حبيباتي ممكن تساااعدووني !!!!!!!

[حسنا]

السلام عليكم....
كيف حالكم حبايبي.... ان شاء الله تماام
لو سمحتو تسااعدوني في مشكلة بنتي!!!
بنتي عمرها سنتين وتسع شهور عندها مشكلة الخوووف بتخاف من اي شي من اي صوت تسمعه مع العلم ماكانت كذا
من جديد ماادري ايش السبب انا كنت اصرخ عليها بس اذا غلطت زي أي أم عادي بس والله تعبت..
حتى لدرجة صار عندها التأتأة وبصعوبة تتكلم هي تكلمت بدري من عمر السنة ونص وكلامها حلو وماشاءالله تكلمت كل الكلام ماأعرف هي عين او حسد او ايش بالظبط مااعرف ساعدووني بدأت أخاف عليها
عمتي ام زوجي قالتلي خديها عند شيخ يقرأ عليها
انا ماأبغى شيوخ تخاف بزيادة ابغى بس مساعدتكم ابغى اعرف ايش اتبع معاها ايش اتصرف

[احاسيس انثى]

اقري عليها وهي نايمة شربيها ماي زمزم قري على ماي
دايم ي ليل اقري عليها حاولي دايما تخلين بنت تحس انك معاها عشان ما تخاف من شي شجعيهاا كلميهاا

[ام عمر ..]

احاسيس انثى ما قصرت

حاولي تتوضون لها انتو قرايبها واخذي مويه الغسول وحمميها فيه

ولا تصرخين عليها الله يشفيها والاطفال طبيعي يخافون من الصوت العالي

[حسنا]

اميين ياارب العاالمين
تسلمولي يااارب
ان شاء الله حأسوي زي ماقلتولي

[سيدة الغرام]

الله يفرجها عليكي زي ماقالو اخواتي اقراي عليها وهي نايمه وسمي عليها ياعمري
في كل وقت وان شاء الله تكون زينه الله يحفظها من كل شر

[نبع الكوثر]

عليك اول ماتسمع الصوت على طول ابتسمي لها وقولي لها هدا صوت السيارة وهدا صةت كدا وضحي لها الاصوات من شنو
انا بنتي كدا بس للاسف انا السبب وندمانه كثييييييييييييير

بنتي عمرها سنتين واربع شهور مرة كان صوت سيارة عاليه من النافده
لان غرفتنا تطل على الشارع وانا كنت تعبانه حيييييييييل من الحمل ومعي نزيف واحتاج راحه لما اختلعت من الصوت قلت لها يالله اجلسي مؤدبه لايجي ياخدك وخافت وندمت كثير لانها صارت جبانه
بس الحين صرت من احسها خايفه من شيء على طول اقول لها هدا صوت السيارة هدا صوت الديك هدا صوت العمو يبني له بيت وكدا وبدات تطمن وصارت هي مجرد تسمع صوت تقول لي سمعتي هدا سيارة هدا هدا هداوانشاءالله بنتك مافيها الى العافيه
والحمد الله

[أإأم ع‘ـــزُوـوزُ]

إقري عليهـآ وخلي صوت القرآن شغال على طول ببيتكم ولمـآ تنام إقري وأنفخي عليهـآ ..

وإن شـآء الله مـآفيهـآ إلا العافيه وطبيعي الخوف في هذآ السن الله يحفظهـآ ويخليهـآ لك ...

[حسنا]

تسلمولي والله ماكنت عارفه ايش كنت
حأسوي من غيركم
ان شاء الله انا بدأت معاها
صارلي يومين وربي يكتب اللي فيه الخير

[حنيني]

زي ماقالو البنات بيني لها الاصووات
واقري عليهاا كل يوم ..سووره البقره
واقري على مويه وخليها تشربها
واهم شي حضنيها كل يوم في الصباح والمغرب

وقولي لنا وش يصير معاكي
وان شاءلله ترجع زي اول واحسن