تجمع حوامل المدينة المنورة

[ام ليونة]

هلا بنات ابشركم ولدت والحمد الله يوم لالاتنين وجيبت بنوته عندالدكتورة غاده في الموساه بس من جد خدمه مو كويسه تعبت مررررررررررررة انا كنت ابغى الدكتورة منال بس قالو مو موجودة الحمدالله ربنا سهلها وعدت على خير بس بسالكم انا ما سوتلي خياطه ولا شقتني ولمن سالت الدكتورة قالت افضل انو ما في خياطه وقالت هيا عضلات الرحم تشد نفسها وتنشد انا بس بسال في وحده كده سار معاها انا خايفه ما يرجع الرحم زي ما كان ويفضل واسع او ينشد بس يكون في توسعه مو زي اول ضيق امانه اللي تعرف تطمني انا مستغربه مرة انها ما شقت ولا سوت خياطه

[دلع]

ام راكان
الحمدلله على السلامه تتربى بعزكم والله يصلحها لكم....

رغوده
فين الغيبه ياوحشه..ادخلي يلا واحكيلي عن المواساه تنصحيني اولد فيها ولا لا؟؟
اما عن المعاهد ماادري الافضل ايش هو بس اغلب الناس يسجلوا في الجزيره والعالميه والدورات اللي اعرفه انواع الحاسب يعني برمجه كمبيوتر وادخال معلومات انواع كثيره انتي روحي بنفسك وشوفي كمان فيه انجليزي اهم شي تتأكدي انها معتمده وتقدري تستفيدي منها في التوظيف وربي يوفقك...

يلا استناك تحكيلي عن المستشفى وتعطيني سلبياته وايجابياته.......

[دلع]

ام ليونه
الحمدلله على السلامه ..بس من جد خوفتيني ليه المستشفى سيء ياربي تنصحيني اغيره بس فين اروح احنا ماعندنا مستشفيات زينه..من جد احترت..
بالنسبه للخياطه ليش ماعملت لك توسعه تبغى تموتك كيف يطلع البيبي اكيد بصعوبه انا انصحك تعمليها مادمتي لسى نفاس لان العضلات صح تشد بس مو مره راح تكوني متوسعه كأنك مخلفه ثلاثه او اربعه بدون خياطه...
ياربي اخاف اولد وماتخيطني ..بعدين انا سمعت ان منال وايمان هم اللي ماسكين التوليد والباقيين بس فـ العيادات...

[الاموره رغد]

هلا دلع ولا يهم ياقلبي راح احكيلك عن المواساه بس اول خليني اروح اتابع باب الحاره وبعدين اروح السوق وراجعتلك بااااااااااي حبيبتي

[دلع]

رغوده انا بانتظارك لاني دحين في االاسبوع الثاني من التاسع وناس تمدح المستشفى وناس تسبه ..انا استخرت ومحتاره لو غيرته فين اروح؟؟

[الاموره رغد]

مرحبا دلع الله يسهلك حبيبتي انا بصراحه ارشحلك المواساه لان الحمدالله ربي سهل ولادتي فيه انا كنت اراجع عند ماجده موسى والي ولدتني دكتوره هاله وكانت ولدتي سهله بعدالله على ايدها هي بالبدايه خوفتني قالت احتمال عمليه لان المشيمه سابقه الطفل ونبضه صاير ضعيف وقالت لو ماولدتي خلال 10 دقايق راح تنزلين عمليات وربي سهلها وولدت طبيعي بس كانت حبوبه والممرضات كانو حبوبات مررره بس الي قهرني وقتها جاتني طلقه قويه وادور ممرضه وحده مالقيت بس بعد ماصرخة عليهن تجمعن عندي ولا راحن الا بعد الولاده والخياطه وخياطتها مرررره ممتازه وروعه وعلى فكره خدمتهم ممتازه والحضانه بعد ممتازه بس عيببها التكييف مر بارد على الاطفال بس يبغالهم احد ينبهم على التكييف وعلى لما انادي على الممرضه ثواني وتكون عندي وغرفهم نظيفه وحليوه يعني لو اولد مره ثانيه راح اولد بالمواساه وعلى فكره الدكتوره من بداية الولاده وهي تدعيي معاي وتقرا قران وغير كذا اعطتني بنج من طلع البيبي ونومتني على طول انا بالبدايه طلبتها بنج مع خروج الراس ورفضت قالت نحتاج مجهودك عشان يطلع البيبي وعدت على خيررررررررر اممممممممممممممم وش باقي تبين يادلوعه امري اي استفسار انا حاضره000000

[الاموره رغد]

ام ليونه كم طفل جايبه لو اكثر من اربعه اتوقع طبيعي مايخيطونك لان اكثر الي مخلفات اكثر من اربعه صار معاهن نفس الشي يعني ماخيطوهن

[أم الجودي]

دلع.. بالعكس مرة أبغى منال ولدت عندها قبل كدا وكانت اروع من رائعة وتسمي عليا طول الوقت ... بس الناس بيقولوا المستشفى وضعه اختلف وخدماتهم سيئة ومافي اي اهتمام ...خوفوني..

أم ليونه ... ألف الحمد لله على سلامتك.. مرة غريبة ماخيطتك أنا ولدت في المواساة مرتين وفي المرتين شقوني وخيطوني!!!
بس ترى عادي لاتشيلي هم يمكن راس طفلتك مرة مرة صغير وماكان يحتاجلك شق وخياطة .. أختي ولدت قبل سنة وماخيطوها ورجعت زي أول بالضبط تقول ارتاحت من هم الخياطة..


الأمورة رغد.. الله يبشرك بالخير ريحتيلي قلبي كنت شايلة فين أولد ....
الله يخفف علينا كلنا ..ويقومنا بالسلامة ....

[الاموره رغد]

هلا فيك ام الجودي الله يقومك بالسلامه انتي كم باقيلك الحين وتولدي

[أم الجودي]

أوووووووووووه لسه مشواري طويل .......

أنا في أول الثالث...