تجمع حوامل ليبيا

[عيون زوجي]

نستأدن روحي على قولة تمورة....
نمشي نوكل صغاري زبادي

[تمر حنة]

السلام عليكم ورحمة الله وبركاته

كيف حالكم "توا"

حبيبتي يا راجيـــــــــــــة اسأل الله العظيم رب العرش العظيم ان يشفيك ويفرج كربك ويرفعك عنك البلاء وينزل الشفاء هو ولي ذلك والقادر عليه
بس ياغاليه انا دخلت مدوناتك وماعرفتش انت تقصدي انك انتي صاحبة القصة الحقيقية لـ "ذكريات بطعم السرطان" ؟؟
بس سرطان الثدي مش صعب علاجه هلبة ناس تشافت منه بقدرة الله انت ارفعي ايديك واطلبي الله وهو ما يخيب عبده وهو اللي قال (وإذا سألك عبادي عني فإني قريب اجيب دعوة الداع إذا دعان فليستجيبوا لي وليؤمنوا بي لعلهم يرشدون) وهو سبحانه وتعالى اللي قال (أمن يجيب المضطر إذا دعاه ويكشف السوء) صدق الله العظيم
لكن ياريت تجاوبيني على سؤالي لو قعدة موجودة باش نتكلموا معاك يا غالية

[تمر حنة]

متفائلــــــــة الله يبارك فيك ويحقق امانيك حالي باهي والحمد لله وماليزيا تمام بالله ياريتنا زيهم تعرفي هالماليزيين عندهم نفسية مرتاحة واعصاب هادية لدرجة غريبة ديما سعداء ويضحكوا ومحتفلين مستحيل تشوفي ماليزي مضايق وإلا معصب تستغربي والله نحسد فيهم حتى صغارهم يفتحوا النفس تلقيهم يلعبوا ديما يضحكوا زي صغارنا احنا تلقيه ايعيط وايريش في امه ويسب في سيده هههههههه ماناقصه غير الدخان وهو عامين ماوصلهمش حالة والله
ام قصـــــــــــــي كيف اخبارك وكيف حال صغارك وراجلك ان شاء الله تمام
عيـــــــــون لا والله كساد ماليزيا احرف من كساد ليبيا الف مرة عالاقل في ليبيا تسمعي منبهات السيارات تسمعي تكشيخ في حوش الجيران وعياطات صغارهم تسمعي عراك صغار المدارس وهم مروحين ويتحادفوا بالرشاد ههههههههه لكن هنا ميته الحكاية

[المتفاااائلــــه]

المشاركة الأصلية كتبت بواسطة تمر حنة

متفائلــــــــة الله يبارك فيك ويحقق امانيك حالي باهي والحمد لله وماليزيا تمام بالله ياريتنا زيهم تعرفي هالماليزيين عندهم نفسية مرتاحة واعصاب هادية لدرجة غريبة ديما سعداء ويضحكوا ومحتفلين مستحيل تشوفي ماليزي مضايق وإلا معصب تستغربي والله نحسد فيهم حتى صغارهم يفتحوا النفس تلقيهم يلعبوا ديما يضحكوا زي صغارنا احنا تلقيه ايعيط وايريش في امه ويسب في سيده هههههههه ماناقصه غير الدخان وهو عامين ماوصلهمش حالة والله

هههه يعطيهالك ان شاء الله .. والله عطاهم ربي وعندك الحق قريب تحسديهم على وسعة البال اللي عندهم يالله ان شااء الله ربي يرزقنا بالصغار الهنيين الرضييين يااارب العالمين ... وصحيتي هلبة على الدعوة الحلوة .... ان شاااء الله ربي يسمع منكم كلكم يااارب ...

[ميراس]

سلام يابناويت كيف حالكم ام قصي باهي رضيت علينا وخشيتي وين كنتي مغطسة هي قولي ام وسونة غششتيني عليك من قالك مافيش حمل اول شي الدكتور قالك التحليل بعد 13 يوم وانت مازال ماكملتيش 10 ايام ونقطة الدم هادي مش دليل علي ان ماصارش من الحمل اصبري لين ايجي موعد التحليل واهم حاجة نفسيتك لو تاترت نفسيتك سلبيا هدا ياتر عليك لو بداية حمل خليها علي الله وانشالله ربي يبفرحك يارب بس انت اكتري من الدعاء والاستغفار تمورة عيب اللي تقولي فيه علي بنت عمي هادي اخرتها هادي اخرتها رقاصة ميمونة الف حمد لله علي سلامة اهللك بحبحي روحك ياحلوة نبوا حصتنا من كل شي وماتنسيش البقلاوة

[يقين]

السلام عليكم شخباركم جميعا ميمونه الللللللللللللللللللللللللللللف حمدلله علي سلامة اماليك وماترقديش عالسبحه والهركه نراجوا فيك
ميراس تو نوريك ماتنشديش عليا بكل

[يقين]

تموره بارك الله فيك عالدعوه والنشده ربي يرزقك باللي تتمنيه عاجلا لا اجلا ياااااااااااااااااااارب امين

[راجيه فرج ربها]

مشكورات حبيباتي على تعاطفكن امعاي

عيون ام قصي وتمر بارك الله فيكن بالنسبه للنت الشهر الي فات علق عندنا وانا من الجنوب طبعا صعب اشوي الامور عندنا لانه خلل كبير في الشبكه
العزيزه تمر فعلا انا صاحبة القصه والمدونه لي

دعواتكن لي بخوي لوليدي ولكل متمنيه ربي يرزقها على قد رجائها
بنقوللكن على سر بمفعول السحر في كل رجاء وطبعا عن تجربه وموش لاي حد نقوله للغالين لكن اول شي تبطلي ياصاحبة الرجاء الغيبه وثشرحي صدرك لكل الناس حتى المسي لك وتبلشي في كل عصر جمعه تجمعي الصغار وتدعي وتبكي او تباكي اقفلي الغرفه عليكم كان متحشمه من الاخرين وتعليقاتهم وتصدقي وقبل ماتعطيها تمني الي في خاطرك وعيدي مريض وقبل ماتمشي لهاسبقي النيه والدعاء بالفرج داومي على هالاعمال ولو شهرين وتو اتشوفي العجب العجاب لكن اهم شي ابتعدي عن الرياء ماتخلي حد يعلم بيك حتى راجلك كان تقدري وكلامي موش كلام منتديات ولكن عن تجربه حقيقيه وربي يقدرلكن الخير يارب واي استفسار انا جاهزه

[المتفاااائلــــه]

المشاركة الأصلية كتبت بواسطة راجيه فرج ربها

مشكورات حبيباتي على تعاطفكن امعاي

عيون ام قصي وتمر بارك الله فيكن بالنسبه للنت الشهر الي فات علق عندنا وانا من الجنوب طبعا صعب اشوي الامور عندنا لانه خلل كبير في الشبكه
العزيزه تمر فعلا انا صاحبة القصه والمدونه لي

دعواتكن لي بخوي لوليدي ولكل متمنيه ربي يرزقها على قد رجائها
بنقوللكن على سر بمفعول السحر في كل رجاء وطبعا عن تجربه وموش لاي حد نقوله للغالين لكن اول شي تبطلي ياصاحبة الرجاء الغيبه وثشرحي صدرك لكل الناس حتى المسي لك وتبلشي في كل عصر جمعه تجمعي الصغار وتدعي وتبكي او تباكي اقفلي الغرفه عليكم كان متحشمه من الاخرين وتعليقاتهم وتصدقي وقبل ماتعطيها تمني الي في خاطرك وعيدي مريض وقبل ماتمشي لهاسبقي النيه والدعاء بالفرج داومي على هالاعمال ولو شهرين وتو اتشوفي العجب العجاب لكن اهم شي ابتعدي عن الرياء ماتخلي حد يعلم بيك حتى راجلك كان تقدري وكلامي موش كلام منتديات ولكن عن تجربه حقيقيه وربي يقدرلكن الخير يارب واي استفسار انا جاهزه

ان شااء الله ربي يشفيك ويعافيك ياااارب ويصب الخير كله عليييك يااارب العالمين ... وربي يرزقك بوخي ووخية لوليدك وربي يجبر بخاطرك ويققلك اللي في باالك كله يااارب ويعطيك من وااسع فضله وخيره ...

[يقين]

متفائله كيف حالك اليوم وحال بعلك ان شالله تمام شني اليوم مسترحه لا تنفيض لا شي حقه شني الجو عندكم صقع ولا دفى احني اهني القاهره سفنقري واليوم مطرررررررر والجو فضيع هي تعالي متفائله ندهور ني وياك شن رايك