التحليل طلع خط واحد و الدورة متاخرة

[قـمري]

السلام عليكم


كيفكم ياحلوات

حابة اسالكم
انا اتاخرت عليا الدورة 5 ايام واس بكتمة بالليل قبل لاانام واحيانا في الصباح واحيانا على المغرب يعني في اوقات متفرقه احس اني ماقدر اتنفس ويصير نفسي صعب
واحس بطني تقيلة ومشدودة وتعورني وظهري احيانا يعورني من الجلسة ورجلي ماتشيلني كتير احس بتعبت ادا طلعت درج وباستفراغ قليل وسويت اول يوم اتاخرت فيه الدورة التحليل وطلع مافي شيء خط واحد دحين البنات يقولون لي هيا ماتبان الا بعد يومين او 5 ايام او 10 ايام او اسبوعين يعني يختلف
هل اعيد التحليل المنزلي ولا ايش اسوي
انا قلت لزوجي ان الدورة جاتني وهو على باله منجد جات وماابغى اقوله الدورة اتاخرت وبعدين يطلع منجد مافي شيء وهو يقعد يتامل مو حلوة الحركة لاني شفته كدا مرة لما يطلع مافي حمل والدورة تجي (( انا دورتي منتظمة )) بس دي المرة اتاخرت 5 ايام
وخايفه اعمل التحليل
قولوا لي ايش اسوي