ماذا افعل مع زوجي الذي لا يقدر

[Omharoon]

السلام عليكم

ما ادري شنو اكتب ومن وين ابتدي

كان حلمي حلم كل بنت زوج يحبها و عيال

وتحقق هذا الحلم

ولكن مع الأسف كل يوم والثاني مشكلة تافه بيننا واخشى ان أقول لوالدي ويقولان هذا اختيارك لا دخل لنا

واللي يصبرني ان يجي يعتذر لي و أهله واقفين بصفي

ولكن اليوم أمي شيشتني و قالت أي مبلغ يعطيك زوجك اخذيهم

كل ما تروحين معاه طلبي من ذهب و سفرات و أغراض

وتقارني مع اختي و زوجها

واقعد انا بالواتس المح لزوجي عن هدية

لما عَصّب و قال إنتي كل ما تقعدين مع اهلج تييبين كلام

وعقب تزعلين

أمي الله يهداها خلتني ما اثق بنفسي و أفكر ان الريال ممكن يدور على وحدة ثانيه غيري

هوا صج قصر معاي لا هديه عيد زواج اول سنة لنا ولا هديه ولادة لا آهوا ولا أهله

حتى وانا في فترة الأربعين أمي سئمت مني قائله انا محكورة بسببك لو اعلم متى ستكون ولادتك لسافرت

حتى السفر لا تريد السفر مع زوجي وكلما طلبت شي تقول لي اطلبي من زوجك ليس مني

ولكن ماني عارفه الحين شنو اسوي