أمانه الي عندها خبرة ترد

[Rihem]

حبيبتي هي مومشكلة سن تحديدا
بس امي كانت ع طول بتقولي انو لما اشوفها متاهبة بنفسها للحمام ابدا اعلمها
ومن اهم المؤشرات اللى تدلك انها متهياة هي ان الطفل يبدا بمحاولة نزع ملابسه السفلية
ومن الهام جداا انك تختاري وقت مناسب عشان تعوديها على الحمام
يعني ماتكون تعاني من اظطرابات هضمية مثلا امساك او اسهاال
وابداي معاها اولا بالقصرية وزينيها برسوم حلوة تعجبها
متل هيك


وفي قصرية من نوع تاني هي المتنقلة ويفضل استعاملها
متل هي

لان ممكن تحطيها باي مكان بالبيت علشان تكون امام نظر البنت
وممكن تقرايلها قصص عن ابطال صاروا متعودين ييروحوا الحمام وهيك اشياء...
بسس ماترغميها انها تقعد كتير ع القصرية حتى ماتكرهها
وممكن اذا حسيتي انها بدات تتعود شوي انزعيلها الحفاظ واشتريلها تبان يكون مزين علشان تحبه
بس يكون من السااهل نزعه او لبسه

وبالنسبة للنوم
بالايام الاولى حطيلها البامبرز لما تنام
ولما تتعود شوي انزعيلها البامبرز ووديها مرتين بالليل للحمام اثناء النوم
ولاتنسي تحطي مفرش بلاستيكي على السرير متل هاد مثلا
عشان مايتوسخ السرير اذا حصل تبول لا ارادي


وبس هيك ان شاء الله اكون افدتك
وسوري على الاطالة
والله يعينك ويخليلك بنوتك

[ام ديالأ]

حلو مبادرتك بتعيليمها ولاكن في الليل لبسيها بامبرز عشان مايصير عندها عقده من ضغط التعليم

[um toto]

الله يجزيكم الخير يارب ....ويجعله بميزان حسناتكم