بتطلق من زوجي تعالوا شوفوا مشكلتي

[sweet moon]

ماعليه يااختي شمايل

هاذي الحياه ننصدم من اعز الناس

بس يبيلك قوه صبر واراده وتفكير سليم

وان شاءلله بتنحل

[ملكة المشاعر]

يالله من جد قهرتيني هو الغلطان

لاتردي عليه وطنشيه الين مايرجع واتفاهمي معاه

واستخيري ربك لانو طلاق موسهل

الله يفرج همك وهم كل مهموم

[#عيــ الجوريه ــون#]

هلا بك شمايل

طبعا بقول غير البنات
ليش تسفهينه هاذي المشكله بعينها وهي الي تزيد المشاكل بين الزوجين

شوفي ياختي زوجك كبير واعي ولو هو صادق بكلامه انه يحب بنت عمه
كان تزوجها من من وقتها ومافيه شي يمنعه

وثاني شي هو ماسخى فيك يوم تأخرتي بالحمل وماسمع كلام اهله يوم يقول طلقها 00

ولاتنسين زوجك يعيش فتره عصيبه في عمله وهو بعيد منك شهر عندك وشهر في الصحرا والعسكريه ماترحم وتخلي الواحد يكره نفسه غصب 00

وهو في بعد عنك وزوجك فاقد شي يمكن فتره الحمل وبعده عنك سوا كذا

بس انتي استهدي بالله ولعني بليس ولاتفرحينه فيك ولا تفرحين اهله والناس عليك 0

شوفي أنتي ردي عليه وبرسميه وناقشيه بكل حب واحترام بدون زعل وعصبيه 0

زوجك قال وحده ماتكفي صدقيني قالها لانك بعيده عنه 00

ولا جاء الصدق بتشوفينه غير

لاتتدخلين احد من اهلك وبيكبرون السالفه وتتعقد الامور 00

خليك على تواصل معه كل يوم الين يجي وتفاهمي معه وجهه لوجهه

وبقولك عاتبيه بس بسالوب طيب وتذكير بالله وانك خايفه عليه من الحرام واخذ الذنوب من ورى البنات وانتي اعرف بزوجك ودينه 00



وأرجع وأقول صدقينــــــــــــــــــــــــي لو مايحبك ويبيك كان ماتزوجك 00

طولت عليك بس ترى الزعل والشيطان شاطر أصبري وخليك حكيمه ولا تتركينه لبنات الحرام الي يدورون الرجال دواره ،،عليك بالدعاء أخر الليل الله يحمي زوجك ويبعد عنكم كل شر
ولي رجعه أن شاء الله

[شاعره الصمت]

الله يفرج همك حبيبتي

[شمايل بنت الدمام]

رسلي رساله انه بيموت اذا مارديت عليه وان حرارته مرتفعه

ابصراحه .. كسر خاطري وكلمته برساله وقلت له بسم الله عليك

ونام وارتاح وانت اللي سويت كل هذا

[أم الشيخ خلودي]

موضوعك بيشتتك ..زحاولي تتفاهمين وبطريقتك تقدرين تكسبين قلبه
وتنسينه كل الي حوله
الله يسخره لك يارب

[مريوومة]

ياعمري شمايل وربي أنقهرت عليك حسبي الله عليه

لآتزعلين بس قهرني هالسخيف خير في رجآل عاقل

يقول الواحد ما يجلس على وحدهـــ ليه أبــي افهم أنا

وش يفكرون بنات النااس لعبه عندهم قسسم هالرجال

ودي اموتهم خلك صارمه معه لآ تسكتين له دامه

غلط عليك وريه شلوون الحدب ينام على قولة امي

احقريه اسفهيه لآ تردين عليه واذا ازعجك ردي

نفس خاسيه قولي نعم خير شتبي ومن هالحكي

وألله انــي انقهرت عليك لآ حول ولآقوة الابالله

الله يهدي سركم يارب ولآ تستعجلين انتي لآتنسين

في طفل في الطريق حرام يتغرب بينك وبين ابوه

اسأل الله لك تعظيم الاجر وان الله يقرج همك يارب

يحس بغلطته ويجي يحب راسك ورجلك بعد

فديتك لآ يضيق صدرك دام ربي معاك =)

[شمايل بنت الدمام]

مشكورين والله وقفتوا معاي بس مشكلتي ماعرف اخذ حقي

حتى وهو الغلطان احن له ابي اقول خليه يولي بس مااقدر اتذكر اللي ببطني وابلعها

[مريوومة]

يارووحي وش تسوين لآزم تضحين علشاان الي ببطنك وآلله

هو الي يستاهل كل هذا حطي هالشئ في بالك ولآ الرجال ما يستاهلون

شئ قسسم بالله الله يكوون بعونك ياارب ويفرج همك انشآلله ..{{

[sweet moon]

اكبر اكبر غلط انك رديتي

ليش تسهالتي للدرجه ,, الله يهديك

انا ماحرضتك عليه وقلت اطلبي الطلاق

بس لازم تخليه يحس بغلطه ويندم اشد الندم

عشان لارجعتي له يعرف انك مارجعتي بالساهل

كلامه كان حيل قاسي كيف نسيتيه بسهوله

تخيلت نفسي مكانك وحتى لو زوجي اللي احبه اموت فيه

كنت راح اخذ حقي

وبعدها يحلها الف حلال