الي عندها بنت زي بنتي تتفضل

[جهينه]

والله انا ماذقت طعم الراحه الا لما صار ولدي سنتين ونص ..
تخيلوا يعني عمره سنتين ولازم يصحى بالليل يبكي مره ومرتين ونومي مقطع ماارتاح ..
واول ماجبته في الاربعين كان كل ساعه يصحى بدون مبالغه وربي وعلى هالحال من الساعه 12 الى 8 الصباح بعدها يصحصح .. طيب وانا طول الليل مانمت يادوبي اغفى الا صحى يبكي ..
وانا اشتكي سمعتني خالتي وقالت لي انتي بس تتدلعي لانك توك ام جديده قلت لها والله مااتدلع وخليتها تنام عندي ليله في الاربعين والله انها صحت الصباح وراحت غرفه ثانيه قالت لي ولدك مو طبيعي ماينام ابد ..
وبعد 6 شهور قالوا لي يتعدل نومه والله ماتغير شي بس بدل مايصحى كل ساعه صار كل ساعتين ..
وكان وراي جامعه ودوام والله اني اهملت نفسي حيل ذيك الفتره يادوبي مذاكره وتربيه ولدي والله حيل تعبت فيه .. وبعد ماكبر وريحني في النوم تعبني الكل يشتكي منه من شقاوته يضرب العيال
ولايقعد جنبي دقيقه ووووووو ...الخ ..
الى ان قالوا لي جيب لي اخ او اخت عشان يهدى وانا احين حامل مع اني ماودي احمل حاليا يادوبي ارتحت شوي من التربيه ..
تبين الجنه ببلاش <<<<<<< هذي كلمه امي لي دايما ..
الحمدلله على كل حال