دردشة بنات المدينه المنوره - تجمع حوامل بنات المدينه

[العميدة]

السلام عليكم

كيفكم كروشات الله يسهلكم ولادتكم ويسر لكم اموركم
في وحدة في تجمع حوامل المدينه في عالم حواء كتبت


(((انا ببكري ولدت نص التاسع
كنت اكل كل يوم اناناس طازج وامشي
برضو الجماع يومياً حتى لو مانفسك فيه
واشرب شاي زنجبيل طازج
وربنا يسهلك ويقومك بالسلامه)))

[moon-flower]

صباااااحكم سكر كروشااات

[moon-flower]

كيف شاي بالزنجبيل
انابشرب حليب ماينفع

[ام عبدالرحيم]

صباح الخير بنات شخباركم

[Mish]

صبآح الخير كروشآت ..

[ملكة المشاعر]

صباح الخيرات وليرات.. قلبت سوريه على غفله..

[عروسه]

السلام عليكم

كيفكم
تسلمو يابنات الله يسعدكم ويسهل عليكم يارب
أنا راجعه اليوم من عند الدكتورة محطمه
أدعولي تكفون دموعي ماجفت لي يومين ما أنام بسبب الحكة والهرش
روحت غيرت الدكتورة قلت أشوف واتطمن
تخيلو طلع عندي السكر مرتفع والدكتورة مرررررررررة خوفتني عشان في حالة قبلي جنينها ميت ببطنها وهي عندها سكر
الحمدلله قاست لي النبض وقالت نبضه كويس بس قالت لازم اسبوعيا تشيكي على الجنين وتعمليله تخطيط
وخاصمتني على ارتفاع السكر تقول ماينفع تجلسي بالبيت خلاص
لازم تروحي مستشفى الولادة أو أحد ينوموكي واحتمال كبير يعطوكي طلق صناعي ويولدوكي لأن السكر ممكن يقتل الجنين خاصة بالتاسع
وأنا مرة خايفه تقول لازم من الصبح تروحي وشوفوني الى الان مانمت قلت لزوجي ماني رايحه
أنا حتى أكل ما أكلت مالي نفس خايفه وبس أبكي
وامي تقول لاتسمعي كلام الدكاتره كثير معاهم السكر وولدو طبيعي وسكرك 202 مو عالي مرة
بس الدكتورة تقول مرة عالي على وحده حامل والله مدري اش اسوي
خايفه ومتردده انا لسه بالثامن وكل اللي راجعت عندهم قالولي اني الان بالاسبوع 34 دوبي دخلته
بس هذي تقول اني ب35 والاسبوع الجاي اصير بالتاسع انا حتى مدري اذا عندها سالفة ولا لا
بس الحرمة اللي قلتلكم جنينها ميت انا جلست معاها وسألتها كانت دوبها جاييه من الولادة تقول قالو الجنين ميت ولازم تخليه ببطنك شهرين ؟؟؟؟؟؟؟؟؟؟؟؟ظظ
متخافين قالت خفت يجيني تسمم حمل وهذي الدكتورة كتبت لها تنويم وقالت الصباح اعملك تنظيف ضروري
والله شيء يخوف مدري مين المستشفى الصاحيه فيهم

[ملكة المشاعر]

ياقلبي يا عروسه .. ربنا يطمنك ويريح قلبك لاتخافي اتوكلي على الله ربنا معاكِ ..

انتي روحي واطمني بامستشفى الولاده .. ربنا يسهلها لكِ يارب مايكون فيكِ شي ..

اقراي قرآن وامسحي على بطنك.. والله مافي احسن من كلام الله ..

[احلى ذكرى]

صبااااااااح الخير كروشاااات
اليوم خلصت التاسع ولا اتر للولاده الله
يعين ودكتورتي حددليا يوم الاحد اخر مهله بعدين ممكن يولدوني بالمضاربه


عروسه
هونيهاا وتوكلي ع ربك وروحي للولاده كويس حمدلله انو عرفتي قبل لايرتفع اكتر واللله يسهل عليك ومابيخسرك اللي ببطنك يارب


ميش _لساااااااتني ماااولدت؟؟

[عروسه]

الله كريم ملكة مافي أفضل من كلام الله
لكن أعوذ بالله الوسوسة قتلتني لأني جربت فقدان الضنا وخايفه مووت
ما ابغى أروح اليوم المستشفى وبنفس الوقت مدري واش اسوي
الله المستعان