وش سالفة الألترا ساوند...؟ ريحوني الله يعافيكم

[كل الحلى]

مساء الخير

كيفكم ياأحلى كروشااااات

حبيباتي أنا حابة أستفسر عن الألتراساوند هذي وش قصتها

أنا الحين بالشهر السابع وكنت أراجع عند مستشفى خاص ومن بداية السابع

حولت على مستشفى حكومي>> اللي راح أولد فيه بإذن الله

المهم طبيبتي اللي بالحكومي أول مابديت معها سألتني قالت سويتي ألتراساوند بالخاص

قلت لا قالت لي ليه قلت ماأدري أنا بكرية ولاعندي خبرة وطبيبتي اللي بالخاص ماطلبتني أسويها

قالت ياسلام هذي المفروض مسويتها من الخامس
وعطتني موعد عشان أسويها لكن الموعد ماراح يجي إلا بعد ماأدخل الثامن إن شاء الله

أنا سألت الدكتورة قلت في ضرر إني تأخرت ماسويتها ماعطتني جواب قلت هي المفروض بالخامس مو الحين بس لازم تسوينهااااااا

المهم حبيباتي أنا بسألكم وش سالفة هالألترا ساوند؟؟؟ وهل في ضرر أني تأخرت ماسويتها؟؟؟ وليش المفروض أسويها؟؟؟

لأني بصراحة خاااااااااايفة مرررره وقلقانة منها وأخاف في شيء عشان كذا طلبتها الطبيبة

تكفوووون بنات طمنوني الله يطمن قلوبكم ويسعدكم يااااااااارب ويرزقكم من حيث لاتحتسبون

[rose]

المفروووووووض السونار اللي هو يوريك الجنين
الخاص بيعملوها كل زيارة
عشان الدكتورة تتطمن على نوع الجنين
ونمووووه
والسايل حول الجنين ووضع المشيمة
غرررريبة حالتك
بكل المستشفيات الخاص لازم كل زيارة شهرية بيكون فيه الترا ساوند

عموما لازم تخلي دكتورتك تعملك هو باقرب وقت

[أديم]

روز الالتراساوند هو نفسه السونار ؟

[توتو2011]

لا تخافين حبيبتي
انشالله بيكون خير
جداتنا وامهتنا مكانوا يعرفون السونار
بأذن الله رايحه تطمنين على الجنين
وتعرفين جنسه بعد..
وعلى فكره مافي خطوره في تأخيره ان شالله

[المستحيله]

ما فيه خطوره بس غريبه دكتورتك بالمستشفى الاهلي ما سوتلك ابد.... هو مهم علشان تعرف الدكتوره وزن الجنين و صحته والمويه الي حوله والمشيمه وضعها كيف...

[~*جْ ــوَلىْ*~]

البنات ماقصروا

[ام سيد علي]

ان شاء الله مافي ضر لك والى الجنين

والله يتمم عليك بالصحه والعافيه

[شهودة]

اذا أنتي تشوفين صحتك ووزنك كوووووووووووويس عااادي حبيبتي ان شاء الله مافيه ضرر

[إليانا]

لاااا عااااااااااادي انا سويته من اسبوع في التاسع
الترا ساوند العادي<<مفروض من بداية الحمل

اما الثلاثي الافضل من السابع

لا ياقلبي ماعليك خووف

[rose]

المشاركة الأصلية كتبت بواسطة أديم

روز الالتراساوند هو نفسه السونار ؟

حبيبتي اديم اي نعم نفسهم واحد
سونار هو نفسه الترا ساوند