@@ حملة قياااااام الليل @@يالله نشيل الهم ونعدل حياااااتناااا وتتحقق أمانيناااا @@

[Mقمة البرااااائهM]

حبيت اسوي تجمع حلو حقنا ونسوي حمله يديده و هي حملة قيام الليل


نحاول كثر ما نقدر انه مانطوف صلاة قيام الليل ..

او عالاقل مرتين او ثلاث في الاسبوع كبدايه حلوه

وبعدين نزيد لين تصير عاده عندكم انه ما تتركونها ولا يوم ..

ماعدا طبعا وقت تكرمون الدوره ..



الحين بحطلكم كل التفاصيل حق طريقة قيام الليل




بسم الله نبدي ..


كلنا نعرف انه لصلاة قيام الليل فضل كبير و عظيم للمسلمين ..

وهي شاهدة ( لجفاء الجنب عن المضجع ) حينما دعونا ربنا خوفا وطمعا ..

قال تعالى ...
( تتجافى جنوبهم عن المضاجع يدعون ربهم خوفا وطمعا ) .


فما أعظم ان نقف في جوف الليل بين يدي الله متضرعين باكين ... متذللين خاشعين ... نناجي رينا ونستغفره من الذنوب التي اقترفناها في النهار ... ندعوه ونتوسل اليه ان يرزقنا مانريد ..

فصلاة الليل من المستحبات والسنن المؤكد ...

وقال صلى الله عليه وسلم : " من خَتم له بقيام الليل ..ثم مات فله الجنة "..؟!

وقت صلاة الليل:

ممكن ان تصليها بأي وقت من بعد صلاة العشاء الى قبل صلاة الفجر

ويفضل تأخيرها ..

طريقة صلاة قيام الليل بقولها اول شي بشكل عام وبعدها بقولكم اللي راح نسويه بالحمله :

صلاة قيام الليل تكون اما بصلاة ركعتين او 4 او 6 او 8 او 10 او 12 ركعه و بين كل ركعتين نقول التشهد و نسلم ..

ونختم صلاة قيام الليل بركعتين الشفع و ركعة الوتر


وبجذي نكون خلصنا


المهم ..

صلاة الركعتين اللي اول شي هذي مثل ماشرحتها قبل عاديه نفس صلاة الفجر .. تصلون ركعتين و بعدين التشهد و تسلمون و تردون تصلون لو تبون اكثر من 2 ..

بعدها تصلون ركعتين عاديين بنية انه بتصلون صلاة الشفع و هي ركعتين عاديه نفس صلاة الفجر .. بس يسمونها صلاة الشفع ..

لكن في اضافه احب اقولها انه من الافضل في هالركعتين تقرين:

في اول ركعه : سورة الاعلى "سبح اسم ربك الاعلى .... "

وفي ثاني ركعه: سورة الكافرون "قل يا ايها الكافرون...."

بس عادي لو تبون تقرون اي سور ثانيه .. لكن هذا اللي كان رسولنا الكريم عليه الصلاة والسلام يقرأه في صلاة الشفع ..


يبقى الحين عندنا خاتمة صلاة الليل واهي ركعه وحده و يسمونها صلاة الوتر ..

وهذي الصلاة ركعه وحده يفضل انه نقرا فيها سورة الاخلاص مثل ما كان يسوي الرسول عليه الصلاة والسلام .. لكن فيها اختلاف شوي
انه بعد ما تقرين فاتحة الكتاب و سوره صغيره (يفضل الاخلاص) وتركعين بعد ما تقومين من الركوع تقولين دعاء يسمونه دعاء قنوت الوتر وهذا اهوه:


" اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي ولا

يقضى عليك ، إنه لا يذل من واليت ،[ ولا يعز من عاديت ] تباركت ربنا وتعاليت "


" اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك "

" اللهم إياك نعبد ، ولك نُصلي ونسجد ، وإليك نسعى ونحفدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا

نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك "




اللي مو حافظه الدعاء تقدر تمسكه وتقرا من ورقه عادي مافي اي اشكال .. بس طبعا يكون احسن لو الواحد يحفظه


بعد ما تقرين دعاء قنوت الوتر ممكن تقرين اي دعاء بخاطرج ..
وتتوسلين حق الله و تدعين اي شي تبينه كثر ما تبين ادعي وانتي واقفه

وبعدها تسجدين مرتين و تقولين الشهادتين و تسلمين

وبعد ما تسلميين تقولين هالدعاء


" سبحان الملك القدوس" ثلاث مرات وفي المره الثالثه نقول رب الملائكة والروح ونعلي صوتنا فيها


وبجذي تكونين خلصتي من صلاة قيام الليل ..


الحين بقولكم طريقة القيام اللي بنسويها احنا .. راح نختار 3 ركعات .. واللي حابه تزيد مافي مشكله .. والسبب اني اخترت 3 ركعات عشان اضمن اكبر عدد من البنات ياشركون معانا بالحمله لانه في بنات يمكن عندهم دوامات او ظروف الخ..



وممكن نصليها 3 ركعات بس .. يسمونهم (الشفع والوتر)

يعني ركعتين و نسلم (مثل صلاة الفجر عااااادي ومافيها اي زود بس يفضل تقرين السور اللي ذكرتها فوق او انتي اختاري اللي تبينه على راحتج)

و بعدها ركعة الوتر و نسلم (ولا تنسون الدعاء فيها)

ملاحظه: ممكن انه ماتقولون دعاء الوتر.. يعني بس تدعون اللي انتوا تبونه بعد ما تركعون وتقومون ادعو اي شي بخاطركم بدون دعاء الوتر )


و بعد ممكن تقرون في هالثلاث ركعات سورة البقره تقسمونها على ال3 ركعات

يعني لكم الحريه..

واللي تتعب واهي واقفه ممكن تحط كرسي وراها عشان تقعد لو تعبت وعادي تكمل صلاتها مافي اي مشكله هالشي سأليين فيه ..


الحين

في شوي اضافات ودي ازيدها من عندي و انشالله بتكونون مأجورين فيها ..

حلو انه بعد ما تصلين وتخلصين قيام الليل تمسكين المصحف وتقرينلج شوي لو صفحه وحده ..


وتمو اقرو قرأن لين يأذن الفجر (الاذان الاول) بعدها ابدو ادعو كل اللي بخاطركم ابكواااا و طلعو اللي في قلبكم كلهههههههه لانه بهالوقت بين الاذان الاول والاقامه وقت استجابه انشالله ..

وبعدها عشان ترتاحوووون عدل عدل عدل صلو ركعتين سنه قبل الفجر و صلو الفجر و نامو .. وبتشوفون الراحه

وانشالله الله بيعطي كل واحد على قد نيته ..



اما اللي ماتقدر تسهر لي اذان الفجر .. ممكن تصلين قيام الليل قبل لا تنامين او مباشره بعد صلاة العشاء

تصلين 3 ركعات اللي قلنا عنهم

و تدعين شوي و لو تقرين اي شي من القران لو صفحه وحده او سوره وحده صغيره

و تنامين


و ممكن تقومين قبل اذان الفجر بفتره لو نص ساعه وتصلينها و بعدها تصلين الفجر و تنامين بعد وايد حلوه هالطريقه

لكم الحريه في الاختيار

بس نبغي مشاركتكم


وهاكم مني دعوه .. يالله يارب يا كريم ياقادر على كل شي
تحقق اللي في بال كل وحده من خواتي وتعطيها كل اللي تبي وترزقهم الخير

اللي ماعندها عيال ترزقها الذريه الصالحه

واللي عندها عيال تباركلها في عيالها و تخليهم لها و ماتحرمها منهم ولا تحرمهم منها ..

واللي مو متزوجه ترزقها الزوج الطيب اللي مافي مثله ويرحمها و مايعذبها..

واللي متزوجه يارب يهديلها زوجها و يسخره لها دايما ومايشوف غيرها طول عمره ..

ويخليلكم امهاتكم واباءكم و كل اعزاءكم و يرحم اللي ماتو و يصبركم ويعوضكم خير عن كل شي فقدوت بالدنيا

ويوخر همومكم و يوسع في رزقكم و يبعد عنكم الناس الشريره و يسخرلكم كل العالم ..

ويجازي كل اللي ظلموكم و يبرد قلبكم فيهم

ويعطيكم على قد نيتكم يااااااااااااااااااااااااااااااااااااااااااااااااا ااارب


اي سؤال تبونه انشالله ماراح اقصر لو اعرفه واذا تبون اعيد شرح شغله مو مفهومه انا ماعندي مانع ومابي شي غير الدعاء والاجر من الله



شرايكم بنات ؟

راح الاقي هالمره اقبال وتشجيع منكم؟؟


خل نشوف ردودكم اهي اللي راح تحدد كل شي


نبي نشجع بعض و كل يوم نتابع بعض اللي تصليها تقولنا و الي يصير تغير في حياتها تقولنا

خل نشجع بعض عالخير..
وعن تجربه صايرلي الحين تقريبا اكثر من6 سنوااات مستمره عليها
وايد شغلات تغيرت في حياتي للاحسن
و واثقه انه ربي ماراح يخيب ضني و كل شي راح يصير مثل ما اريد

يالله بنات
باب التسجيل في الحمله مفتوح من اليوم الى مدى الحياة


منو بتشارك معاي وتعدل حياتها ؟؟؟؟؟

[دلوعة عبودتي]

انا بشارك معاكي وانا لله الحمدلله اصلي قيام الليل
لكن صراحه ما اداوم وبين كل فترة وفتررة اقرا سورة البقرة فكرتك حلوة جزاكي الله الف خييييييير حبيبتي

[حنين الجنة]

كبري الخطططططططططططططططططط

[Mقمة البرااااائهM]

ليش الخط كبير وحلوووووووووووو

[Mقمة البرااااائهM]

المشاركة الأصلية كتبت بواسطة دلوعة عبودتي

انا بشارك معاكي وانا لله الحمدلله اصلي قيام الليل
لكن صراحه ما اداوم وبين كل فترة وفتررة اقرا سورة البقرة فكرتك حلوة جزاكي الله الف خييييييير حبيبتي

أختي ربناااااااا كريم

أهم شي(((دواااام الشئ وأن قل)))

الله يسعدج..............

[مريوومة]

جزآآكــ الله خيير اختي
باادرهـ طيبه منك وانشالله

يتفاعلوون الاخووات معك

واانا معك مشاركه في الحمله
عسى ربي يعننا على ذكرهـ وعبادته \

تحيااتي ..........^^

[Mقمة البرااااائهM]

سبحاااااااااااااااااااااااااااااان الله وبحمده,,,,,,,,,,,

سبحااااااااااااااااااااااان الله العظيم,,,,,,,,,,,,,,



زووووووووووووجي شاااااااااااااارك معاااااااااااانااااااااااا في حملة قيااااااااااااااام الليل.................

[ام ريوما]

وانا معاكم انا الحمدلله اصليها بس مومستمره ومشكوووره على التوضيح
في اشياء كنت مو فاهمتها صح الله يجزاك خير

[Mقمة البرااااائهM]

[ام ارجوان]

جزاك الله كل خير