دردشة حوامل مملكة المغرب - تجمع بنات المغرب

[fatizora]

سلام عليكم خواتاتي ايماء نسنوسة ام مرام سمراء ام عبودي ام ع الرحمن الحلمة بطفلها نفسي اكون ام
وبمرحبا بجميع اخواتي الجدد في التجمع
ام هبة وجنة لهلا يخطيك احبيبة على اجوبتك و سعة خاطرك معايا واخا عارفة راك مشغولة مع الكتكوتة الله يخلي ليك بناتك وتفرحي بيهم
بنات الله يسهل على كل حامل ويفرح كل من باغة تحمل باذنه تعالى

[روح لايمسها عابر]

المشاركة الأصلية كتبت بواسطة أم هبة

عليكي السلام

الله يكمل حملك على خير و على الجميع

عرفينا بنفسك أختي؟ هذا أول حمل ليك أو عندك شي وليدات؟

اهلا ام هبه
اللهم امين

حملي الاول جهضت في شهر تاني

وهدا حملي تاني الله يثبتو ياربي

لا باقي ماعنديش وليدات الله يرزقنا هاد نعمه ياربي

ولي صعيب كثر تكوني بوحدك في الغربه ما حداكش امك لي تفهمك

[أم هبة]

المشاركة الأصلية كتبت بواسطة روح لايمسها عابر

اهلا ام هبه
اللهم امين

حملي الاول جهضت في شهر تاني

وهدا حملي تاني الله يثبتو ياربي

لا باقي ماعنديش وليدات الله يرزقنا هاد نعمه ياربي

ولي صعيب كثر تكوني بوحدك في الغربه ما حداكش امك لي تفهمك

الله يثبت حملك و يرزقك الطفل السليم المعافى

صحيح أحبيبة ضروري تحتاجي الوالدة معاك, أنا دايما تنجيبها فاش كنقرب نولد لأني مستحيل ندبر أموري بلا بيها, الله يسمح لينا من الوالدين, دابا هي الي معاوناني فبناتي الله يحفظهم.

فين مغتربة؟

[مدام نسنس]

السلام عليكم سمحولي هاد اليوماين ما كونتشي فالدار..تواحشتكوم كيف نتوما كنتمنى تكونوا بخير ...اهلا بالاخوات الجدد مرحبا بيكم معانا

[ام عبودي وسيفو]

السلام عليكم , آش اخباركم كاملات, شفت التجمع ناعس مالكم , يالله بدا الصهد باقي ما يغلبكم
واحد اختنا سمراء شفتها غبرت ان شاء الله راها بخير

اختي ايماء البارح حتى ربي كتب نمشيوا للعطار و سولناه على عشبة المدينة و هو يقول لراجلي راه الى اخذتها المراة و هي حاملة راه يطيح ليها , و راه كياخذها على ود الحمل و انا على اساس نصورها و نحط ليك صورتها بالاول , و لكن ملي قال لينا هكذا , قلنا اكيد هي هذه و المهم ملي طلبنها قال لنا ما عنديش اذا بغيتوها رجعوا عندي نكون وجدتها ليكم , فان شاء نعاودو نرجعوا ليه , على كل انتي اكتبي ليا عنوانك بالتفصيل على الخاص مع رقم جوالك و يكون خير ان شاء الله

[aymae]

المشاركة الأصلية كتبت بواسطة ام عبودي وسيفو

السلام عليكم , آش اخباركم كاملات, شفت التجمع ناعس مالكم , يالله بدا الصهد باقي ما يغلبكم
واحد اختنا سمراء شفتها غبرت ان شاء الله راها بخير

اختي ايماء البارح حتى ربي كتب نمشيوا للعطار و سولناه على عشبة المدينة و هو يقول لراجلي راه الى اخذتها المراة و هي حاملة راه يطيح ليها , و راه كياخذها على ود الحمل و انا على اساس نصورها و نحط ليك صورتها بالاول , و لكن ملي قال لينا هكذا , قلنا اكيد هي هذه و المهم ملي طلبنها قال لنا ما عنديش اذا بغيتوها رجعوا عندي نكون وجدتها ليكم , فان شاء نعاودو نرجعوا ليه , على كل انتي اكتبي ليا عنوانك بالتفصيل على الخاص مع رقم جوالك و يكون خير ان شاء الله

سلام احبيبة اشكرا بزاف رابي يخليك ويفك وحايلك على خير ويجعله الله في مزان حسناتك اني بعتلك على الخاص شكرا تحياتي

[أم هبة]

سمراااااااااااااااااااااء فين غبرتي؟

توحشناك

إن شاء الله يكون المانع خير

[عاشقة الأمل]

مساكم طيب البنات كيف أحوالكم لباس؟
كاين شي موضوع نحكيو فيه ولا والوووو ؟ شكون يقترح شي حاجة؟

[أم هبة]

السلام علي كل الأخوات

نتمنى تكونو كلكم بخير

مدام نسنس بديتي تقالي يمكن؟ الله يفكك على خير

أختي فاطمة الزهراء العفو أحبيبة , داكشي علاش حنا هنا باش نسولوا بعضنا, أي سؤال أنا موجودة, نتمنى نقدر نفيدك

[مدام نسنس]

شو اخباركم...انا نفسيتي تعبانة عندي مشكلة بالحمل..وعاد عملت التحاليل وغدا ماشة عند الطبيبة...الله يستر باراح كونت عند الطبيبة وقالتلي بلي عندك شي مكروب....وطلبت مني نعمل التحليل اليومة وغدا نجيبولها حيت الامر كيطلب سرعة زادت خوفتني...حيت هاد المكروب كيضر بالجنين...الللللللله يحفظ كيسبب شي تشوه...والله انا مخلوعة بزاف..ملي حملت الحمدلله ما كانت عندي حتى مشكلة كولشي ساهل ودابة كولشي تبدل ادعيوا معاياااااا ما يضرشي الجنيييين يااارب