قائمة ترتيبات جهاز الام والمولود وطلعة الاربعين

[معلومات2011]

المشاركة الأصلية كتبت بواسطة ameera ™

ما شاء الله عليك جد إنسانه منظمه ،
حمستيني افكر بكل حاجه احتاجها قبل وبعد والولادة من الحين ،
الله يوفقك ويرزقك الذريه الصالحة يآرب ،
ودي ..

الله يجزاك خير
أدعيلي باتمام حملي وأجيبه سالم ومعافى
وشكرا لمرورك ياعسل

[معلومات2011]

المشاركة الأصلية كتبت بواسطة أم دحسون

ماشاءالله حــلو حلــو ,. ^_^

وجودك هو الاحلى

[معلومات2011]

-تجهيزات فترة النفاس
المطلوب(الاستقبال)
-أفضل غرفة في البيت تجلسي فيها انتي وضيوفك
-ثوب أستقبال كشخه أكشخ ماعندك +الملفع المناسب له+سليبر أنيق
ولاتنسين تلبسين سوتيان من داخل أنيق مو ستيان رضاعه
-بدلة النونو +قبعته+وقفازاته+ودلاغاته+لفته ورباط المعده+ومهاد رزه
-سرير للام ورف بجانبه
-سرير لنونو ورف بجانبه +النامسيه
-مفرش خاص بك كشخه ومعاه مخدته
-سلة مهملات ملبسه
-علبة منديل ملبسه
-سفره كشخه
-طاولات وحده كبيره ووحده متوسطه(تضعين عليها الاواني)
-مفرش شيفون على الطاولات المذكوره
-صواني تقديم الشاي والقهوه والبيالات
-صواني الحلويات والفطاير
-مطارات الشاي والقهوه باشكال أنيقه
-سلة شوكليت وكاكاو مكتوب باسم المولود أو تهنئه خاصه به
- علب ماء وعصائر طازجه موضوعه باكواب أنيقه
- قاتوهات مقسمه في صحون وشوك
-ولاتنسون التمر حق حريمنا الكبار
-خلطة قهووه تجهزيها حق الضيوف أوتشترينها من حرمه
ونكهات للشاي
-مكسرات
-وأخيرا حركات عند باب الاستقبال (أختياري)

اللي عندها أضافه لاتبخل علينا

[معلومات2011]

-تجهيزات فترة النفاس
المطلوب(شنطة المستشفى)
ملاااااااحظه نفس القائمه الاولى لكن تختارين المهم بيوم ولادتك اوبيوم الطلق
-عباية وشيله
-شحاطه أوسليبر قطني
-شنطة متوسطه
-دلاغات
-طقم أنديروير
-بيجامه داخليه
-سروال طويل
-ستيان قطن للرضاعه
-فوطه
-روب
-ملفع للراس
-قفازات يدين
-شال رضاعه
-دراعه لاول ليله
-ثوب أستقبال الزوج والزوار
00000
-شامبو شعر
-شاورجل
-كوتكس
-مزيل عرق
-فرشاة أسنان
- معجون أسنان
-صابون للوجه أو مناديل لمسح الوجه
-كريم مرطب للوجه

-أدوات شخصيه تجملك قدام الزوج والاهل:
( مشط-شباصه-أستشوار-مقلمة مكياج-مسكرا-كحل-محدد-قلوس-روج لحمي أوزهري)

ولاتنسون الاشياء المهمه والضروريه
-كتاب يحتوي على آيات الولاده وأذكار الصباح والمساء )
-جوال وشاحنه
-مسجل لسماع القرآن
- كاميرا (أختياري)
-نوته وقلم
-كيس


بنات أنتظر تفاااعلكم

[معلومات2011]

ماشاء الله
الردود 3 والمشاهدات أكثر من 80

الله يسامحكم





أنصحكم يابنات تجهزون أغراضكم وأنتم
بالشهر السادس أوالسابع (بتجهيز النفاس)
وفي الشهر الثامن (بتجهيز النونو)
وفي الشهر التاسع (بتجهيز الادويه والاكل +بالاضافه تجهيزخلطات العنايه+ تجهيز العروس)
وفي الاربعين( وقت التفرك والعنايه )

بنات أنا للحين مابلشت أشتري لاني في نهاية السادس حاليا
بشوف المشيمه عندي مستقره أولا في الشهر السابع
وأدعولي بثبات وأستقرار حملي
أن شاء الله اوريكم مشترواتي

أخواااتي تقريبا خلصت تجهيز الام الاو هي
-تجهيزات فترة النفاس
المطلوب(ملابس+صيدليه+الاستقبال+شنطة المستشفى)

ماراح نبدأ بالنقاط الثانيه الا لما تضيفون على نقاطي المذكوره
وتشوفونه كااامل أو نااااقص
الموضوع تعبني بالمرره وأبيكم تدعون لي بتيسير حملي وولاتي
وتصبحون على ألف خير

[ملكة المشاعر]

ربي يسهلك حملك وولدتك انتي وكل الحوامل ..

تسلمي على الموضوع بصراحه استفدة

[فوفوً]

مشاء الله عليك موضووعك شامل لكل شي
يعني الوحده ماتحوس بس تخش على موضوعك دوووغري

الله يجعله في ميزان حسناتك

[وما توفيقي الا بالله]

يسلمووو ياعسل موضوعك رووووعه
كملي بانتظارك ..
الله يتمم لك ويهون عليك يارب

[أريج العطر]

ماشاء الله

[معلومات2011]

المشاركة الأصلية كتبت بواسطة ملكة المشاعر

ربي يسهلك حملك وولدتك انتي وكل الحوامل ..

تسلمي على الموضوع بصراحه استفدة

اللهم آمين
شكرا لردك الجميل وماننحرم من وجودك