بدر .. الحمدلله كلنا بخير
الله يفرجها علينا
خلصتي شغل بيتك ؟

وايت سكر ... هما الخدم كذا انذال شايفتك حامل وعلي وش ولادة
قالت راح تحتاجيني خليني استغل الفرصة
تصدقي دحين ندور علي شغالة ومو راضين نلقى الي تقول ب 1400 والا 1700 وبشروط كمان
انظف مرة وحدة باليوم واروح اجازة كل اسبوع
ويتسألو كم عدد الافراد وكم عدد البزورة وكم غرفة
ساعات اقول ابلغ عنهم تقشهم الشرطة وتسفر قليلين الخاتمة

عطر القصيد... الله يعين
دخلتي التااسع والا لا ؟
ومتي موعد ولادتك؟؟

بنت عمتي بنتها قربت تكمل السنة تقول ولدت بأول اسبوع بالتاسع ماشاء الله عليها
الله يطعمنا زي ماطعمها

بنات مين خلصت اسبووووع بالتاسع ؟