دردشة حوامل أهل الرياض - دردشة بنات الرياض - تجمع حوامل الرياض

$حبيبة زوجي سطومي$ · 11-30-2010, 05:20 PM

مشكوره بعد قلبي ام سلمى على المرور

ياحبيلك يازهوره ابد ابشري ان جربت دخلت وقلت تجربتي الله يهونها علي يارب
مثل مرت اخو زوجي حامل وهي شهرها بعدي بتولد قالت ان جربتي علميني قلت ايه صايره حقل تجارب هههههههههه
بس مايخالف انا يشرفني ويسعدني اني ادخل الفرح على غيري والله تستاهلين يازهوره انتي ماقصرتي معي بمشكلاتي
انا بعد اشوف تستخيرين وتفكرين يابدله اوالحمادي
بس شوفي بقوقل عن هالمستشفيين انا يوم كنت ابي اولد عندهم لفيت قوقل كله وارتحت من تجارب البنات اللي كاتبينها بس للاسف ماحصل لي واحد منهم لانه بعيد عن بيتي
والا مرت خالي مجربه 5عيال عند الحمادي بس اللي ولدتها سافرت بس اخر ولد لها ولدتها ايه السودانيه اللي قلت لك عنها بس نقلت لدله
تقول لي والله انها رجعتني بنت صح اول ماطلعت منهم يالله امشي بس يوم رجعت لزوجي تقول انه يقول وش انك مسويه وش حاطه ماكنك ولدتي 5عيال خخخخخخخخخ
الله يعين بس اكيد الرجال همه هالاشياء ياما كثير تطلقوا عشانها مخربينها ووسعوها لها

وامي بعد مجربه الحمادي مرتين بااختي الصغيره مالها الا 6سنين وقبلها اخواني تؤام عمرهم الحين 10 مدري11 بس اللي ولدت امي بعد سافرت
وترى مرت خالي وامي مجربين الولاده بالحمادي عند سوريات الا اخر واحد لمرت خالي جربت ايه السودانيه ومررررره تمدحها
وترى السوريات حبوبات انتي اقري عن فتاه نبعه السوريه اللي بالحمادي يمدحونها
الله يهون ويسهل علينا يارب جعل ولادتنا وطلقنا مثل شربت المويه والا خزت الابره الله كريم

زهــــور · 11-30-2010, 05:34 PM

ياقلبي والله صادقه بس الرجال ماهمهم الا هالشي

وخايفه وافكر بالشي هاذا يمكن اكثر من الولاده

لانه اللحين يقووول انتي حلوه كذا بس اخاف بعد

الولاده يقول العكس ههههه موسوسه البنت من اللحين ههههه

بس والله ماهبل فينا غيرهالرجال هههههه

الله يهوووون عليك وفديتك انا والله ان شاء الله بستخير

وانا افكر بالحمادي وحصلت مدح كثير له منك

ومن النت وان شاء الله خير

الله يتمم عليك ويقومك بالسلامه وتفرحينا قريبا

بقومتك بالسلامه وترجعين لزوجك احلى عروووووس

ولاتنسين بعد الاربعين ان شاء الله

حمام مغربي ..وصبغة الشعر ..والحناء .ووووو
مدري وش بقي ..

جنون بيبي · 11-30-2010, 08:27 PM

مرحبا كيفكم كروشات؟؟

انا جديده هنا...

لوووورا · 11-30-2010, 10:19 PM

الله يسهل عليك اختي زوجة سطومي وفرح قلبك يارب مايخلص الاسبوع هذا الا والطفل بحضنك سليم ومتعافي الله يهون عليك وتصيرين عروسه بعين زوجك يارب ويفرح قلبك واجعل طفلك من مواليد السعاده ويسهل عليك يالله راح الكثير مابقى الا القليل وكثري قرايت سوره مريم وامسحي على بطنك واشربي كف مريم يمدحونه لتسهيل الولاده واقري بالمويه اللي تشربينها سورة زلازله الله يسهل عليك يارب

همسه ود · 12-01-2010, 01:02 AM

اهلين حبيباتي اهلين بالاخوات الجديدات ان شاء الله نستفيد من بعضنا
زهور الورد لاتخافين من الخياطه لانها اذا ماكانت زينه عقب النفاس بشهرين سوي خياطه تجميليه وراح تشوفين ترى اغلب الى اعرفهم يولدون بمستشفيات خايسه ويروحون يخيطون بس عند طبيبه كويسه ويكون وفرو ع انفسهم شوي
حبيبه زوجها طمنينا عندك ادعي وقت الولاده اان الله يهدي زوجك ويحنن قلبه عليك وع البيبي ترى وقت الولاده الدعاء مستجاب وباب السماء مفتوح قدامك ادعي لحد ماتولدين بالسلامه والله يصلح لنا النيه والذريه ويهون ع الجميع

om salma · 12-01-2010, 12:44 PM

ياهلا بالجميع

فعلا همسة ود وقت الولادة الدعاء مستجاب الحمد لله

مادعيت بدعوة وانا بولد بنتى السلوم والا كان الله مجيبها لى

تذكرينا زوجة سطومى بالدعاءالله يسهل علينا الحمل والولادة

أم ليان 1000@ · 12-01-2010, 12:54 PM

مرحبا بنات كيف الحال اعذروني غبت عنكم بسب الدراسة والله تعبت متى أولد وأرتاح
يارب هون هالتعاب على كل حامل وأرزقه كل محرومة

لوووورا · 12-01-2010, 12:59 PM

ام ليااااااااااااااان الله يهون عليك ويسهل عليك يارب ويفرج همي وهمك وهم خواتي الحوامل وكل مسلم يالله هانت راح الكثير وبقى القليل انا كلماحسيت بالتعب قلت هانت راح الكثير وباقي القليل دعوواتك لي

$حبيبة زوجي سطومي$ · 12-01-2010, 04:17 PM

مشكوره ياعمري يازهوره الله يسهل علينا
من ناحية التجهيزات لاتوصين حريص من الحين مخططه ومجهزه وشريت كريم التبييض لان لوني قلب وحده سيلانيه هههههههههه وانا بيضاء
وشعري لفيت النت واخترت الصبغه بصبغ اشقر لان يطلع علي حلو اول ماتزوجت ماصبغت اشقر لان شعري كان مصبوغ بااسود الحين بيفق فمه رجلي مع الاشقر خخخخخخخخخ
والحناء اكيييييييد انا احب وامووووت بالنقش
الله يعين بس
الا بسئلكم بنات من جربت كريم بارنتر اللي بالفلفل الاحمر والزنجبيل الفرنسي حق ازاله الكرش ودي اشتريه بس خايفه مايجيب نتيجه لان زوجي هالكني ببطني قبل مااحمل وشلون ان ولدت

وماقصرتي ياروحي يالورا انشاءالله الله يهونها واولد هاليومين مو هالاسبوع معاد اتحمل ابي اشوفه مشتااقه له ويا وجهه ماوده يطلع شكل الجلسه عاجبته ههههههههه

تسلمين ياقلبي ياهموسه وحبيبتي ام سلمى انشاءالله مراح انسى الجميع بدعواتي وبخبركم ان ولدت اكيييييييييييد انتوا خوااااتي الثانيات والله احس كنكم معي ساكنين كل يوم ادخل الموقع زوجي يقول بتنعمي عيونك لو ماعندنا نت وش بتسوين بتنهبلين قلت لا عادي بعيش حياتي هههههههه

الله يهون عليك ياام ليان ويسهل ولادتنا وطلقنا ونشوف عيالنا بين احضانا قولي اميييييييين

جنون بيبي · 12-01-2010, 04:29 PM

ابسالكم ..
مين تعرف الدكتورة لمياء السيد في المستوصف العالمي بالعزيزيه؟؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري