بركولى وهنونى اخيرا وصل حبيب قلبى ونور عيونى

[GoGe]

اخيرا جت اللحظة اللى كنت بحلم بيها من زمان وانا كنت اقرا قصص الولادات فى المنتدى واقول امتى تيجى اللحظة واكتب انا كمان قصة ولادتى ابطل رغى وادخل فى المفيد انا ولدت يوم الجمعة 20/1/2012يعنى بعد ميعاد ولادتى باسبوع فى اخر اسبوع كنت زهقانة جدا وقلت مش هروح للدكتور لان كان الوضع عندى ان البيبى كان بالمقعدة والكل قالى استنى ما تروحيش لانه ممكن يغير وضعه وكمان كنت بحس بطلق شوية ينتظم ويشتد وبعدين يروح المهم سبع الرجال صمم اروح اعمل اشعة يوم الخميس فى الصباح والدكتور قال لسة الوضع زى ما هو قلت اه بس انا بحس بطلق قالى لان البيبى لما بيفرد رجله بتنزل فى الحوض يعملك طلق وقالى لازم قيصرى لان ميعادك فات دخلت للدكتور النسا قالى يبقى تدخلى النهاردة وعملت دخول فى المستشفى ودخلت الساعة 6 العصر ودخلونى طوارئ وحطولى جهاز بيقيس الطلق وحالة البيبى والممرض تسألنى فى تعب ماما اقول لها اه جدا ويجيلى طلق جامد جدا ويعطونى مسكن لانى هولد قيصرى وادخل غرفة العمليات الساعة 12ونصف فى الليل ويوصل احلى مروان للدنيا الساعة الواحدة صباحا يوم الجمعة واول ما سمعت صوته فرحت جدا وجابوه وبوسته واخدته الممرضه علشان تلبسه اه على فكرة انا ولدت ببنج نصفى معاه الابيديوال اللى بتتاخد فى الظهر كمان وولدت فى مستشفى سليمان فقيه مستشفى ولا اروع فى النظافة والاهتمام بيكى وبالطفل وكمان الدكتور احمد الله يبارك له ممتاز وكمان دكتور البنج الله يكرمة اخلاق وانسانية اسمه محمد يفهمك كل حاجة قبل ما يبتدى وهو شغال بيقولك على اللى انتى هتحسى بيه علشان ما تتفجأيش باى حاجة والدكتور احمد كان بيقولى احنا لسه بنعقم مكان الجرح وارد عليه واقوله طيب واسمع صوت البيبى والاقى بيقولى خلاص هخيط الجرح احنا خلصنا طبعا بعدالولادة فى الم شوية بس تيجى فايدة الابيديورال لانه بيسبها معاكى يومين وهما اصعب يومين علشان ما تحسيش باى الم او شد فى الجرح ويعدوا ولا فى اى الم انا حبيت اكتب بالتفصيل علشان افيد الاخرين ويارب تقوم كل الحوامل بالسلامة وتخليلى زوجى واطفالى ولو فى اى استفسار انا موجودة وان شاء الله يهدى مروان زى الليلة واعرف ادخل على المنتدى لانه دلوقتى نايم ملاك على رجلى وانا بكتب من اللاب رغيت كتير انا يلا مع السلامة