مساء الخير يا قماري شخباركم ماشاءالله أغيب عن التجمع وارجع أشوف التجمع زاد يازينكم كيف الحمل وياكم طبعاً يمكن بعضكم مايعرفني
إحساس حساس من جده وذا حملي الثاني
حملي الاول كان توأم اولاد ماشاءالله وعمرهم 5 سنوات وجبتهم قيصري لأني كنت احب الموالح ارتفع علي الضغط وصار لي تسمم بالحمل وولدت في الثامن
وحملي ذا ماشي مع اختي ام الزين بيني وبينها يوم الحين بنهاية الخامس الله يكون بالعون ويساعدنا ويتمم حملنا ع خير يارب ويسهل الولاده بصراحه اكذب ان قلت ماني خايفه من الولاده ادعي الله يسهلها علي وعليكم والحمدلله حملي ذا مختلف وقالت لي 50 ٪ بنت مو أكيد تقول يثبت بإذن الله في السادس الله كريم كل اللي يكتب الله رضا اللهم أسالك تمام الخلقه والاخلاق للجنين ويكون بلا زياده ولا نقصان وتجعل قدومه خير لي في ديني ودنياي وامور حياتي كلها ولكم أجمعين اللهم اااااااامين طمنونا عنكم وش جديدكم وعلى طاري تجهيزات الولاده بإذن الله ولادتي تكون في الفصل الثاني وقررت أولد في بيتي لان أولادي عندهم مدرسه وهي قريبه من بيتي وأهلي بيتهم بعيد عني وأحاول اوفر المهم اللي جهزتها تقريباً مو كلها ملابس البيبي اخترتها كلها ابيض ارواب وبربتوزات كامله وطواقي وبجامات وطواقي وماكثرت كثير من كل نوع 2 فقط وداخلي بكم وبدون كم ومريله أخذت تقريباً 6 وكوافل قطن خفيفه 4 وثقيل 2 وبطانيه وشرشف مكلف للخرجات هاذي اللي أخذتها وبحثت عن أطقم النفاس شفتها مبالغ فيها من ناحية الشكل والسعر وماتهمني المبالغه قررت أخذ طقم سرير لون واحد مع كلف خفيفه واهم شي ألخامه تكون قطن بارد تدرون مو ناقصناا حكحكه وقلق نوم اكثر هههههههههههه وقلت باخذ ارواب لي واسعه وبازارير تكون برضو ناعمه وخفيفه وأخذ 2 مكلف شوي للضيوف مع اشارب نفس اللون وشبشب أكرمكم الله وحمالات للرضاعه وكلوتات بكثر منها خخخ ونفس هالاغراض باخذ جزء منها للمستشفى وأزيد عليها ادوات نظافه شخصيه مع فوط ومشط وشوي ميك اب لزوم الاناقه هههه ومرايه وروب استحمام وشباصه وشراب عدد 3 عشان تدفي رجولك ومرطب جسم ودهن عود خفيف افضل من العطور وبالنسبه لتجهيزات استقبال الضيوف للبيت والمستشفي تقريبا نفس الشي ديكور غرفة الام وافضل يكون قماش تل بسيط مع برواز فلين والروعه تكمن في البساطه وطقم تبسي المباشره للشاي والقهوه وصحون المباشره حالي ومالح وصحن شوكولاته وصحن تمر وحلو يكون ديكور الصحون ناعم بلاش المبالغه لأني بصراحه شفت أعراس بزياراتي للاقارب ما كنها تستقبل كائن ناعم يوحي بنعومة كل اللي حوله وحلو اذا انتي مبدعه تسوي هالشغالات بيدك يكون لها نكهه اخرى ولذة روعه ومنها تتحمسين وتشغلين وقت فراغك مع اخواتك أو حتي صديقاتك بتحسين بشعور جداً خيال وبأذن الله اسوي لكم صور وأتكلم معكم في الموضوع بشرح اكثر وترتيب اكثر عشان أفيد واستفيد وكل وحده تحكي لنا وش ناويه تسوي وبأذن الله ربي يفرح قلوبنا بشوفة البيبي ونفرح بيهم باحضاننا وينسينا كل تعب وعذاب الحمل ويخفف عنا الولاده ياااااااااارب واعذروني عالاطاله تدرون غائبه لي فتره طويله وجيت طلعت كل اللي بخاطري هههههههههههه تدرون انتهى تعب الوحام والحمدلله الوحده هالفتره تشعر براحه اكثر من قبل الله يريحنا دنيا واخراه وكل عام وانتم بخير حبيباتي وجعل الله السنه الجديده قدوم خير وبركه ونحن الا الله اقرب اللهم اااااامين *
11-10-2012, 02:29 PM
رد: تجمع بنوتات كروشات ••جمادي الاول 1434•••مارس 2013•••
جوري احمر 
جديد منتدى إستفسارات مرحلة الولادة
العرض العادي
