تجمع الحوامل اللي ولادتهم في صفر 1434هِ

اروي يقيني · 08-10-2012, 03:30 AM

هلا فيكم

زنوب انا بعد ألم فيني بس هذا شوي شوي مع الثقل يزيد بعد

وانا بعد وضعية بنوتي راسها تحت

بس عادي لان البيبي يتحرك

ومجرد صدفه انج رحتي الموعد ومثل الوضعيه

لاتخافين حبيبتي

ام عبدالله

حبيبتي اليوم انا رحت شريت اليوم ثياب لبنوتي
حدهم روعه ثياب البنات

يهبلوووون

مهرة الله يتمم لج حبيبتي بكل خير ويخلي لج البنوته
وايد حلوين ثياب البنات والله انا استخفيت لما رحت اشتري
كنت ابي اشتري الااهناك كلهم ههههههههه

مهرة · 08-10-2012, 03:39 AM

صادقه يا زينب في اخر تحليل لي قلتلي عند الكالسيوم 6 وطلبتني اكثر من شرب الحليب

اروي ههههه انا زيك بس اروح واشوفك ملابس البنوتتات عن جد نفس اشتريها كلها مررره حلووه واحتار ايت اخذ ههههه الله يعين انا هالمره ان شاءالله ماينقصني شي ببنتي الاولي حاجات كثيره نقصتني تعلمت ايش يحتاج البيبي اول مايجي

اروي يقيني · 08-10-2012, 04:12 AM

مهرة
زين تكفين علميني عيل شنو لازم أخذ

مابي شي ينقصني

ياهم ربي كبير · 08-10-2012, 04:10 PM

مهرة بالافطار ابدئي بكورنفليكس لانك بتحطي فيه حليب ، وباليوم شربي 2 اكواب حليب ، واحد بالسحور وواحد بالافطار
انا اتسحر وافطر بالكورنفليكس مع الاكل

ياهم ربي كبير · 08-10-2012, 04:11 PM

بنات انا متحمسة حق التجهيز بعد بس مادري بشو ابدأ ..
وبنت خالتي نصحتني ما اشتري وايد ، لان البيبي بيكبر بسرعة ورح يحتاج كل فترة تشترينه شيء ..

ياهم ربي كبير · 08-10-2012, 04:12 PM

بنات باقي لي يومين وادخل السادس .. هيه هيه هيه السادس يابنات وصل .. :)
عقبال نوصل كلنا للتاسع يارب بصحة وعافية

مهرة · 08-10-2012, 08:07 PM

امين يا زينب ومشكوره كثير
اروي انتي روحي السوق ووشوفي واايش يحتاج البيبي ومو بس ملابس وزي ماقالت زينب لاتكثري ملابس واذ حابه تكثري اشتري حجم اكبر
انا راح اقولكم كل شي راح اخذه وبنستفيد من بعض وانتوا كمان اي وحده تجهيز تعلمني حتي ماينقصنا شي

ام الـولـيـد · 08-10-2012, 08:40 PM

مهره حبيبتي بالنسبه للحرقان

كلي بعد السحور حبة موزه سبحان الله اول الصيام كنت اتبهثل

من غثيان وحرقان وعطش اللهم لك الحمد ويعظم الاجر يارب

ومن بعد ماصرت اخذ الموز مع السحور ارتحت كثير

وحبيبتي زينب بالنسبه للكريم تبع لتشققات ذكرتيني الدكتوره صرفت لي كريم افالون البنفسجي

وصرفت لي كريم لحلمة الصدر

انا استخدمته امس الكريم سويت مساج بسيط

وبالنسبه لتجهيزات النونو انا صراحه ببنتي كنت اشتري كل شيء يعجبني

ولكن اللحين تحسفت لان اغلب لبسها كانت تلبسه مره او مرتين

سبحان الله الطفل من يوم يولد لحد عمر ست شهور

وجسمه يتغير لان يتطور ويكبر بسرعه

انا اول ماعرفت اني حامل طلعت لبس بنتي كامل يوم هي صغيره

وطلعت الالوان المحايده بكيس والناتي بكيس

اوفر على نفسي

قلت اذا حامل بولد بيكون اطلع الكيس المحايد

واذا حامل ببنت اطلع لهم كلهم

والحمدلله حامل بولد ان شاء الله

ياهم ربي كبير · 08-10-2012, 08:56 PM

مهرة بنتظر ردك علينا خاصة البكريات مثلي :)
انا متحمسة حق الشوبينغ ، مع اني احس انه شوي بكير صح ؟ يعني مو احسن نستنى ندخل السابع ؟
انا الوالدة لما اكلمها عن لبس النونو تقولي بكييير على هالكلام لسا مادخلتي السادس!

أم الوليد تسلمين حبيبتي ع الرد
سبحان الله بجرب الموز ، انا اموت بالموز اصلا ههههههه
وقلتي كريم للحلمات ، شو يسوي هالكريم ؟
وفعلا البيبي بيكبر بسرعة ، احسن نشتريله شوي شوي ، مثلا كل شهرين نشتريله شيء وهكذا ..

ام الـولـيـد · 08-10-2012, 10:11 PM

هلا زينب كريم الحلمات لازم ترطبينها لان بعد الولاده تبدأ تعذبك خاصتا وقت الرضاعه الطبيعيه

انا من يوم دخلت السابع تعذبت منها على انو كنت ارطبها بزيت الزيتون

بس تصير جلد ميت يعني يابس ولازم يطيح

مثل الشفايف لما تصير يابس ولازم تزيلينها

واللي عذبني اكثر وقت الرضاعه لان وقت الرضاعه لازم تنظفين الحلمه حتى ما يقطع الجلد الطفل ويبلعه

فحلمة الصدر يبيلها عنايه اكثر من التشققات

اتمنى افدتك زينب وباقي البنات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.·¤ تجمع الحوامل اللي ولادتهم في محرم¤·.	ام اسكندر	إستفسارات مرحلة الولادة	23225	12-20-2012 07:27 PM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM