دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

هلا ساره

زين انج استانستي هالعيد

تقدرين تاكلين حلويات بس المهم ما تكون الكميه كبيره :)

[عذب الجوارح]

السلاااام عليكم حبوبات اشحالكم خلص العيد وخلصت الإجازة وعدت لكم من جديد
إجازتنا كانت قمة في الروعة والهدووووووء النفسي العجيييييب وراحة أعصاب ووناسة وكلللللللللل شي
اشحالج أقصوصة تصدقين وحشتييييييييني ووحشتني سوالفج خبريني شوسويتي شو الإجازة وياج؟؟^^

[اقصوصه]

هلا والله عذب الجوارح

والله وانتي بعد وحشتيني

الحمدللله انج ريحتي أعصابك شوي هذا اهم شي

انا عن نفسي اول يوم العيد رحت مسرحيه طارق العلي اللي كانت معروضه عندنا فبوظبي

والله وناسه استانست وايد بعد

وثاني يوم وديت العيال مطعم عشيتهم هناك

وثالث يوم ودينهم العاب

وأمس ريلي رد من الحج

وسلامتكم:)

[عذب الجوارح]

الله يحفظ لج ريلج وعيالج ان شاالله والعيد مايحلى إلا بين الأهل والعيال
أنا في أول التاسع أقصوصة والمستشفى قالولي في احتمال أربي نهاية هالأسبوع أدعولي #مع إني بعدني ما أبه أولد هالحين# كله بإيد الله متى من كتب له يكتمل ويطلع بوسي لي العيال وخااااصة حور فديتها :))

[اقصوصه]

الله يقومج بالسلامه يا رب عزيزتي

باستج العافيه :)

ان شا الله يوم تربين خبرينا وطمنينا عليج

عسى الله يسهلها عليج *_*

[الودود]

السلام عليكم ورحمة الله وبركاته

هلاا كروشاااات كيفكم ان شاء الله طيبيين ، حياكم الله وبايكم وعود محمود ان شاء الله .

[عذب الجوارح]

مساالخير والأنوار صراحة اليوم الجو بارد ولطيف طول اليوم ويقولون السنة ياينا الشتا على ثقييييل
اقصوصة حبيبتي أنا عندي ألم بأسفل الظهر بس يروح ويرد طبيعي ولا وبطني حيييل نازل على تحت والكل يقولي أخاف يكون كلام الدكتورة صحيح:((

[اقصوصه]

الودود هلا حبيبتي اخبارج
كيف كان العيد وياج
عساج استانستي فيه ؟
انا أبا اسير عالم فراري لأني ما سرت في العيد
انتي سرتيه؟

عذب الجوارح
هلا والله شوفي حاولي قد ما تقدرين تريحين عمرج وتجنبي الجماع نهائيا لين تربين عشان تتجنبين الولاده اول التاسع بس بنفس الوقت لازم تكونين مجهزه كل شي وماخذه كل احتياطاتج لان اي وقت ممكن تربين
والله يمكن الجو حلو انا ما اعرف لأني محكوره انا وبنتي في البيت ولين الحين بعدنا نشغل مكيفات
بس اليوم الصبح يوم العيال ساروا المدارس كان الجو مغيم
خساره الواحد يتم في البيت هالايام
بي شو نسوي مجبورين
انا انتظر بنتي تكمل 3 شهور عشان اقدر اطلعها وياي
وينفك اسري شوي هههههههه

[سمو الأميره]

هلا بالأميرات

ومتوجة الاميرات اقصوصة

ماشاء الله تابعة وبقوة

حمدللله ع سلامة ريلج وحج مبرور

انا ريلي رد اول البارحه

والعيد بس ويا هلي ماطلعت
لكن بعوضها ان شاء الله ف اجازة نص السنة

الله يتمم الحمل للجميع

لاتنسونا من الدعاء

[اقصوصه]

هلا والله اميره

الله يسلمج يا رب

والحمدلله ع سلامة ريلج بعد

والله حتى انا عيدت بروحي

بس الوناسه في العيد هي المسرحيه اللي حضرتها

والحين ان شا الله في الويكند ريلي بيطلع العيال

لاني ما طلعتهم وايد في العيد مساكين

وانتي ما بتسيرين عالم فراري؟؟