هرمون البروجسترون عندي طبيعي أو لا

[أمـ تـركـي]

مادري كم سعره عندكم بس اذا بالخاص أكيد بيطلع يعني بعد ساعه أو ساعتين

والنسب للي جبتهم اذا كان ما في حمل من 1 لي 28 طبيعي

واذا في حمل بالثلث الأول من 9 لي 47 طبيعي


هذا كلام دكتوره بالنت

[آح ـــسآس]

الله يرزقك ي رب العالمين ويقر عينك بشوفة ضناك ي رب اللهم اميييييييين

[يارحمة الله الواسعه]

الله يرزقش ياارب ويرزقني

والحمد لله على كل حال

انا حللت في نفس يوم التبويض 21

وطلع عندي الهرمون نسبة مررره ضعيفه واحد ونصف

وقالت من 15 الى 20 يصير حمل

بس الله كررررريم

الله يفرج همي وهمكم يااارب

[أمـ تـركـي]

أنا اليوم بروح للدكتوره وان شاءالله يطمني

[أمـ تـركـي]

قبل اشوي كنت بالمستشفى وشاف الدكتور تحليلي

قالي أقل*من الطبيعي بشوي بعدين قلت له أنا دورتي كل 30 يوم

قالي اذا دورتج كل 30 يوم تحليل البروجسترون تسوينه باليوم الـ 23 من الدوره

ما يصير تسوينه بالـ 21 لانه هالتحليل على حسب طول الدوره وقالي لو ناطره يومين

جان ألحين االهرمون عندج واصل 18 أو فوق العشرين فقالي جذي طبيعي ولا تحاتين

قلت له يعني ما احتاج اي شي قالي لا طبيعيه وما فيج الا العافيه بس قال جذي وايد ارتحت

وحمدت ربي الف الحمدالله لك يااارب طلع كل شيء عندي طبيعي وسليم

[أمـ تـركـي]

حاسه بآلم الدوره

باقي على دورتي 4 ايام الله يستر

ادعولي اكون حامل

[أمـ تـركـي]

باقي يوم على دورتي ادعوولي

[تاج راسه]

الله يفرح قلبك بالحمل السليم المعافى التام عاجلا غير اجل ويفرحني بعد ياااااااااارب

[أمـ تـركـي]

اللهم آميييييين

[لقيت أحلامنتدى]

بسألك ياام ترركي



طيب انا عملت تحليل البروجسترون في اليوم 19 من الدوره

والنتيجه هرمون البروجسترون 26 ng



وطول دورتي الشهريه 26
بالله طمنيني
انتظرررررك