دعواتكم يابنات... وخطتي الجديده لهذا الشهر

[أورجه البنفسج]

مرحبا ياحلوات والله موضوعي هذا ابي دعواتكم لي بالحمل عاجلا غير اجل محتاجتها من كثر الضغوط اللي عليه في هالوقت
--------------------------------------

ثانيا |
كل شهر اسوي برنامج بس المره هاذي طويل قلت التجمع مو ناقص برامجي وحبيت الكل يستفيد معي ان شاء الله واللي تبي تبدأ معاي الله يحييها

طبعاا البرنامج كالتالي--

-اشرب ملعقه صغيره من عشبه المدينه في كوب مويه ساخنه من اول يوم للدوره مره ع الريق ومره قبل النوم لمده 5 ايام>>الطعم عادي ومو مر

-بعد الطهر ان شاء الله استخدم القسط الهندي والله مادري خايفه من مرارته بس وش حدك ع المر قال اللي امر منه ومتفائله فيه مرررره .. الى قبل الدوره باسبوع في الصباح وفي المساء


-شرب كاستين بردقوش يوميا عاد في اي وقت >>ادري تقلون الله يعين بطنك بس وش اسوي مضطره

-راح اخذ خلطه د.عبدالباسط لضعف التبويض اللي هي لقاح النخيل والهدال ملعقه بعد الغداء ب3 ساعات

-طبعا المشي كل يوم نصف ساعه

وسلامتكم والله يكتبلي الحمل عاجلا غير اجل وكل من تتمنى ..

[جارة القمر]

يا قلبي اولا فقدتك من زمان ما شفتك بالمنتدى
يا رب العالمين يا حنان يا منان انك ترزقك اختي اورجه البنفسج
الحمل عاجلا غير عاجل والله لا يضيعلك تعب
حبيبتي ارجوك استيقظ قبل اذان الفجر بقليل وادعي الله
بالحمل وان شالله الموضوع الجاي تبشرينا

[Rancy]

أسأل الله العظيم القدير .. بأسمائه الحسنى ..
أن يكرمك ويطعمك الحمل يارب ..
ويرزقك من حيث لاتحتسبين ويرزقني ويااك غاليتي ..
والله يسهل عليك ..
اعزمي وتوكلي ع الله ..

[أورجه البنفسج]

جاره القمر فديتكـ ضروف الاتصال والا انتو بالقلب تسلمين لي ع الدعوه الحلوه
rancy تسلمين لي يالغاليه الله يسمع منك يااارب ويفرح قلبك ..

[ام تميم 66]

اشرب ملعقه صغيره من عشبه المدينه في كوب مويه ساخنه من اول يوم للدوره مره ع الريق ومره قبل النوم لمده 5 ايام>>الطعم عادي ومو مر ,,, وقبل الطهر في 3 اياام سوي كبووو يا الغلا يمكن فيك شي وانتي ولا الدكااترة يدروون خوة خوة وشااهي اخضر قشر بصل كموون واهم شي الشااهي الاخضر يا الغلا ,,, وان شاءاللله تبشرينا بحملك قرييب يا الغلا ,,, والبردقووش كل يووم بعد الدورة اشربية مثل الشاااهي ماء ساااخن في كوب علية ملعقة بردقوش وان شاءالله ينفع فيك ,,,, وكل هذا ولا تنسيين الاستغفااار والصدقه وقيااام الليل وصلاة الضحى واسالي مجرب والحمد لله على كل حاال يااارب وان شاءالله ما يضيع تعبك يا الغلا ابد,,,بس ملاحظة ,,,

لا تيأسيين ابد اذا نزلت الدورة استمري وايقني ان الفرج قرييب واتي يااارب وعساااك ما تشوفينهاا بعد هذا الدورة يااارب وكل من دخل موضووعك يااارب وتبشرينا ياارب يااارحيم يااارب,,,

[أورجه البنفسج]

تسلمين لي يام تميم ان شاء الله الاستغفار راح اداوم عليه نسيت اكتبه وان شاء الله قيام الليل بس مافهمت خلطتك ..
كيف حملك ؟؟قبل شوي افكر فيك..

[ام تميم 66]

اشرب ملعقه صغيره من عشبه المدينه في كوب مويه ساخنه من اول يوم للدوره مره ع الريق ومره قبل النوم لمده 5 ايام>>الطعم عادي ومو مر ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

هذا اشربية اياام الدورة انا معك فيك ,,,

والكبوووو مرة زييين يا الغلا,,,,

وزي ماقلت الاستغفااار وقول لاحول ولاقوة الا با الله وصلاة الضحى وقيااام الليل والصدقة هذا الى انا مسويتة وربي اكرمني بحملى ولله الحمد ,,,

بس اهم شي توكلي على رب السمواات والارض ولا تيأسيين ابد استمري ولا بد من الفرج والدعاااءوربي يكتبلك الى فية خير وصاالح يااارب والفاال لك يااارب عااجل غير اجل يااارب,,,وكل المنتظرات يااارب,,,

[روح الإبداع]

حبيبتي عشبة المدينه خليها مه حليب دافي احسن لك...

وإذ ماتعاني من هرمون ولا تكيس
إدخلي هالموضوع ويارب تبشرينا قريب.....
http://forum.mn66.com/t71380.html

[Rancy]

ممكن سؤال ...؟؟؟
وشو الكبووو ...؟
وكيف طريقتة ..؟
واقدر اسويه..؟
باقي ع دورتي 4 ايام او له ايام معينه وش فوائدة
ملقووفه صح هههههههههه
بس احب استفيد :)

[أورجه البنفسج]

تسلمين ام تميم وروح الابداع الله يحقق مناك ياااارب
رنسي نفس السؤال ماعرفت الكبوو؟؟ واحنا هنا واحد لا لقافه ولا شيء..