انا حامل ولكن ..!

[أم لنو]

الوحام يجي في نصف الشهر الثاني والبعض مايجيهم بس مدام لك تاريخ اجهاض ريحي وروحي المستشفى يعطونك مثبتات ربي يثبت حملك يارب

[ام لولوتي]

وهذا اللي صار اختي الغاليه ..

والحين انا دخلت الاسبوع التاسع في الشهر الثالث وعندي موعد مع الدكتورة في 4 من سبتمبر
والله يثبته لي يارب ويسهل الحمل علي وييرزقني ذرية صالحه سليمة يارب

[روعة مشاعر]

انا ابدا ما حسيت بترجيع حتى اني خفت و وسوست

االلهم بس في الشهر الثاني نهايته حسيت اني اذا وقفت واجد يدور راسي و مااجوف شي
و من نص الثاني ما كنت احب اكل دايما تلوع جبدي يكون ودي اكل بس ما اقدر اكله في شي يمنعني و اذا اكلته يكون بدون رغبة خصوصا اكل المطاعم اما اكل البيت لا عادي

بس حبيت افيدج يعني و لا تخلين الوسواس يلعب فيج تراه للحين لاعب بلعبته يخلص من شي و يروح لشي ثاني

و الله يتمم لج و لنا جميع
دعواتج

[ام لولوتي]

صدقتي والله وانا الحين صارت عندي نفس الحاله ودي اكل بس ماقدر واغصب نفسي وماحس بلذة الشي اللي اكله وفيني برود مب طبيعي

الله يسهلها ان شاء لله

[احساس ملوك]

يااختي الله يثبت حملك
والوحم اللي هو الاستفراغ غالبا يكون في الاسبوع الثامن
وفوق
وفي بنات يحسون بغثتيان من غير استفراغ
النبض ممكن يبين من الاسبوع الخامس وفوق
وجنس الجنين يبين من الاسبوع 16 وفوق ويكون اكثر وضوح في الاسبوع 20
واشعه 4d تبين جنس الجنين بشكل وااااااااضح بس لاتسوينها قبل الاسبوع الـ 17