تجمع حوامل ليبيا

[عيون زوجي]

ميراس شكلها روحت ليبيا هي قالت من مدة انها راجعه بعد ايام واكيد وصلت على خيرررررررر
وحايسه في تنظيف الحوش وبتطمن على اماليها واهلها في بني وليد
وهي تقريبا ساكنة في عمارات السراج والا انجيلا مش متاكده في طرابلس

[عيون زوجي]

خاطري اندير حاجة حلوة في هالعشية وماعنديش دحي(بيض) شنو هناك حاجة بلا دحي زعمه

[عيون زوجي]

يقين انتي طيبي قهيوة عربيه بلا سكر صادا وانا ندبر اندير حاجة حلوة ونتلاقوا نشربوها مع بعض القرمه لناس معينه امثال ام وسونه وتمورة

[يقين]

الله سعدودها غير امتي بس حتي اني نرووووووووووووووووووووح

[يقين]

عيون ماعنديش قهوه عليك حشمه تشربي كاكاو

[يقين]

عيون نعطيك حلو بلا دحي شن رايك وان شالله يعجبك

[عيون زوجي]

نشرب كاكاو ولا سحلب ولا حتى اميه المهم منك
هيا وينه الحلو يلي بلا دحي

[يقين]

عيون الحلو هادا مش ليبي هادا يا حنه مصر وعلمتهولي جارتي ولما درته لراجلي قالي انت المفروض يسحبوا منك الجنسيه الليبيه ههههههه ماهو بيني وبينك ما عجباش غير راك اتقوليها لحد بس
المهم انجوا لحلونا الرهيب هههههه اللي حيكسر المطابخ
جيبي طنجره مقلس 2 بوصه جديده اهيا المهم تحطيها عالنار وتحطي فيه ملعقتين كبار زبده او سمن ودوبيهم بعدين تجيبي اربع ملاعق دقيق تحطيهم عالزبده وتحمريهم لين يولي الدقيق لونه بني غامق وبعدها تجيبي ميه و6 ملاعق سكر وادوبيهم في الميه وتصوبيهم عالدقيق والزبده وتحركي بسرعه تلاقيه لف معاك زي العجينه تجيبي المكسرات وتخلطيهم معاه وتحطيه في صونيه صغيره وتحطي عليه مكسرات وجوز هند وسكر دري منضره زي العصيده ان شالله تكوني فهمتيني

[يقين]

اهيا صورته واسمه سد الحنك وشكليه زي ماتبي

[عيون زوجي]

شكلها حلوة هما يديروا فيها في الاعياد والمولد متاعهم صح
مرة حكتلي عليها وحدة ليبيه امها مصريه وشكرتهالي هلبه