الم بعد ستة ايام من ابرة التفجير ...طمنوووووني الله يسعدكم 😭

[رحيل بعالم النسيان]

انا مثلك اخذتها يوم السبت الماضي وتم ليه اسبوع وباقي اسبوع الله يروحه على خير
لكن ماحسيت بالم ابدا الله يستر بس

[shwasha]

اجل لاتنسي تطمنينا هنا
وانا كمان الاحد الجاي بعمل التحليل ويارب اطلع انا وياكي حوامل

[مـثـل الـقـمـر]

كيف طريقتها بنات الابر التفجيريه ابغى اجربها

الله يرزقك الحمل السليم يارب وتجي تطمنينا وتبشرينا يارب

وربي يرزق كل منتظره يالله ياكريم

[shwasha]

هي ابره تأخذ في العضل والدكتورة تحدد لك قوتها وماتحسي بالم الحمد لله
يوم تكون البويضه ناضجه قابله للتفجير تاخذيها يعني مقاسها يكون 19 او 18 ع حسب مايطلع
لك بالسونار
وبعد ماتاخذيها تحدد لك الدكتورة ايام الجماع انا اخذتها السبت اللي راح قالت لي الجماع الاحد واثنين وثلاثاء وباقي الايام مو مهمه
واذا كانت قوتها 5000 تحليل تحليل الحمل بعد 12 يوم
واذا 10000 تحليل بعد 14 او 16 يوم
وان شاء الله اكون فهمتك بشكل مبسط


وادعيلي ياارب اكون حاامل وكل محرومه يارب

[ايليف]

ثاني يوم من استخدامها ومااحس بااعراض طبيعي كذا ؟ ومتى قالت لك الدكتوره يصير الجماع انا قالت لي بعد36 كثير مو ؟الله يرزقنا ان شاء الله

[رحيل بعالم النسيان]

والله انا قالت ليه الدكتور قد ماتقدرو يكون جماع اهم شي 4ايام الاولى بعد الابره
والله يكتب لنا الخير يارب

[shwasha]

انا قالت لي يوم الاحد والاثنين والثلاثاء
بس انا بعد الابره بثلاثة ساعات بدات الجماع

[shwasha]

دوبي عملت تحليل منزلي وانا اليوم ثامن يوم لي من اخذت الابره
وطلع لي خط واضح والثاني خفيف

والله ياابنات مو قادره اصبر احس هالاسبوع صاير بطيء

يارب هدي لي بالي ويريحني وارزقني الحمل المعافى ويرزق كل محرومه

[حياتي توأمي]

ابشري خير حبيبتي

انا لما حملت بعد ابره التفجير ابتديت اعمل تحليل من اليوم السابع ههههههه
فضووول

وكان يطلعلي ايجابي يوم سابع وثامن وتاسع وعاشر لحد يوم ١٣ عههههههه
يوم ١٤ سويت تحليل هرموني للتأكد الحمد لله طلعت حامل

عقبالك يارب

[shwasha]

ياشيخه الله يبشرك بالخيررر وربي فضول مو طبيعي ماسكني هههههههههه
بس كان يطلعك خطين واضحه ولا

ياارب ارزقني الحمل المعافى يارب وكل محرومه