((دردشه فترة النفاس))

[نبض قلب حمني]

زهره البنفسج تسلمين حبيبتي على خلطاتك

انا ناويه اجرب الزيت الزيتون مع السكر

اما بالنسبه للشفط وش قصددك مافهمت

[زهرة البنفسج]

يعني اشفطي بطنك على جوا بس تنفسك يكون طبيعي ماتكتمين نفسك هذي الطريقه انا مجربتها زي السحر للبطن ممتااازه

[نبض قلب حمني]

اي فهمت عليك
يعني اسحب بطني لجوا بدون مااسحب التنفس معه
اخلي التنفس طبيعي


بجرب
يعطيك العافيه حبيبيتي

بس الله يعين كل همي الابطين والمنطقه الحساسه

[مليار]

مشكورات عى الردود اخواتي
جبت لكم خلطة من الاخت ام الفيصلي في منتدى بلقيس للمنطقة الحساسة
ناوية اجربها من بكرة ان شاء الله
((السلام عليكم

الموضوع غير منقول يابنات حبيت انقل لكم تجربتي ان شاء الله تستفيدون وما ابي الا الاجر من رب العالمين يمكن طريقتي هذي تفرج على مكروبه وقد قال الرسول صالى الله عليه وسلم فيما معناه انه من فرج على مسلم كربه من كرب الدنيا فرج الله عنه كربه من كرب الاخره

في اثناء الحمل اصبحت المنطقه الحساسه عندي فحمه مو سواد عادي قسم بالله
المهم رحت بتعالج قالت الدكتوره ما انصحك في الحمل

وبعد ماولدت جلست اجرب في الخلطات اللي في المنتديات كل شهر اجرب خلطه وما شفت اي مفعول الا بسيط جدا ومرت سنتين ونص من ولدت وطوال هالفتره اجرب ولا استفدت النتيجه اللي ترضيني

المهم قررت اني اسوي خلطه من تأليفي واجمع المواد اللي تبيض !!!
الكلام هذا قبل شهرين بالضبط وظليت اقرا واقرأ المهم استنتجت التالي

1___اغلب خلطات التبيييض تحتوي على الليمون والجليسوليد الاحمر الدائري

2___الحليب البودره (النيدو) يحتوي على حوامض تعمل على تقشير لطيف للبشره وتجديدها

3___ماء الورد يفتح البشره ويشد الجلد

4___زيت الزيتون شجره مباركه وينعم البشره ومن الافضل عدم استخدامه في الاماكن اللي تتعرض للشمس

5__ النشا يفتح لون البشره وانا سمعت من بعض الامهات انهم يخلطونه مع زيت الزيتون ويدهنون فيه الطفح اللي يجي الاطفال ودايم استخدمه لولدي ولاحضت انه منطقته تبيض واثار الطفح اللي تكون سودا تروح مع الاستعمال لهذا الخليط

وقرات مره انه الخلطات اللي فيها ليمون تنحفظ بالثلاجه لمفعول افضل وكمان خلطتنا هذه تحتوي على النيدو يعني لازم ثلاجه

نجي للخلطه

هي على مرحلتين الاسبوع الاول

تعملي هالخلطه وبعد اسبوع راح تضيفين لها زياده من بعض المواد الي فيها وراح اذكر لك السبب

فنجان كبير مليان نشا
فنجان كبير مليان ماء ورد
فنجان كبير مليان زيت زيتون
3 ملاعق كبيره جليسوليد
فنجان كبير مليان حليب بودره
عصير ليمونتين فقط

تخلط حتى تتجانس وتحفظ في الثلاجه ضروري
وكل ما دخلتي الحمام وغسلتي لازم تنشفين المنطقه كويس بمناديل
بعدين حطي الخلطه ودلكي شوي والبشي شورت قطني

انا ما خذه راحتي في بيتي اطلع من الحمام على المطبخ على طول وادهن

بعد اسبوع قسم بالله فتحت عندي المنطقه حييييل وصارت رقيقه جدا والليمون اللي في الخلطه صار يحرقني فقررت اني ازيد بعض المكونات حتى اخفف من حراره الليمون

بعد اسبوع
زدت على الخلطه
2 كبيره ملعقه جليسوليد
نص فنجان زيت لوز مر الخاص بالجسم
وفنجان نشا و نص فنجان ماء ورد

وترى الريحه حلوه واذا كان زوجك يرغب فيك غسليها وبعدين ارجعي حطي اسفه على الاطاله بس حبيت اكتب لكم تجربتي بالتفصيل علشان كل شي يكون واضح

ووالله اسبوع عن اسبوع المنطقه فتحت بعد شهر واااااااااو الحين صارت ورديه وناعمه والحمدلله انفرجت كربتي وصرت احس بالثقه قدام زوجي والحين الحمدلله صار لي شهر ما استخدمها الاقبل النوم وقبل اتسبح

باقي الاوقات استعمل دوف كريم الجسم بدي سلك علشان احافظ على النتيجه ))

[نبض قلب حمني]

وااااااااااو خلطه روعه وخصوصا اللي فيها حاجات سهله وموجوده بالبيت

خلاص انا بجربها من اليوم بالليل قبل لاانام
وانتي بعد جربيها معي ونشوف النتايج اذا نفعت والا لا
ونتحمس مع بعض
ونعلم البنات عن التجربه

انا متحمسه مره

[ام لميـس]

خللللطه رووعه الله يعطيك العافيه

[أمـ غرام]

وانا بجربها بعد تسلمين ياقلبي
بس ابسأا عن كريم دوكين زين والا لا ..؟

[نبض قلب حمني]

والله بصراحه ماسمعت فيه
وانا ماايد الكريمات الا بنصيحه الدكتور

لاني قد جربت كريمات للتبيض المنطقه الحساسه قبل زواجي
وبالبدايه كانو روعه ونتيجه خيال
لكن يوم تركتهم
رجعت المنطقه مثل اول وازيد بقوووه

ومن بعدها مااجرب غير الخلطات الطبيعيه

ان شاء الله يفيدونك البنات

[~ درر ~]

اممممممممم الموضوع رائع

انا بستخدم ان شاء الله
للمنطقه الحساسه
ميبو لو كان في جرح
وراح اشطفه بماء وملح للتعقيم
وراح اصنفر المنطقه بسكر وزيت زيتون وليمون
وبالاخير اشيل الشعر
وراح انظفه بالاسكينول
وماراح انسى المسك حق عبدالصمد
...
الوجه
ووجهي راح اعمل مقشر مره بالاسبوع سكر ووزيت او صنفره لالمشمش
وراح اعمل قناع النشاء والماء الورد
او احط عسل او زبادي او اسوي اي خلطه من راسي >ههههههههه لان كل شي مفيد
وراح اشقر حواجي واشيل شعر وجهي
..
الاسنان واللشفه
تنظيف وتلميع عند العياده
تقشير للشفه
..
الشعر
اصبغ واقص شعري\

اسوي حمام زيت
..
الجسم
اعمل كل يومين صنفره لجسمي بملح الحليب
او باي مقشر
اعمل قناع لجسمي ماء ورد ونشاء
حمام مغربي
دلكه
اشيل شعر جسمي واشقر المناطق المسمره
ارطب جسمي بزيت ومنطقه الارداف والبطن بزبده الكاكاو
راح اتنقش هع هع
..
وعشان الكرش
اشرب يوميا قشر القهوه
وزنجبيل مع قرفه
وزنجبيل مع نعناع
واكل سلطه وفواكه
واشرب قهوه فيها ننانخه نخوه يعني
وشاهي اخضر
واحاول اشد بطني اشفطه بالنفس
واشرب عصيرات فريش

وابتعد عن الغازيات والحوار


ان شالله بس انفذ الي اقوله

[نبض قلب حمني]

واو روعه يادرر

بس بالنسبه للسكر والزيت الزيتون هو يناسب البشره الجافه

بالنسبه لي بشرتي دهنيه ماحبيته لبشرتي

وانتبهي وانتي تقشري شوي شوي لاتدعكينه بقوه عشان ماتتضرر بشرتك