بكرية ونفاس انقذوني.. اسئلة عن رضاعة المولود..الم الظهر..ودم النفاس

[ثريــآ]

السلام عليكم

خواتي انا والدة تقريبا من 24 يوم
وهذي اول ولادة ليا يعني بكرية
في شغلات حابه استفسر عنها وياليت اللي خبرة تفيدني

1_ عندي مشكلة في حوضي والمنطقة السفلى الرحم اسمع صوت طقطة عظامي لما اكون نايمة على السرير واتقلب هل هذا شيئ عادي ويروح بعد الاربعين ولا ؟وياليت تفيدوني لو في شيء يخفف او يبعد الشيء هذا عني ؟

2_ ولدي لما ارضعه (الله يحفظه ) مايشبع مني يعني لو قعدت ارضعه ساعتين وابعده يبكي اقول يمكن ماينزل مني حليب واسوي له رضعه صناعيه بس لما اضغط على الحلمه اشوف قطرات تطلع يعني في حليب بس ما ادري ايش المشكلة ! ياليت اللي عندها حل تنقذني ؟

3_ دم النفاس (الله يكرمكم ) احسه خفيف ومتقطع يعني يمكن ماينزل لساعات طويلة ولو نزل ينزل شوي يعني مافي فرق عن دورتي العادية ماغير اول الايام كان ينزل الدم باستمرار واللحين عادي متقطع وخفيف هل هذا طبيعي ولا في مشكلة ؟؟

4_ ظهري لما ادنق عشان اغير لابني يالمني كثير ايش اسوي ولاهوا وقت النفاس وبعدها يروح ؟؟

5_ ابغى حل لمشكلة تشققات البطن مره مضايقتني ابغى حل اكيد ؟ وكمان اسمرار البطن بعد الولاده والمنطقة الحساسه لان بعد الولادة صايره غامقه ومضايقتني كثيييير؟

بنسبة لنظام نفاسي يابنات عشان تعرفون اللي اسوية ( الله يحفظني ويسهل لي امري ) انا كان عندي سكر الحمل جاني في الثلث الاخير من الحمل والحمدالله ما استخدم انسولين بس متحكمه فيه بالدايت فـ نظام اكلي زي الرجيم يعني خبز بر + جبنه قليل الدسم + لبن قليل الدسم + لبنه و زبادي قليلة الدسم + عصيدة بس بطحين بر + شوربة مديده (كويكر بالحلبة المحمصه )+ قشر القهوه + بذر الكتان + تمر بعض الاحيان + فواكة .

هذا اللي اكله واللي اشربه واخاف اغير ويرتفع السكر انا كل خوفي عشان مايثبت السكر عندي عشان كذا اكل كذا وعلى خفيف

ياليت تفيدوني ياخواتي ياللي عندها نصيحه او شيئ مفيد او اللي حاله زيي

والله يجزاكم الجنه يارب

تحياتي