¤ô§ô ~أحلى تجمع حوامل التوأم 2011~ ô§ô

[الأميرة جوري]

المشاركة الأصلية كتبت بواسطة pinkypinky

الياه و احلا توينز اتريا اسمع قصصكم واللي استوا ويااااااكم ؟؟؟؟؟؟؟؟؟؟؟

انا يوم دريت اني حامل بتوأم كنت رايحه المستشفى وكنت حامل من 8 أسابيع وكان الوحام تاعبني حيييييييل ونوموني بالمستشفى علشان المغذي لاني ماكنت اقدر أكل شي وبعد ماسوت لي الدكتورة سونار قالت انتي عندك توأم علشان كذا انتي وايد تعبانة وطلعت وخبرت ريلي وريلي وايد استانس بعدين أنا خبرت امي وخواتي
بس أهل ريلي ولا واحد يعرف علشان تكون مفاجئه بيستغربوا علشان ماحد عندنا بالعائلة عندهم توأم لا أهلي ولا أهل ريلي هذي عطية من رب العالمين ماكنا متوقعين
لا أنا ولا زوجي .الله يرزق كل محرومة أمييييييييين

[دانات]

احلى توينز انتي موجودة كتبتلك رد في الصفحة السابقة <<<<مدرسة خخخخخخخخخ

[الأميرة جوري]

المشاركة الأصلية كتبت بواسطة الياه

أحلى توينز

أحلى توينز، ولك مثل هذه الدعوه وأكثر
شكرا حبيبتي كلج ذوق
بعض ما عندكم
وبالعكس استانس بتواصلي ويا كل الأعضاء في المنتدى
أحس الأيام تخطف بسرعه
وهذي ميزة عشان أشوف أحلى توينز

صح سبقتج وسرت زهبت بعض ملابس التوينز
الفال لج

آن شاء الله تعدي الايام ع خير وتشوفين أحلى توينز وهم بصحة وعافية أمين يارب
ماشاء الله جهزتي حقهم يقطعوها بالعافية ان شاء الله أنا آن شاء الله حاطه بالي هالأسبوع أبدي أجهز... الله يحفظ بيبياتنا من كل شر أمييييييييييين.

[الأميرة جوري]

دانات

أنا موجودة مانتبهت رايحه اشوف الصفحة وراجعه

[ام دحوم]

ام دحوم انا عندي بنتين
الله يخلي لك عيالك ويرزقك برهم ويصلحهم


طوق الياسمينا
الله يخليلك بناتك والله يحفضهم لك من كل سوء وتشوفينهم عرايس

[الأميرة جوري]

دانات

الحلوين بخيييييييييييييييرالحمد الله هذا الي كنتي تسألي عنه صح

[روعة ن]

كيفكم بنات شو اخباركم الف تحية للجميع
غرومة الف شكر عالجدول وعقبال ما يصير اسمنا من ضمن امهات التوائم بخير وسلامة يا رب

[الأميرة جوري]

سآره

حتى أنا حسيت أنج ماتحبين حد يشاركج أحزانج ولاحتى أفراحج
والأخوات كانوا متحمسين حق الاكشن ماعشان يستفيدوا بس علشان
يعيشوا معج لحضة المعانه الي مريتي فيها وكيف كانت الولادة
وكيف حال بيبياتج وكل وحدة تولد أطل علينا وتكتب لينا الاكشن حقها
وفي منهم قلوبهم تتقطع ع عيالهم الي بالحضانة مايدرون شو بيصير فيهم
مع هذا يدخلون ويطمنونا عن نفسهم وعن بيبياتهم علشان نخفف عنهم ونشاطرهم أحزانهم.

أحنا كلنا أخوااااااات نساعد بعض ونستفيد من بعض اذا ماتحبين حد يسأل عنج ولا حد يعرف عن أخبارج هذا شي راجع لج أسفييييييييييييييييين.

[الأميرة جوري]

روعة ن

شحالج الحين زينة والمشيمة آن شاء الله ارتفعت وشحال التوينز؟
أحنا الحمدالله بخيييييييييييير

[الأميرة جوري]

بناااااااااااات وينكم؟؟؟
التجمع صار بااااااااااارد بعد ماكان حاااااااااار خخخخخخخخ