احلى عراقيات حوامل ...... تفضلوا

[نورس دجلة]

حبى ماكو داعي لان انتي بمرحله متقدمة ما يحتاج تشربين مي او العكس توكلي على الله وطمنينه

[نورس دجلة]

ووينكم صباح الخيررررررررررر

[*شفق*]

هلو بنات شلونكم جميعا وحدة وحدة ان شاء الله تكونون بخير شنو هالاخبار الحلوة مبروووووووووك الف الف مبروك مناوي ع التعيين تستاهلين حبي
وشلون وقت بعد شتردين صدك بس باشري سوي اجازة وضع تصيرلج الف مبروك حبي
علا قلب ممبروك حبيبتي الترفيع
يوم الية يارب ههههههههه بعد 3سنوات
اهلا وسهلا حبي ام ليث منورة يوم الج وتتعينين يارب
اني شفق 25سنة .عندي بنية وولد ومدرسة رياضيات صارلي سنة
حنونة قلب لازم المثانة مليانة هذا الي اعرفة لان بجهالي ثنينهم الدكتورة تطلب مني هالشي من توصلين للرابع بعد ميحتاج
علا صدك ضحكتيني بس مو تزعلين هااااا
من كلتي عالعملية الكبس طريقة جديدة
بتي عمرها خمسة وعمليتي بيها كبس
وقبلي وقبلي اقاربنة مسوياتها كبس
يلة معذورة الظاهر مامنتشرة عدكم القيصرية كلة طبيعي
يوم اللج سار بر وتجيبين توم طبيعي يارب
احنة اقاربنة ماشاء الله كلهم عمليات ولله الحمد

[redrose82]

هلو بنات شلونكم. .... شفوقة طبعا ماعرف اخر وحدة جابت عملية خالتي ابنها بالثالث ابتدائي ههههههه
الحبايب كلة طبيعي الحمد لله لان خالتي دكتورة ولادة فتحاول وياهم بالطبيعي. ..بس الي ماتتحمل عملية. ..
انشاء الله نفرح بيوم نقلج يم البيت. ..

[& زهرة حياتي &]

شونكم بنااات ان شاء الله الكل بخير وعافيه وصحه وسلامة
الله يرزق الجميه بما يتمناه امييين

[redrose82]

هلو روى شلونج. ..شنو اخبارج انتي والنونو. ..مشتاااااقون

[redrose82]

اكيد دوام وحمل تعب عليج. ..الله يسهل عليج انتي ورقاوي. ..حلوة المسابقة مالتكم. ...خلي اشوفلي عمل فني اشارك بية..

[& زهرة حياتي &]

هلو علاية شونج حبي الله يرزقك يارب وتفرحينا

اني تعبانه والله من الدوام جوامي مشي وديصير عندي وجع وبطني نازله ان شاء الله اكمل الشهر على الخير يارب

النونو ان شاء الله يكون بخير

اي والله ادعو الرقاوي تعبانه من الدوام ومديقبلون يطوها اجازة ادعولها الله يثبت حملها

اييييي شاركوووووناااااا نتشرف بالمواهب العراقيه

[& زهرة حياتي &]

دوامي = جوامي هههههههههه عادي جوووعانه

[redrose82]

خطية الله يساعدكم ويسهل عليكم الحمل ويحنن قلوب المدراء على الحوامل......انتي هسة بالثامن والطفل ينزل من المشي والحركة حتى اختي من تركض ورى اطفالها نزل الطفل من السابع وهسة الحمد لله دخلت بالتاسع صار اسبوع. ...بس رقاوي خطية لازم ترتاح لان بعدها بنص الحمل الله يسهل عليها. ...