يلا ننسى الحمل شوية ..ونفكر فى نفسنا ونرجع ايام العرس والحنية :)

[قطرات ندى]

شوفوا
انتم شعب مستبد
مايعجبكم العجب
يوم تشكون من طفش الاجازه
ومن تجي الدراسه
تبي تجون تصيحون وتأففون وتقولون جت الدراسه وتسوون لنا كم فلم هندي هنا <<<<< تقصد نفسها هع
لكن ابكتب لكم اقتراحات لعلاج الطفش الشهري الاسبوعي او اليومي
تبي تسوونها سووها
ماتبون ان شاالله عمركم ماسويتوها <<<< معصبه من الطفش

الاقتراحات :

ابتفلسف عليكم شوي ان صابت كسبت فيكم اجر وان خابت ماخسرنا شي ويكفيني شرف المحاوله هووووووع

1- الصلاة والدين
دايم نسمع هالكلام لكن مانطبقه اللي يسحبها نومه بالاجازه ويجمع الصلوات يبي يقوم ويلقى عنده مرض نفسي عضال وساعتها لايجي يشكي من الطفش


2- لاتطولون على شي واحد
يعني مثلا تقعد خمسطعشر ساعه على النت لانه ماكثر من شي سمج
ولو حسيتي وانتي على النت انك طفشانه حطي فاصل ونواصل اطلعي غسلي وجهك ولا اشربي مويه ولا اصطري زوجك وهو لازم يضحي ويتحمل ويقدر ظروفك النفسيه وانت بعد تحملي لو جاك بيوم وصطرك الناس لبعضيها هع

3- نظم وقتك
ولاني ادري هالشي ابعد من نجوم السما
يااااااا هووووووووووووو


4- حط لك هدف بالحياه
مو معنى هدف يعني تصير دكتور أد الدونيا
ولا تحرر فلسطين
لا
قل مثلا ابسوي رياضه كل يوم
ابخلص الكتاب الفلاني بيومين

5- تابع النقطه ( 3 )
تنظيم الوقت مثل ( نوم من الفجر للظهر + الظهر غداء وجلسه مع الاهل هذا لو لقيت احد منهم صاحي + العصر نت او رياضه او اي داهيه تروح لها + بعد المغرب عزيمه او تنطل وجهك على احد لين اخر الليل )
المهم دبروا عمركم مو فاضيه احط لكم جدول << مغصوبه تكتب موضوع
بس لو ترقدوا بالليل وتصحصحوا الفجر تبي تدعون لي دعوة وليه ساعة الفجريه


6- خلوا عنكم المقارنه
محد راضي بحاله
اللي مايسافر يحسد اللي يسافر
واللي يسافر داخل الديره عينه على برى
واللي يسافر للخليج يبي الشام ومصر
واللي يروح للشام ومصر ماعجبه الوضع ويبي اوروبا
واللي يروحون اوروبا مصدقين كذبة وصول الانسان للقمر وودهم يصيفون هناك بس مهب حاصل
وانتن يالبنات خلوا عنكم المقارنه
حتى لو خويتك حلوه وغنيه ومدلعه وكل سنه يسافرون باريس
قولي يمكن هي مو سعيده
ادعوا الله يرزقكم القناعه


7- لا لا ,, لاتصدقونه

لاتصدقون الناس
تراهم كلبوهم كذابين وراعين فشخره
يمكن تلقين وحده كاشخه بفستان بعرس وهي شاحدته من خويتها
او جاي بطلعة الروح وتحويشة العمر
او متهاوشه مع اهلها ومضربه عن الاكل ثلاثه ايام ومسويه زي الافلام الهنديه ومهددتهم بالانتحار لين طاعوها تشتريه
او مقدمه تنازلات عن اشياء اساسيه عشان الكماليات
وانتي تطيرين بالعجه وتقولين فلانه اهلها يعطونها وانا لا
هي مو جايه وقايله لك ان ثوبها ماجا الا بلعنة الخير عشان البرستيج

8- السعاده تبدا من الداخل
تقرب لله .. ولامك وابوك .. واهلك .. وتقاسم السعاده مع غيرك ..واترك اللعانه والحقد ..وسو اي عمل خير ..كذا تكون نظفت داخلك
نجي لبرى عاد
تحت



9- اوقد شمعه بدل ان تلعن الظلام
بدال ماتقول طفش حاول تسوي اي شي
رتبوا دالوب الثياب
اقلبوا الغرفه وبكره رجعوها مكانها
اغسلوا الحوش او زولية الصاله وخلوها مفاجأه لامكم اذا قامت..يمكن تمدحكم او تلعن خامسكم
حطوا في بالكم كل الاحتمالات
العبوا اونو وغشوا عشان تكسرون الروتين او كيرم
يعني حاولوا تنوعون باساليب الغش والاحتيال والخداع وتكتشفون طاقاتكم ومواهبكم
او امسكوا اليهالو وحطوا له مكياج او هبلوا بالشغاله بس تهبيل على خفيف عشان ماتنحاش بسبتكم
هذا في حال حسيتوا انها تتقبل المزح عاد انتم ادرى بشغالتكم
او لفوا سمبوسه او سوا حلا و انتم وشطارتكم وافكاركم المنحرفه


10- استغلوا امكانياتكم البسيطه
مثلا اطلعوا البر او الحوش وحطوا حفلة شوي وتوفرون فلوس المطعم وتعلمون مهارة جديدة
مره تبي تحترق الدجاجه
ومره نصها دم ,, بس يكفيكم مثلي شرف المحاوله
بس كثروا بطاطس عشان لو احترقت الدجاجه تلقون شي تاكلونه مهب موت وخراب ديار
او اكشتوا بالسطح واستغلوا القمر الحين وكل واحد يقول اسراره للثاني بس منيب مسؤوله لو فضـّح فيه من بكره





مع تمنياتي لكم بسعاده غامره بعد ماتطبقون نصايحي
وتحسسوني ان لي مستقبل بالتفلسف







بناااااااااااااااااااااااااااااااات كل وحده خليها تخبرنه
بهواياتها
مثلا عده شي تسوي خلال اليوم

مثلا انا يااااا سلام
انا وما ادراك ما انا
الموهم نرجع
انا عندي موهبه الرسم والحمد لله
وحاليا قاعده اكتب قصه مع رسومها وانتو ؟؟؟؟؟