دردشة حوامل أهل الرياض - دردشة بنات الرياض - تجمع حوامل الرياض

[كآدي]

المشاركة الأصلية كتبت بواسطة شعاع الأمل

هلا وغلا والله يسعد النونو اللي بطنك عليه حركات نص كم هههههههههههه
انا مثلك اخذت مني تحاليل كثيره لان عندي صديد بالبول الله يكرمك والتهبات داخليه
كرهتني نفسي طفشتني مره تخيل لي سنه اعاني منها تروح وترجع يارب سببت
لي حاله نفسيه ويقولون مافيك شي عادي مجرد فطريات ,,
انا بكره عندي موعد الساعه 10 ان شاء الله اسوي اشعه واخذالنتايج
طيب ياقلبي بسئلك انتي كيف نفسيتك احس الحوامل ارحم مني احس اني مكتئبه
مافي شي يريحني ويفرحني منجد تعبانه عسى ربك يفرجها والاسبوع الجاي
اختبارات النهائيه الى 24-2 مشوار وهذي اخر سنه وظني ناراح يمشي الحال وانا ابي التخرج<<<والله اللي لق لق انا خخخخخخخخخخخ
وبالله طمنيني على نتايجك ياقلبي وقدامك العافيه حبيبتي

عقبال المحروس ابنك يجنن الدكتوره بكثر حركاته بصراحه احساس حلو انبسطت وانا اشوفه يتحرك في الشاشه واحس فيه في بطني كنت امس مبسوطه
وطمنينا عليك بكره وش بتقول لك الدكتور وش نتائج الاشعه وكيف البيبي

وبنسبه لنفسيه

اصلا نفسيتي زفت بس احاول اني افرفش وانبسط واطلع مع زوجي وعيالي..الخ
انتي بكريه ما تدرين وش سالفه الولاده بس انا لما اتذكرها يشيب شعر راسي
والولاده تختلف من طفل لطفل ومن بنت لبنت كلها تساهيل من رب العالمين الله يسهل على الجميع
اذكر تخرعت من الولاده على ولدي الاول جاني اكتئاب حاد حتى ولدي كنت بقطه بزبله << ( خبله < بزر ما تدري عن الحمل والولاده ووقتهآ والله محد علمني ولا كآن عندي نت كلش على الله ) ليس على المريض حرج
وكم مره اقطه على ابوه واهرب بيت اهلي عاد بيت اهلي قريب في نفس الحي بس الحمد الله خفيت

ما شاء الله عليك تدرسي يا الله عاد اجتهدي نبي نفرج بشهاتك نسوي لك هناء حفله ونرقص ونغني ليك وننبسط
انا عساي اخذت الثانوي متزوجه انا وزوجي وكلنا ندرس ثالث ثانوي هههههههه
بزارين بس الحين عقلنا العيال خلونا نعقل كبرنا غصب والحمد الله على النعمه اللي انا فيها

واتمنى لكل وحده السعاده واراحه وانتي لا تشغلي نفسك وحاولي تغيرين نفسيتك سوي الاشياء اللي انتي حابتها وفرحينا يا قلبي با نجاحك وربي نجاحك نجاحنا وانتي مثل اختي يا الغاليه اتمنى لك التوفيق